رومیەگان 8:3 - کتاب مقدس به زبان کردی جنوبی - گویش کلهوری

³ چوینکه خودا ئەو کاره وەجێ هاوردێه که شەریعەت وه بونەێ بی هازی جەسه نەتویەنست وه جێ بارێدەێ. خودا کوڕەگەێ خوەێ وه شێوەێ جەسەێ گوناکار و ئەڕا گونا کل کرد و وەناو جەسه، گونا ماکوم کرد،

رومیەگان 8:3 ပူးပေါင်းရင်းမြစ်များ

مەرقوس 15:27

دو گله ڕێگریش وەگەردیەو کیشانه سەلیب، یەکیگێان له لاێ ڕاسی و ئەواکەیش له لاێ چەپی.

یوحەنا 1:14

کەلیمه بیه ئنسان و وەناومان نیشتەجێ بی. ئیمه جەڵاڵی دیمنه، جەڵاڵیگ شایسەێ ئەو تەنیا کوڕه که له لاێ باوگ ئاسمانی هاتوی. پڕ له فیز و ڕاسی.

یوحەنا 9:24

جا یەێ جارتر ئەو پیا که وەرجەوە کور بی، چڕینێ وەپێ وەتن: «جەڵاڵ وه خودا بیه! ئیمه زانیمن که عیسا یەێ‎ گوناکارێگه.»

کاریل ڕەسولەیل 13:39

هەر کەس ئیمان بارێ، له ڕێ ئەیو له هەر چشتێگ که نەتویەنسیه وەگەرد شەریعەت موسا له لێ ڕزگار بود، ڕزگاری پەێا کەێ.

رومیەگان 3:20

چوینکه وەگەرد وه جێ هاوردن کردەوەێ شەریعەت هویچ بەشەرێگ له وەر چەو خوداوه سالحان وه حساو نیەتێید، چوینکه شەریعەت له باوەت گونا ئاگادارمان کەێد.

رومیەگان 6:6

زانیم ئەو ئنسان جارانه که ئیمه بیمن، وەگەردیەو وه سەلیب کیشریا تا جەسەێ گونا پویچەو بود و ویجوره دیتر گیرودەێ گونا نویمن.

رومیەگان 7:18

چوینکه زانم که وەناو من، یانێ وەناو جەسەم، هویچ چشت خاسێگ نیشتەجێ نیه. چوینکه توام ئەو چشته که درسه وه جێ بارم، وەلێ نیەتویەنم وه جێ بارمەێ.

رومیەگان 8:32

ئێ خوداێگ که کوڕەگەێ خوەێ دریخ نەکرد، بەڵکەم ئەیو له ڕێ گشتمان داده دەسەو، ئێ وەگەردیشێەو گشت چشتێگ وه دەس دڵوازای نيەوەخشێده پێمان؟

رومیەگان 9:3

چوینکه ئاوەختیم ئیه بی که خوەم له ڕێ برایلم، یانێ ئەوانه که لەباوەت جەسه خزم و کار منن، بچمه ژێر لانەت و له مەسیح بوڕیەم.

دویم قورنتییل 5:21

خودا کەسێگ که گونا نەناسێ، ئەڕا ئیمه کرده گونا، تا وه یەکەو بون وەگەرد ئەیو بویمنه سالحان خودا.

نامه وە غەلاتییل 3:13

مەسیح له جێ ئیمه لانەت کریا و وەئیجوره ئیمه له لانەت شەریعەت ڕزگار کرد، چوینکه وەناو تەورات نویسریاس: «هەر کەس بێرێیده دارەو لانەت ها ملێەو.»

نامه وە غەلاتییل 3:21

جا ئێ شەریعەت ها له ڕوی وه ڕوی وادەیل خودا؟ هەراێهەر! چوینکه ئەگەر شەریعەتێگ دریاوی که بتوانستیا زنەیی بوەخشێ، ئمجا وەڕاسی سالح بوین له ڕێ شەریعەتەو هاتیاده دی.

نامەێ فیلیپییل 2:7

بەڵکەم خوەێ خاڵی کرد و شێوەێ خوڵام گرده خوەێ، وه وێنەێ ئایەمیل دەرهات.

عبرانییل 10:12

وەلێ مەسیح وەشون ئیه که ئەڕا هەمویشه یەێ قوروانی وەبونەێ گونایل پیشکەش کرد، دانیشته دەس ڕاس خودا.

عبرانییل 10:14

چوینکه وەگەرد یەێ قوروانی، تەقدیس بیەگان ئەڕا هەمویشه کامڵەو کردێه.

عبرانییل 2:14

جا چوینکه مناڵیل وەناو خوین گوشت بەشدارن، هەر ئیجوره ئەیویش خوەێ وەناو ئی چشتیله بەشدارەو بی تا له ڕێ مەرگ، خاون هێز مەرگ یانێ ئبلیس له بین بوێد و

عبرانییل 2:17

وه ئی بونه، واجو بی له هەر باوەتەو بوده جور برایل خوەێ تا بتویەنێ وه جیگەێ کاهن گەوراێگ که وه بەزەیێه و ئەمینە، وه خزمەت خودا بود و ئەڕا گونایل قەومەگه کەفارەت بکێد.

عبرانییل 4:15

چوینکه کاهن گەوراێ ئیمه ئەوجورە نیه که نەتویەند وەگەرد بی هازییل ئیمه هاودەردی بکێد، بەڵکەم کەسێگه که له هەر باوەتەو هەر جور ئیمه ئەزمون بیه، وەلێ گونا نەکرد.

یەکم پتروس 2:24

مەسیح خوەێ گونایل ئیمه وەناو جەسەێ خوەێ کیشاده بان سەلیب، تا له باوەت گونا بمریم و ئەڕا سالح بوین زنەیی بکێم. ئیوه وه زامیلێ شەفا پەێا کردینه.