رومیەگان 8:9 - کتاب مقدس به زبان کردی جنوبی - گویش کلهوری

⁹ هەر چەن که ئیوه وه ژێر حوکمرانی جەسه نین، بەڵکەم هاینه ژێر حوکمرانی روح خودا، هەڵبەت ئەگەر روح خودا وەناودان نیشتەجێ بود. هەر کەسێگ که روح مەسیح نياشتود، ئەوه هن مەسیح نیه.

رومیەگان 8:9 ပူးပေါင်းရင်းမြစ်များ

لوقا 11:13

جا ئەگەر ئیوه وەگەرد گشت بەێ زاتیدان زانین که باێه وه مناڵیلدان خەڵاتییل خاس بیەین، چەنێ فرەتر باوگ ئاسمانیدان، روح‌القودوس وه هەر کەس که داوا له لێ بکێ، بەخشێدن.»

یوحەنا 14:17

یانێ روح ڕاسی که دنیا نیەتویەنی قەبوڵێ بکێ، چوینکه نه دوینیدێ و نه ناسێدێ؛ وەلێ ئیوه ناسینێ، چوینکه له لاێ ئیوه نیشتەجێه و وەناو ئیوه مینێ.

یوحەنا 14:23

عیسا جواو دا: «ئەگەر کەسێگ دوس مه بیاشتود، کەڵامم پارێزنێد و باوگم دوسی دێرێ و ئیمه تێیمنه لاێ و لەلاێ نیشتەجێ بویمن.

یوحەنا 3:34

چوینکه ئەوه که خودا کلی کردێه، کەڵام خودا وه زوان تیەرێ، چوینکه خودا روح خوەێ بی ئەنازه بەخشێد.

یوحەنا 3:6

ئەو چشته که له جەسه باێه دنیا، جەسەییه و ئەو چشته که له روح باێه دنیا، روحانیه.

کاریل ڕەسولەیل 16:7

وەختێ نزیک ناوچەێ میسیه بین، تەقالا کردن بچنه ئەڕا ناوچەێ بیتینیه، وەلێ روح عیسا نەێشتیان.

رومیەگان 7:5

چوینکه وەختێ که وه ژێر حوکمرانی جەسه زنەیی کردیایم، هەواوهەوەسیل گونابارمان که شەریعەت هانێان دیاد، وەناو ئەنامیلمان کار کردیا تا ئەڕا مەرگ بەر باریم.

رومیەگان 8:1

جا ئێرنگه ئەڕا ئەوانه که هانه ناو مەسیح عیسا هویچ ماکومیەتێگ نیه،

رومیەگان 8:11

ئەگەر روح ئەیو که عیسا له مردگیل زنیەو کرد وەناودان نیشتەجێ بود، ئەیو که مەسیح عیسا له مردگیل زنیەو کرد، له ڕێ روح خوەێ که وەناودان نیشتەجێه وه جەسەیلدانیش که مرێ، زنەیی بەخشێد.

رومیەگان 8:2

چوینکه وەناو مەسیح عیسا، شەریعەت روح زنەیی له یاساێ گونا و مەرگ ڕزگاردان کردێه؛

یەکم قورنتییل 15:23

وەلێ هەر کەس وه نوەی خوەێ: یەکم جار مەسیح که نەوبەر بی؛ وەشونێ، له وەخت هاتنێ، ئەوانه که هن مەسیحن.

یەکم قورنتییل 3:16

ئێ نيەزانين که مابەد خوداین و روح خودا وەناودان نیشتەجێه؟

یەکم قورنتییل 6:17

وەلێ ئەوه که لچکێیده خوداوەند، وەگەردیەو بوده یە روح.

یەکم قورنتییل 6:19

ئێ نيەزانين که جەسەدان مابەد روح‌القودوسه که ها ناودان و ئەوه له خودا گردينه و دی هن خوەدان نین؟

دویم قورنتییل 10:7

بنوڕن و سەێر بکەن. ئەگەر کەسێگ دڵنیاس که هن مەسیحه، با بزانێ که هەر ئەوجورە که ئەوه هن مەسیحه ئیمەیش هەر وه ئەو ئەنازه هن مەسیحیم.

دویم قورنتییل 6:16

یا چ وه یەکەو کەفتنێگ ها له بین مابەد خودا و بتیل؟ چوینکه ئیمه مابەد خوداێ زنەیمن. هەر ئەوجورە که خودا وەناو تەورات و کتاویل پەێخەمەریل فەرمایش کێ: «وەناوێان نیشتەجێ بوم و وەناوێان ڕێ کەم و مه بومه خوداێ ئەوانه و ئەوانه بونه قەوم من.»

نامه وە غەلاتییل 4:6

جا ئەڕا ئیه که کوڕیلین، خودا روح کوڕەگەێ خوەێ کل کردێه ناو دڵمان که هاوار کێ: «ئەبا! باوگه!»

نامه وە غەلاتییل 5:24

ئەوانه که هن مەسیح عیسان، جەسه وەگەرد هەواوهەوەسیل و ئاوەختیێل کیشانەسه سەلیب.

ئەفسوسیێل 1:13

ئیوەیش وەناو مەسیح، ئەو وەخته که کەڵام ڕاسی، یانێ مزگانی نجات خوەدان شنەفتین و ئیمانه پێ هاوردین، وەگەرد روح‌القودوس واده دریاێ مور کریاین.

ئەفسوسیێل 2:22

ئیوەیش وەناو مەسیح عیسا وه یەکەو نرێینه سەرپاوه تا بوینه خانگێگ که خودا له ڕێ روح خوەێ وەناوێ نیشتەجێ بود.

ئەفسوسیێل 3:17

تا مەسیح له ڕێ ئیمان وەناو دڵدان نیشتەجێ بود که ئیوه وەناو مابەت ریشه بدەونێن و بەردەوام بوین،

نامەێ فیلیپییل 1:19

چوینکه زانم که له ڕێ دوعایل ئیوه و مەیەت روح عیسا مەسیح، ئیه بوده بایس ڕزگاریم،

دویم تیموتاوس 1:14

وه مەیەت روح‌القودوس که لەناو ئیمه نیشتەجێه، هوشده ئەو ئەمانەت خاسەو بود که وه پێد سپاریاس،

یەکم پتروس 1:11

ئەوانه تەقالا کردیان بزانن وەختێگ که روح مەسیح وەناو ئیانه، رەنجیل مەسیح و جەڵاڵ وەشون ئەو پێشگویی کردیاد، چ کەسێگ یا کام وەخت وەتیا.

یەکم یوحەنا 3:24

هەر کەسێگ حوکمیل ئەیو وه جێ بارێ، وەناو خودا نیشتەجێه، هەر ئیجوریشه خودا وەناوێ. له ڕێ روح خوەێ که بەخشیەسه پێمان، زانیمن که ئەیو وەناومان نیشتەجێه.

یەکم یوحەنا 4:13

له ئیه زانیمن که وەناو ئەیو نیشتەجێیم و ئەیویش وەناو ئیمه، چوینکه له روح خوەێ وه ئیمه بەخشاس.

یەکم یوحەنا 4:4

ئێ ڕوڵەیل ورد، ئیوه له خوداین و وه سەر ئەو نەبوەتکەریل دروەکانیه زاڵەو بوینه، چوینکه ئەوه که ها ناو ئیوه له ئەوه که ها ناو ئی جهانه گەوراتره.

وەحی وه یوحەنا 13:8

گشت نیشتەجێیل زەوی ئەو گیانەوەر دڕنه پەرەسن، یانێ گشت کەسیلێگ که ناوێان له دامەزرانن جهان لەناو دەفتەر زنەیی نەنویسریاس که هن ئەیو وەرک سەر بڕیاێەسه.

وەحی وه یوحەنا 20:15

جا هەر کەسێگ که ناوێ له دەفتەر ژیان نەنویسریاوی، فڕه دریاده ناو دەریاچەێ ئاگر.