تیتوس 1:10 - کتاب مقدس به زبان کردی جنوبی - گویش کلهوری

¹⁰ چوینکه ئایەمیل ملهوڕ، وڕاوەکەر و فێڵباز فرەن، وه تایبەتی له بین ئەوانه که وه خەتەنه کردن پاملن،

تیتوس 1:10 ပူးပေါင်းရင်းမြစ်များ

ئنجیل مەتا 23:14

«وای وه حاڵ ئیوه ماموستایل تەورات و فەریسیەیل، ئێ دوڕوییل! چوینکه ئیوه لەلاێگەو ماڵ بێوه ژنیل چەپاو کین و لەلاێگتریشەو، ئەڕا ئیه که خوەدان نیشان بیەین، دوعایلدان دریژەو کین، وه ئەو بونه، سزادان چەنێ سەختتر بود.

کاریل ڕەسولەیل 11:2

جا وەختێ پتروس هاتەو ئەڕا شار ئورشەلیم، ئەوانه که وه خەتەنه باوەڕ داشتن هەله گردنه لی و وەتن:

کاریل ڕەسولەیل 15:1

بڕێگ له ناوچەێ یەهودیەوه هاتنه ئەڕا شار ئەنتاکیه و برایل تالیم دیان و وەتیان: «ئەگەر وه پێ نەریت موسای پەێخەمەر خەتەنه نوین، نیەتویەنین نجات پەێا بکێن.»

کاریل ڕەسولەیل 15:24

شنەفتیمنه کەسیلێ له ناومان، بی ئەوه که دەستورێگ له ئیمه بیاشتوین، هاتنه و ئیوه وەگەرد قسیەیلیان پەشێو کردنه و سەره لێدان شێواننه.

کاریل ڕەسولەیل 20:29

زانم وەشون ئیه که چیم، گورگێل دڕنه تیەنه ناودان، که بەزەیێان وه ڕیەنەگه نیەتێی.

نامه وە غەلاتییل 2:4

ئیه له ئەو باوەتەو پێش هات که بڕێگ له برایل دروەکانی وه دزیەو هاوردوینه ناومان و ئەوانه سڕ خواردنه ناومان تا ئەو ڕزگاریه که وەناو مەسیح عیسا دێریم جاسوسی بکەن و وه خوڵامی بکیشنەمان.

نامه وە غەلاتییل 3:1

ئێ غەلاتییل نەزان، کی جادودان کردێه؟ مردن عیسا مەسیح وه ڕوشنی ئەڕادان شێو کریا جوری که چماێ لەنواێ چەویلدان وه سەلیب کیشریا.

ئەفسوسیێل 4:14

ئەو وەخته دی جور مناڵیل نیمن که تافیل وه ئی لا و ئەو لا فڕەمان دەن و هەر وای تالیمیل جورواجور و فەن و فيڵ ئایەمیل، وەناو نەخشەیلی که ئەڕا له ڕێ دەرچین کیشن، ئیمه وه ئی لاو ئەو لا فڕه بێید.

یەکم نامەێ تیموتاوس 1:4

و سەر خویان وەگەرد مەسلەتیل و بنەچەکیلێ که بنێ نیەتێی گەرمەو نەکەن، چوینکه ئیانه له جێ بڵاو کردن کار خودا که له ڕێ ئیمان تێدە دی، دامەن دەنه قسیه و باسیل.

یەکم نامەێ تیموتاوس 1:6

بڕێگ له ئایەمیل له ئی کاریله هەڵوگەردیانه و ڕوی هاوردنەسه قسیەیل مفت و

یەکم نامەێ تیموتاوس 1:9

هەر ئیجوره زانیمن که شەریعەت نه ئەڕا درسکاریل، بەڵکەم ئەڕا یاسا شکەنیل و ملچەفتەوکەریل نویسریاس، ئەڕا خودانەناسیل و گوناکاریل، ناپاکیل و کفرچییل؛ قاتڵیل باوگ و قاتڵیل داڵگ؛ ئایەم کوشیل،

دویم تیموتاوس 3:13

وەلێ ئەوانه که کارێان شەڕئاشویه و فێڵبازن وەناو خراوی چنه نوا؛ گول دەن و گول خوەن.

دویم تیموتاوس 4:4

له گوش داین وه ڕاسی ڕوی هەڵوگەردنن، وەرەو مەسلەتیل له ڕێەو دەرچن.

تیتوس 1:6

شێخ کلیسا نەبایه وەناو زنەیی چشتێگ بیاشتوی که بوده بایس سەرزەنشتێ، باێه شوی یەێ ژن بود، باێه مناڵیل با ئیمانێگ بیاشتوی که له هەر لەون بخت هەوسار بڕیا یا ملهوڕی دویر بون.

یاقوب 1:26

ئەگەر کەسێگ خوەێ وه خوداپەرەس بزانێ و هەوسار زوانی له دەسیەو نود، بەڵکەم دڵ خوەێ گول بێی، خوداپەرەسی ئەو ئایەمه هویچ نیەتیەرزی.

یەکم یوحەنا 2:18

ئێ ڕوڵەیل، سات ئاخر ڕەسیه و هەر ئەوجورە که شنەفتینه ”زد مەسیح“ تێد، ئێرنگەیش فره له زد مەسیحیل هاتنه، وه ئی بونه زانیمن که سات ئاخره.

یەکم یوحەنا 2:4

ئەوه که ئویشێ «ناسمێ» وەلێ حوکمیلێ وه جا نیەتیەرێ، دروزنه و ڕاسی وەناوێ نیه.

یەکم یوحەنا 4:1

ئێ عەزیزەیل، وه هەر روحێگ باوەڕ نەکێن، بەڵکەم روحیل ئەزمون بکەن تا بوینین له خودان یا نه. چوینکه نەبوەتکەریل دروەکانی فرەێگ وەناو جهان تەفرتویناوه بینه.

وەحی وه یوحەنا 2:14

«وەلێ، یەک دو هەڵه وه پێد دێرم. له ئەوره کەسیلێگ ديری که کەفتنەسه شون تالیم بەلعام؛ هەر ئەوه که وه باڵاق یاێ دا که کوچگیگ بخیده نوای پاێ بەنیئیسرائیل که بایس کەفتنێان بود، تا له خواردەمەنی پیشکەشی وه بتیل بخوەن و دەس بێەنه خیزی.

وەحی وه یوحەنا 2:6

وەلێ ئی خاسیه ديری که له کاریل دار‎دەسەی نیکولاییل قینێد تێد، ئەوجورە که منیش قینم تێد.