رومیەگان 7:9 - کتاب مقدس به زبان کردی جنوبی - گویش کلهوری

⁹ دەورانێ من جیا له شەریعەت زنی بیم؛ وەلێ وەختێ حوکم شەریعەت هات، گونا زنیەو بی و من مردم.

رومیەگان 7:9 ပူးပေါင်းရင်းမြစ်များ

ئنجیل مەتا 19:20

ئەو جوانه وەت: «گشت ئی حوکمیله وه جا هاوردمه؛ ئێ دی چه کەم دێرم؟»

لوقا 15:29

وەلێ وه جواو باوگێ وەت: ”بنوڕ، ئیه چەن ساڵه جور یەێ خوڵام خزمەت وەپێد کردمه و هەراێهەر وه ژێر فەرماند دەر نەچیمه. وەلێ تو هویچ وەخت تەنانەت یەێ گیسکه کوڕپەێگ وەپێم نیایده تا وەگەرد ڕەفیقیلم مێوانیێگ بخەمه ڕێ.

لوقا 18:21

وەت: «ئیانه گشتێ له مناڵێ وه جا هاوردمه.»

رومیەگان 10:5

چوینکه موسای پەێخەمەر لەباوەت ئەو سالح بوینه که بنیادێ وه بان شەریعەته، ئیجوره نویسد که: «کەسێگ که حوکمیل شەریعەت وه جێ بارێ، وه وەسلەێ ئەوانه زنەیی کێ.»

رومیەگان 7:10

هەر ئەو حوکمه که وادەێ زنەیی دا، ئەڕا من مەرگ وه بار هاورد.

رومیەگان 7:11

چوینکه گونا له ڕێ حوکم شەریعەت دەرفەت پەێا کرد، فریوم دا و له ڕێ ئەوه مه دا وەر کوشت.

رومیەگان 7:4

هەر ویجوره، ئێ برایلم، ئیوەیش له ڕێ جەسەێ مەسیح له باوەت شەریعەت مردینه تا هن کەسێگ تر بوین، یانێ بوینه هن ئەیو که له ناو مردگیل زنیەو بیه، تا ئەڕا خودا بەر باریم.

رومیەگان 7:6

وەلێ ئێرنگه وەگەرد مردن لەباوەت ئەو چشته که ئیمه گیروده کردوی، له شەریعەت ڕزگار بویمنه تا وەناو ڕێ تازەێ روح خودا خزمەت بکێم، نه وەناو ڕێ کویەنەێ شەریعەت نویسریاێگ.

رومیەگان 7:8

وەلێ گونا له ڕێ ئی حوکم شەریعەته، دەرفەت پەێا کرد تا هەر جور تەماێگ له منا بارێده دی. چوینکه جیا له شەریعەت، گونا مردگه.

رومیەگان 8:7

چوینکه دڵبەساین وه چشتیل جەسەێ دشمەنی وەگەرد خوداس، ئەڕا ئیەکه نیەچوده ژێر حوکمرانی شەریعەت خودا، وه ڕاسیش که نیەتویەنێ.

نامه وە غەلاتییل 2:19

چوینکه مه له ڕێ شەریعەت، وەپاوداین وه شەریعەت مردم تا ئەڕا خودا زنەیی بکەم.

نامه وە غەلاتییل 3:10

چوینکه گشت ئەوانه که پشت بەسانەسه کردەوەێ شەریعەت، هانه ژێر لانەت، ئەڕا ئیه که له ناو تەورات نویسریاس: «لانەته پێ بود هەر کەس له وه جێ هاوردن گشت ئەو چشته که وەناو کتاو شەریعەت نویسریاس، بەردەوام نەمینێ.»