رومیەگان 7:6 - کتاب مقدس به زبان کردی جنوبی - گویش کلهوری

⁶ وەلێ ئێرنگه وەگەرد مردن لەباوەت ئەو چشته که ئیمه گیروده کردوی، له شەریعەت ڕزگار بویمنه تا وەناو ڕێ تازەێ روح خودا خزمەت بکێم، نه وەناو ڕێ کویەنەێ شەریعەت نویسریاێگ.

رومیەگان 7:6 ပူးပေါင်းရင်းမြစ်များ

رومیەگان 1:9

چوینکه خوداێگ که ئەیو وەگەرد روحم وەناو کار ئینجیل کوڕەگەێ خزمەتی کەم، شاێەتمه که چوی لەناو دوعایلم یەێسەر وه هەر وەختێگ تیەرمەدانه هویرم و

رومیەگان 12:2

شێوەێ ئی جهانه نەگرنه خوەدان، بەڵکەم وه نو کردن زەین خوەدان، ئاڵشت بون. ئەوسا تویەنین بزانین که خاست خودا چەس؛ خاست خاس و پەسەن کریا و کامڵێ.

رومیەگان 6:11

هەر ویجوره، ئیوەیش باێه خوەدان لەباوەت گونا مردگ و وەناو مەسیح عیسا لەباوەت خودا، زنی بزانین.

رومیەگان 6:19

من وەبونەێ بی هازییل سریشت بەشەریدان، ئی چشتیله وەگەرد کەلیمەیل بەشەری ئویشم: هەر ئەوجورە که یەێ وەختێگ ئەنامیل جەسەدان جور خوڵام داینه دەس ناپاکی و خراوی که وەرەو خراوییل فرەتر بەێد، ئێرنگەیش ئەنامیل جەسەدان جور خوڵام بێینه دەس سالح بوینی که وەرەو قودوسیەت بەێد.

رومیەگان 6:2

هەراێهەر! ئیمه که لەباوەت گونا مردیم، چوی تویەنيمن هێمراێ وەناوێ زنەیی بکێم؟

رومیەگان 6:22

وەلێ ئێرنگه که له گونا ڕزگار کریاینه و بینەسه خوڵامیل خودا، بەرێگ که دەێده دەسدانەو وەرەو قودوسیەت بێدەدان و ئاخرەگەێ زنەیی ئەبەدیه.

رومیەگان 6:4

جا وەگەرد تەعمید گردن وەناو مەرگ، وەگەردیەو نریایمنه مەقبەره تا هەر ئەوجورە که مەسیح وه وەسلەێ جەڵاڵ باوگ ئاسمانی، له مردگیل زنیەو بی، ئیمەیش وەناو ژیان نوێگ گام هەڵبگریم.

رومیەگان 7:1

ئێ برایل، ئێ نیەزانین که شەریعەت تەنیا تا وەختێ که ئایەمێگ زنیه، وه ملێەو حوکمرانی کەێ؟ ئەڕا ئیه که وەگەرد کەسیلێ قسیه کەم که شەریعەت زانن،

رومیەگان 7:2

چوینکه وه پێ شەریعەت، ژن شویدار تا وەختێ شویەگەێ زنی بود، بەسریاسه ملێا، وەلێ ئەگەر شویەگەێ بمرێ، ئەوسا ژنەگه له ئەو شەریعەته که ئەوه وه مل شویەگەێ بەسریاوید، ڕزگارەو بود.

رومیەگان 7:4

هەر ویجوره، ئێ برایلم، ئیوەیش له ڕێ جەسەێ مەسیح له باوەت شەریعەت مردینه تا هن کەسێگ تر بوین، یانێ بوینه هن ئەیو که له ناو مردگیل زنیەو بیه، تا ئەڕا خودا بەر باریم.

دویم قورنتییل 3:6

ئەیو لیاقەت بەخشیەسه پێمان تا خزمەتکاریل پەێمان نو بویمن، پەێمانێگ که وه کار روح خودا بەردەوامه، نه وه ئەو چشته که نویسریایگ فرەتر نیه. چوینکه ’نویسریای‘ کوشێد، وەلێ روح خودا زنەیی بەخشێد.

دویم قورنتییل 5:17

جا ئەگەر کەسێگ وەناو مەسیح بود، درس‎کریاێگ تازەس. چشتیل کویەنه له بین چی؛ ئیسه، گشت چشتێگ تازەوه بیه!

نامه وە غەلاتییل 3:13

مەسیح له جێ ئیمه لانەت کریا و وەئیجوره ئیمه له لانەت شەریعەت ڕزگار کرد، چوینکه وەناو تەورات نویسریاس: «هەر کەس بێرێیده دارەو لانەت ها ملێەو.»

نامه وە غەلاتییل 6:15

چوینکه نه خەتەنه بوین چشتێگه و نه خەتەنه نوین؛ ئەو چشته که گرنگه، وه دی هاتن تازەس.

ئەفسوسیێل 4:24

ئایەم تازه بکەنه وەردان که وه سالح بوین ڕاسەکانی و قودوسیەت، وێنەێ خودا درس کریاس.

نامەێ فیلیپییل 3:3

چوینکه خەتەنه کریایل ڕاسەکانی ئیمەیم که وەگەرد روح خودا، پەرەسش کەیمن و شانازیمان وه مەسیح عیساس و پشت نیەوەسیمنه جەسه،

نامه وه کولوسییل 3:10

و ئایەم تازه کردینەسه وەردان، که وەناو ماریفەت ڕاسەکانی دێرێ تازەوه بود تا وێنەێ درسکەرگەێ خوەێ دەر باێد.