رومیەگان 7:8 - کتاب مقدس به زبان کردی جنوبی - گویش کلهوری

⁸ وەلێ گونا له ڕێ ئی حوکم شەریعەته، دەرفەت پەێا کرد تا هەر جور تەماێگ له منا بارێده دی. چوینکه جیا له شەریعەت، گونا مردگه.

رومیەگان 7:8 ပူးပေါင်းရင်းမြစ်များ

مەرقوس 7:22

تەما، بەێ خوازی، فێڵبازی، هەرزەیی، حەسویی، بخت کردن، لویتبەرزی و گیلگەوجی.

یوحەنا 15:22

ئەگەر ناتیام و ئەڕاێان قسیه نەکردیام، گوناێگ نیاشتن؛ وەلێ ئێرنگه دیتر دەسپێچکێگ ئەڕا گونایلێان نێرن.

یوحەنا 15:24

ئەگەر وەناوێان ئەو کاریله نەکردیام که کەسێگ بێجگه مه نەکردیه، گوناێگ نیاشتن؛ وەلێ ئێرنگه، هەر چەن ئەو کاریله دینه، هەم له من و هەم له باوگم قینێان تێ.

رومیەگان 3:20

چوینکه وەگەرد وه جێ هاوردن کردەوەێ شەریعەت هویچ بەشەرێگ له وەر چەو خوداوه سالحان وه حساو نیەتێید، چوینکه شەریعەت له باوەت گونا ئاگادارمان کەێد.

رومیەگان 4:15

چوینکه شەریعەت خەزەو خودا تیەرێ؛ وەلێ شونێ که شەریعەت نیه، دەس دریژی له شەریعەتیش نیه.

رومیەگان 5:20

ئێرنگه، شەریعەت هات تا خەتا فرەوه بود؛ وەلێ شونێ که گونا فرەوه بی، فیز فره فرەترەو بی.

رومیەگان 7:11

چوینکه گونا له ڕێ حوکم شەریعەت دەرفەت پەێا کرد، فریوم دا و له ڕێ ئەوه مه دا وەر کوشت.

رومیەگان 7:13

جا ئێ ئەو چشته که خاسه ئەڕا من بیه بایس مەرگ؟ هەراێهەر! گونا بی که له ڕێ ئەو چشته که خاسه، مەرگ وەناو من هاورده دی تا ویجوره گونا، گونا بینی مالوم بود و له ڕێ حوکم شەریعەت خراوی گونا مالوم بود که چەنێ بی ئەنازەس.

رومیەگان 7:17

جا ئێرنگه، دی من نیم که ئی کاره کەم، بەڵکەم گوناێگ که وەناوم نیشتەجێه ئی کاره کەێ.

رومیەگان 7:9

دەورانێ من جیا له شەریعەت زنی بیم؛ وەلێ وەختێ حوکم شەریعەت هات، گونا زنیەو بی و من مردم.

یەکم قورنتییل 15:56

چز مەرگ گوناس و هێز گونایش، شەریعەته.