رومیەگان 7:5 - کتاب مقدس به زبان کردی جنوبی - گویش کلهوری

⁵ چوینکه وەختێ که وه ژێر حوکمرانی جەسه زنەیی کردیایم، هەواوهەوەسیل گونابارمان که شەریعەت هانێان دیاد، وەناو ئەنامیلمان کار کردیا تا ئەڕا مەرگ بەر باریم.

رومیەگان 7:5 ပူးပေါင်းရင်းမြစ်များ

ئنجیل مەتا 15:19

چوینکه له دڵه که فکریل خراو، خوین‎کردن، داوانپێسی، خیزی، دزی، شاێەتی درو، بخت کردن تێدە دەیشت.

یوحەنا 3:6

ئەو چشته که له جەسه باێه دنیا، جەسەییه و ئەو چشته که له روح باێه دنیا، روحانیه.

رومیەگان 1:26

وەئی بونه خودایش ئیانه وەناو هەواوهەوەسیل شەرمزارانه هیشتیانه خوێانا. تەنانەت ژنیلیان، جفتبوین سریشتیێان وەگەرد ئەو چشته که ناسریشتیه، گوڕانن.

رومیەگان 3:20

چوینکه وەگەرد وه جێ هاوردن کردەوەێ شەریعەت هویچ بەشەرێگ له وەر چەو خوداوه سالحان وه حساو نیەتێید، چوینکه شەریعەت له باوەت گونا ئاگادارمان کەێد.

رومیەگان 4:15

چوینکه شەریعەت خەزەو خودا تیەرێ؛ وەلێ شونێ که شەریعەت نیه، دەس دریژی له شەریعەتیش نیه.

رومیەگان 5:20

ئێرنگه، شەریعەت هات تا خەتا فرەوه بود؛ وەلێ شونێ که گونا فرەوه بی، فیز فره فرەترەو بی.

رومیەگان 6:13

ئەنامیل جەسەدان نیەنه دەس گونا تا بونه وەسیلەێگ ئەڕا نادرسێ، بەڵکەم جور کەسیلێ که له مەرگ وەرەو زنەیی هاتنەسەو، خوەدان بێەنه دەس خودا و ئەنامیل جەسەدان بێەنه دەس خودا تا بونه وەسیلەێگ ئەڕا سالح بوین.

رومیەگان 6:19

من وەبونەێ بی هازییل سریشت بەشەریدان، ئی چشتیله وەگەرد کەلیمەیل بەشەری ئویشم: هەر ئەوجورە که یەێ وەختێگ ئەنامیل جەسەدان جور خوڵام داینه دەس ناپاکی و خراوی که وەرەو خراوییل فرەتر بەێد، ئێرنگەیش ئەنامیل جەسەدان جور خوڵام بێینه دەس سالح بوینی که وەرەو قودوسیەت بەێد.

رومیەگان 6:21

وه ئەو وەخته، له وه جێ هاوردن کاریلێ که ئێرنگه له لێان شەرمزارین، چ بەرێگ بردینه؟ چوینکه ئاخر ئەو کاریله مەرگه!

رومیەگان 6:23

چوینکه حەقدەس گونا مەرگه، وەلێ خەڵات خودا زنەیی ئەبەدی وەناو خوداوەندمان مەسیح عیساس.

رومیەگان 7:23

وەلێ یاساێگتر وەناو ئەنامیل خوەم دوینم که وەگەرد شەریعەتێگ که زەین من قەبوڵێ کەێ، شەڕ کەێ و مه گیرودەێ یاساێ گونا کەێ که وەناو ئەنامیلم نیشتەجێه.

یەکم قورنتییل 15:56

چز مەرگ گوناس و هێز گونایش، شەریعەته.

دویم قورنتییل 10:3

چوینکه هەر چەن وەناو ئی جهان دێمنێ سەر، وەلێ وه ڕێ رەوشت جهان شەڕ نیەکیم.

نامه وە غەلاتییل 3:10

چوینکه گشت ئەوانه که پشت بەسانەسه کردەوەێ شەریعەت، هانه ژێر لانەت، ئەڕا ئیه که له ناو تەورات نویسریاس: «لانەته پێ بود هەر کەس له وه جێ هاوردن گشت ئەو چشته که وەناو کتاو شەریعەت نویسریاس، بەردەوام نەمینێ.»

نامه وە غەلاتییل 5:24

ئەوانه که هن مەسیح عیسان، جەسه وەگەرد هەواوهەوەسیل و ئاوەختیێل کیشانەسه سەلیب.

ئەفسوسیێل 2:11

جا وه هویردان بود ئیوه که یەێ وەختێگ وه پێ جەسه ناجویلەکه وه حساو هاتیاین و ئەوانه که وه خوێان ئویشن ’خەتەنه کریاێ‘ وه ئیوه ئویشن ’خەتەنه نەکریای‘ هەر چەن خەتەنەێ ئەوانه کارێگ جەسەیه که وه دەس ئایەم ئەنجام گردێه،

ئەفسوسیێل 2:3

یەێ وەختێگ ئیمەیش گشتمان وەناو ئەوانه، وەناو هەواوهەوەسیل جەسەمان زنەیی کردیایمن و خاستەیل جەسه و فکر وه جێ هاوردیایمن؛ ئیمەیش هەر جور ئەو باقی ئایەمیل، بەنا وه سریشت خوەمان شایسەێ خەزەو خودا بویمن.

نامه وه کولوسییل 3:5

جا، هەر چی وەناودان هن زەویه، بکوشنێ، یانێ خیزی، ناپاکی، هەواوهەوەس، خاستەیل گەن و تەما که هەر ئەو بتپەرسیەسه.

تیتوس 3:3

چوینکه ئیمەیش خوەمان زەمانێگ نەزان و ملچەفتەوکەر و گومڕا و گیرودەێ گشت جور هەواوهەوەس و کەیف و خوەشێگ بیمن؛ وەناو دڵپێسی و حەسویی ڕوژگار دایمنه سەر. مەردم له ئیمه قینێان هاتیاد و ئیمەیش له یەکترەکی قینمان هاتیاد.

یاقوب 1:15

جا هەواوهەوەس که ئێمڵه بود، گونا تیەرێده دنیا و گونایش وەختێ حساوی گەورا بود، مەرگ وه بار تیەرێ.

یاقوب 4:1

ئی شەڕیل و مرافەیل ناودانه له کوره سەرچاوه گرن؟ مەر ئیه نیه که هەواوهەوەسیلدان له ناودان چینەسه گژ یەکەو؟

یەکم یوحەنا 3:4

هەر کەسێگ وەناو گونا زنەیی کەی وه زد شەریعەتیش کار کەی، گونا وه زد شەریعەت کار کردنه.