رومیەگان 8:1 - کتاب مقدس به زبان کردی جنوبی - گویش کلهوری

¹ جا ئێرنگه ئەڕا ئەوانه که هانه ناو مەسیح عیسا هویچ ماکومیەتێگ نیه،

رومیەگان 8:1 ပူးပေါင်းရင်းမြစ်များ

یوحەنا 14:20

وه ئەو ڕوژه، زانین که مه هامه ناو باوگم و ئیوەیش هاینه ناو من و مه هامه ناو ئیوه.

یوحەنا 15:4

وەناو مه نیشتەجێ بون و منیش وەناو ئیوه نیشتەجێ بوم. ئەوجورە که پەل نیەتویەنی له خوێەو بەر بارێ ئەگەر وەناو مەیو نیشتەجێ نود، ئیوەیش نیەتویەنین بەر بارین ئەگەر وەناو مه نیشتەجێ نوین.

یوحەنا 5:24

وه ڕاسی، وه ڕاسی، وەپێدان ئویشم، هەر کەس کەڵام مه بشنەفێ و وه ئەوه که کلم کرد، ئیمان بارێ زنەیی ئەبەدی دێرێ. ئەوه ماکوم نیود، بەڵکەم له مەرگ گوزیشتێه و رەسیەسه ژیان.

رومیەگان 16:3

وه پریسکیلا و ئاکیلا، هاوکاریلم وەناو مەسیح عیسا، سڵام برەسنن.

رومیەگان 16:7

وه خزمیلم، ئاندرونیکوس و یونیاس که وەگەردما وەناو زندان بین سڵام برەسنن. ڕەسولەیل، ئەوانه فره خاس ناسن و ئەوانه وەرجه من مەسیحی بینه.

رومیەگان 5:1

جا وەخاتر ئیه که له ڕێ ئیمان سالحان وه حساو هاتیمنه، له ڕێ خوداوەندمان عیسا مەسیح وەگەرد خودا ئاشتی و سڵامەتی دێریم.

رومیەگان 5:16

ئی خەڵاتیه جور دەرئەنجام گوناێ ئەو یەێ نەفەره، یانێ ئایەم نیه. چوینکه داوەریێگ که وەشون یەێ خەتا هات، بیه بایس ماکومیەت؛ وەلێ خەڵاتێگ که وەشون خەتایل فرەێگ هات، بیه بایس سالح وه حساو هاتن.

رومیەگان 7:17

جا ئێرنگه، دی من نیم که ئی کاره کەم، بەڵکەم گوناێگ که وەناوم نیشتەجێه ئی کاره کەێ.

رومیەگان 7:20

ئێرنگه ئەگەر ئەو کاره کەم که نیەتوامێ، ئیه دی من نیم که ئەو کاره کەێ، بەڵکەم گوناێگ که وەناوم نیشتەجێه ئەو کاره کەێ.

رومیەگان 8:11

ئەگەر روح ئەیو که عیسا له مردگیل زنیەو کرد وەناودان نیشتەجێ بود، ئەیو که مەسیح عیسا له مردگیل زنیەو کرد، له ڕێ روح خوەێ که وەناودان نیشتەجێه وه جەسەیلدانیش که مرێ، زنەیی بەخشێد.

رومیەگان 8:14

چوینکه گشت ئەوانه که له ڕێ روح خودا ڕێنمای بون، کوڕيل خودان.

رومیەگان 8:2

چوینکه وەناو مەسیح عیسا، شەریعەت روح زنەیی له یاساێ گونا و مەرگ ڕزگاردان کردێه؛

رومیەگان 8:34

جا کیه که بتویەنێ ماکومێان بکێ؟ مەسیح عیساس ئەو کەسه که مرد، تەنانەت نه تەنیا ئیه بەڵکەم زنیەو بی و ها دەس ڕاس خودا، ئەوەسه که وه ڕاسی ئەڕامان ناوجێ کەێ!

رومیەگان 8:39

نه بەرزای و نه قویلای و نه هویچ چشتێگتر وەناو گشت درسکریایل خودا، نیەتویەنی ئیمه له مابەت خودا که وەناو خوداوەندمان مەسیح عیساس، جیاوه بکێ.

رومیەگان 8:4

تا ئەو چشتیل درسه که شەریعەت داواکاری کەێ، وەناومان باێده دی، وەناو ئیمه که نه وه پێ جەسه بەڵکەم وه پێ روح خودا ڕێ رەوشت کیم.

رومیەگان 8:9

هەر چەن که ئیوه وه ژێر حوکمرانی جەسه نین، بەڵکەم هاینه ژێر حوکمرانی روح خودا، هەڵبەت ئەگەر روح خودا وەناودان نیشتەجێ بود. هەر کەسێگ که روح مەسیح نياشتود، ئەوه هن مەسیح نیه.

یەکم قورنتییل 1:30

جا وەبونەێ ئەیوه که ئیوه وەناو عیسا مەسیح‎ بینەسه یەکی، که له لاێ خوداوه ئەڕاێ ئیمه بیەسه زانیاری، یانێ سالح بوین، قودوسیەت و ڕزگاریمان.

یەکم قورنتییل 15:22

چوینکه هەر ئەوجورە که وەناو ئایەم گشتیەکی مرن، وەناو مەسیحیش گشتیەکی زنیەو بون.

دویم قورنتییل 12:2

یەکیگ ناسم که ها ناو مەسیح، چوارده ساڵ وەرجه ئیه ڕفیاده ئاسمان سێیەم. نيەزانم وەگەرد جەسەوه چیه ئاسمان یا بی جەسه، خودا زانی.

دویم قورنتییل 5:17

جا ئەگەر کەسێگ وەناو مەسیح بود، درس‎کریاێگ تازەس. چشتیل کویەنه له بین چی؛ ئیسه، گشت چشتێگ تازەوه بیه!

نامه وە غەلاتییل 3:13

مەسیح له جێ ئیمه لانەت کریا و وەئیجوره ئیمه له لانەت شەریعەت ڕزگار کرد، چوینکه وەناو تەورات نویسریاس: «هەر کەس بێرێیده دارەو لانەت ها ملێەو.»

نامه وە غەلاتییل 3:26

چوینکه وەناو مەسیح عیسا، ئیوه گشتدان له ڕێ ئیمان، کوڕيل خوداین.

نامه وە غەلاتییل 3:28

دیتر نه جویلەکە مانا دێرێ نه یونانی، نه خوڵام نه ڕزگار، نه پیا نه ژن، چوینکه ئیوه گشتدان وەناو مەسیح عیسا یەکیگین.

نامه وە غەلاتییل 5:16

وەلێ مه ئویشم وه روح خودا زنەیی بکێن که ئاوەختیێل جەسه وه جێ نیەتێەرین.

نامه وە غەلاتییل 5:25

ئەگەر وه روح خودا زنەیی کيمن، باین ڕێ رەوشتمانیش وه روح خودا بود.

ئەفسوسیێل 1:1

له پولوس که وه خاست خودا ڕەسول مەسیح عیساس، وه ئیمانداریل وه مەسیح که هانه ناو شار ئەفسوس، وه ئەوانه که وەناو مەسیح عیسا وەفادارن:

نامەێ فیلیپییل 3:9

وەناو ئەیو پەێا بوم، نه وەگەرد سالح بوین خوەم که له شەریعەته، بەڵکەم وەگەرد ئەو سالح بوینه که له ڕێ ئیمان وه مەسیح وه دەس تێد، ئەو سالح بوینه که له خوداس و وه ڕوی ئیمانه.