رومیەگان 6:3 - کتاب مقدس به زبان کردی جنوبی - گویش کلهوری

³ ئێ نيەزانين گشتمان که وەناو مەسیح عیسا خوسڵ تەعمید گردیمنه، وەناو مردنێ تەعمید گردیم؟

رومیەگان 6:3 ပူးပေါင်းရင်းမြစ်များ

ئنجیل مەتا 28:19

جا بچن، گشت ملەتیل بکەنه شاگرد، وه ناو باوگ و کوڕ و روح‌القودوس خوسڵ تەعمیدیان بێەن،

کاریل ڕەسولەیل 19:5

وەختێ ئیه شنەفتن، وه ناو خوداوەند عیسا تەعمید گردن.

کاریل ڕەسولەیل 2:38

پتروس وەته پێان: «توبه بکین و هەر کامدان وه ناو عیسا مەسیح ئەڕا بەخشین گونایلدان خوسڵ تەعمید بگرن که خەڵاتی خودا یانێ روح‌القودوس وه دەس تیەرین.

کاریل ڕەسولەیل 8:16

ئەڕا ئیه که هێمراێ روح‌القودوس ناتویه سەر هویچکامێان، چوینکه ئەوانه تەنیا وه ناو عیساێ خوداوەند تەعمید گردوین.

رومیەگان 6:16

ئێ نيەزانين ئەگەر خوەدان جور خوڵامیلێ که هانه ژێر فەرمان، بێینه دەس کەسێگ، ئەوسا بوینه خوڵامیل ئەو کەسه که گوشە لێ تەکنین، تواێ خوڵام گونا، که وەرەو مەرگ بەێد، تواێ خوڵام گوش تەکانن له خودا، که وەرەو سالح بوین بەێد؟

رومیەگان 6:8

ئێرنگه ئەگەر وەگەرد مەسیح مردیمنه، ئیمان دێریم که وەگەردیەو زنەییش کەیمن.

رومیەگان 7:1

ئێ برایل، ئێ نیەزانین که شەریعەت تەنیا تا وەختێ که ئایەمێگ زنیه، وه ملێەو حوکمرانی کەێ؟ ئەڕا ئیه که وەگەرد کەسیلێ قسیه کەم که شەریعەت زانن،

یەکم قورنتییل 10:2

گشتێان وەناو ئەو هەور و دەریا خوسڵ تەعمید گردن و ویجوره نیشان دان که توان بکەفنه شون موسای پەێخەمەر و

یەکم قورنتییل 12:13

چوینکه گشتمان، چ جویلەکە و چ یونانی، چ خوڵام و چ ڕزگار، وەناو یە روح خوسڵ تەعمید گردیمنه تا یە جەسه درس بکێم؛ جا گشتمان له یە روح نوشایمنه.

یەکم قورنتییل 15:29

ئەگەر مردگیل زنیەو نیەون، ئەڕا چه بڕێگ وه جیاێ مردگیل خوسڵ تەعمید گرن؟ ئەگەر مردگیل زنیەو نیەون، ئێ ئەڕا وه جێ ئەوانه تەعمید گرن؟

یەکم قورنتییل 3:16

ئێ نيەزانين که مابەد خوداین و روح خودا وەناودان نیشتەجێه؟

یەکم قورنتییل 5:6

شانازی‎کردنێدان له ئی باوەته هویچ درس نیه. ئێ نيەزانين که توزێگ خەویرترش تویەنێ گشت خەویرەگه هەڵ بارێ؟

یەکم قورنتییل 6:19

ئێ نيەزانين که جەسەدان مابەد روح‌القودوسه که ها ناودان و ئەوه له خودا گردينه و دی هن خوەدان نین؟

یەکم قورنتییل 6:9

ئێ نيەزانين کەسیلێ که حەق نەنه ژێر پا نیەونه میراتیخوەر پادشایی خودا؟ خوەدان گول مەێەن! داوانپێسیل، بتپەرەسیل، خێزیل، نێربازیل،

یەکم قورنتییل 9:13

ئێ نيەزانين ئەوانه که وەناو مابەد خەریک کارن، خواردەمەنیان له مابەد گرن، هەر ئیجوره خزمەتکاریل ناو قوروانگا له چشتیل بان ئەو شونه که قوروانی کەن بەشێگ بەن،

یەکم قورنتییل 9:24

ئێ نيەزانين وەناو مەێدان موسابقه، گشتیەکی دەون، وەلێ تەنیا یەکیگێان خەڵاتەگه بێدەو؟ جا جوری بدەون تا خەڵاتەگه وه دەس بارین.

دویم قورنتییل 13:5

خوەدان ئەزمون بکێن تا بزانین هاینه ناو ئیمان یا نه. وردەو بونه خوەدان. ئێ نیەزانین که عیسا مەسیح ها ناودان؟ مەر ئەوەکه وەناو ئی ئەزمونه ڕفوزه بوین!

نامه وە غەلاتییل 3:27

ئەڕا ئیه که گشتدان که وەناو مەسیح خوسڵ تەعمید گردین، مەسیحیش کردینەسه وەردان.

یاقوب 4:4

ئی مەردم داوانپێس، مەگەر نيەزانين که دوسی وەگەرد ئی جهانه دشمەنی وەگەرد خوداس؟ جا هەر کەسێگ وەشون دوسی وەگەرد جهان بود، خوەێ کەێده دشمەن خودا.

یەکم پتروس 3:21

جا ئەو ئاوه نمونەێ خوسڵ تەعمیدێگه که ئێرنگه ئیوه نجات دەێ، تەعمیدێگ که پاکەو کردن چەپەڵی له جەسه نیه، بەڵکەم داواکاریگ له خوداس ئەڕا وژدانێگ پاک. ئی تەعمیده که له ڕێ زنیەو بوین عیسا مەسیح ئیوه نجات دەێ،