رومیەگان 7:4 - کتاب مقدس به زبان کردی جنوبی - گویش کلهوری

⁴ هەر ویجوره، ئێ برایلم، ئیوەیش له ڕێ جەسەێ مەسیح له باوەت شەریعەت مردینه تا هن کەسێگ تر بوین، یانێ بوینه هن ئەیو که له ناو مردگیل زنیەو بیه، تا ئەڕا خودا بەر باریم.

رومیەگان 7:4 ပူးပေါင်းရင်းမြစ်များ

ئنجیل مەتا 26:26

وەختێ هێمراێ خەریک خواردن بین عیسا نانەگه هەڵگرد و وەشون ئیه که سپاس خودا کرد، لەتی کرد و دادەێ شاگردەگان و وەت: «بگرن، بخوەن؛ ئیه جەسەێ منه.»

مەرقوس 4:20

وەلێ ئەوانەێ که کەفنه ناو زەوی خاس؛ ئەوانەنە که کەڵام خودا شنەفن و قەبوڵێ کەن و سی، شەس تەنانەت سەد بەرابەریش بەر تیەرن.»

یوحەنا 15:8

جەڵاڵ باوگم ها ناو ئیه که ئیوه بەر فرەێگ بارین؛ وه ئیجوره بوینه شاگردیل مه.

یوحەنا 3:29

وەوی هن زاواس، وەلێ دوس زاوا که وسێده لاێ گوش دەیده ڵێ، له شنەفتن دەنگ زاوا فره دڵخوەشەو بود. جا ئیسه شادی منیش هەر ئیجوره کامڵەو بود.

یوحەنا 6:51

منم ئەو نان زنەیی دەره، هەر ئەوه که له ئاسمانەو هاته خوار. ئەگەر کەسێ له ئی نانه بخوێ، تا ئەبەد زنی مینێ. نانی که من ئەڕا زنەیی جهان بەخشم، جەسەێ منه.»

رومیەگان 6:11

هەر ویجوره، ئیوەیش باێه خوەدان لەباوەت گونا مردگ و وەناو مەسیح عیسا لەباوەت خودا، زنی بزانین.

رومیەگان 6:14

چوینکه گونا وه سەردان حوکمرانی نیەکێ، ئەڕا ئیه که له ژێر شەریعەت نین، بەڵکەم هاینه ژێر فیز.

رومیەگان 6:2

هەراێهەر! ئیمه که لەباوەت گونا مردیم، چوی تویەنيمن هێمراێ وەناوێ زنەیی بکێم؟

رومیەگان 6:22

وەلێ ئێرنگه که له گونا ڕزگار کریاینه و بینەسه خوڵامیل خودا، بەرێگ که دەێده دەسدانەو وەرەو قودوسیەت بێدەدان و ئاخرەگەێ زنەیی ئەبەدیه.

رومیەگان 7:3

جا ئەگەر ژن، وەختێ که شویەگەێ زنیه، وەگەرد پیاێگ تر زنەیی بکێ، وه داوانپێس ناوێ بەن. وەلێ ئەگەر شویەگەێ بمرێ، له ئەو شەریعەته ڕزگاره و ئەگەر شوی بکەێه پیاێگ تر، داوانپێس نیه.

رومیەگان 7:6

وەلێ ئێرنگه وەگەرد مردن لەباوەت ئەو چشته که ئیمه گیروده کردوی، له شەریعەت ڕزگار بویمنه تا وەناو ڕێ تازەێ روح خودا خزمەت بکێم، نه وەناو ڕێ کویەنەێ شەریعەت نویسریاێگ.

رومیەگان 8:2

چوینکه وەناو مەسیح عیسا، شەریعەت روح زنەیی له یاساێ گونا و مەرگ ڕزگاردان کردێه؛

یەکم قورنتییل 10:16

ئێ جام بەەرکەته که ئەڕاێ سپاس ئویشیمن، هاوبەشی وەناو خوین مەسیح نیه؟ ئێ نانێگ که لەت کيمن، هاوبەشی وەناو جەسەێ مەسیح نیه؟

دویم قورنتییل 11:2

ئەڕا ئیه که مه وە ئیوه غیرەت دێرم و ئیه له لاێ خوداس، چوینکه ئیوه دەزویران یە شوی کردمه تا جور دویەتازەوێگ پرچ پاک پیشکەشدان بکەمه مەسیح.

نامه وە غەلاتییل 3:13

مەسیح له جێ ئیمه لانەت کریا و وەئیجوره ئیمه له لانەت شەریعەت ڕزگار کرد، چوینکه وەناو تەورات نویسریاس: «هەر کەس بێرێیده دارەو لانەت ها ملێەو.»

نامه وە غەلاتییل 5:18

وەلێ ئەگەر روح خودا ڕێنمایدان بکێ، له ژێر شەریعەت نین.

ئەفسوسیێل 2:15

نەریتیلێ که وەناو حوکمیل شەریعەت بی، پویچەڵەو کرد تا وەناو خوەێ وه جاێ هەردگێان یەێ ئایەم تازه درس بکێ تا ئاشتی و سڵامەتی وه دی بارێ.

نامەێ فیلیپییل 1:11

پڕ بوین له بەر سالح بوین، که له ڕێ عیسا مەسیح دەێدەدەس و رەسده جەڵاڵ و ستایش خودا.

نامەێ فیلیپییل 4:17

نه ئیەک وەشون گردن خەڵاتی بوم، بەڵکەم هامه شون بەرێگەو که وه حساودان فرەوه بود.

نامه وه کولوسییل 1:10

تا ڕێ رەوشتدان شایسەێ خوداوەند بود و ئەیو وه تەمامی خوەشنودەو بکێن: یانێ له هەر کار خاسێگ بەر بارین و وەناو ناسین خودا، گەوراوه بوین.

نامه وه کولوسییل 1:22

وەلێ ئێرنگه مەسیح ئیوه وەناو جەسەێ بەشەری خوەێ وەگەرد مردنێ ئاشتی داس، تا ئیوه موقەدەس و بی نەخس و دویر له هەر سەرزەنشتێگ بارێده ئەڕا لاێ خودا،

نامه وه کولوسییل 1:6

هەر ئەو ئینجیله که ڕەسیەسه پێدان هەر ئەوجورە که وه ڕاسی له سەرئانسەر دنیا بەر دێ و گەوراوه بود، هەر ئەوجورە که وەناو ئیوەیش، له ڕوژیگ که شنەفتینێ و فیز خودا وه ڕاسی فامین، کار کەی.

نامه وه کولوسییل 2:14

جا ئەو سەنەد قەردیگ که وەگەرد یاسایلێ وه زد ئیمه نویسریاوی و وه نوای ئیمه وساویه پاوه، پاکەو کرد و له بان سەلیب بزمار کوتی کرد و له بین بردێ.

نامه وه کولوسییل 2:20

ئەگەر وەگەرد مەسیح له باوەت بیروڕایل سەرەتایی ئی جهانه مردینه، ئەڕا هەر جور کەسیلێ که چماێ هێمراێ هن ئی دنیان، گوش له دەستوریلێگ تەکنین، دەستوریلێگ که ئویشێ:

عبرانییل 10:10

وەگەرد هەر ئی خاسته، ئیمه له ڕێ قوروانی جەسەێ عیسا مەسیح یەێ جار ئەڕا هەمویشه تەقدیسەو بیمنه.

یەکم پتروس 2:24

مەسیح خوەێ گونایل ئیمه وەناو جەسەێ خوەێ کیشاده بان سەلیب، تا له باوەت گونا بمریم و ئەڕا سالح بوین زنەیی بکێم. ئیوه وه زامیلێ شەفا پەێا کردینه.

وەحی وه یوحەنا 19:7

بایمنه سەر کەیف و خوەشی بکێم و ئەیو جەڵاڵ بێیم، چوینکه وەخت سویر وەرکەگه ڕەسیه و وەویەگەێ، خوەێ گورجەو کردێه؛

وەحی وه یوحەنا 21:9

ئمجا یەکیگ له ئەو هەفت گله فریشته که هەفت پیاڵەێ پڕ له هەفت بەڵای ئاخر داشتن، هات وه مه وەت: «بەو! مه وەوی، یانێ هاوسەر وەرکەگه نیشاند دەم.»