رومیەگان 2:9 - کتاب مقدس به زبان کردی جنوبی - گویش کلهوری

⁹ هەر ئایەمێگ که خراوی بکێ تویش بەرد و پەشێوی تێ، یەکم جار جویلەکە و لەشونی یونانی.

رومیەگان 2:9 ပူးပေါင်းရင်းမြစ်များ

ئنجیل مەتا 16:26

چوینکه ئەڕا ئایەم چ سودێگ دێرێ گشت جهان بوێدەو، وەلێ گیان خوەێ بواخی؟ یا ئایەم ئەڕا وه دەس هاوردن گیان خوەێ چه تویەنێ بێی؟

لوقا 24:47

وه ناو ئەیو توبه و بەخشین گونایل باێه وه گشت ملەتیل بانگەوازی بکرێی، له ئورشەلیم شرو کریەد.

کاریل ڕەسولەیل 11:18

وەختێ ئی قسیەیله شنەفتن، بیدەنگ بین و ستایش خودا کردن، وەتن: «وه ڕاسی که خودا وه ناجویلەکەیلیش ئی دەرفەته دا تا توبەی زنەیی بەخش بیرێیده پێان!»

کاریل ڕەسولەیل 13:26

«ئێ برایل، ئێ مناڵیل ئێبراهیم و ئێ ناجویلەکەیلێگ که ڕخدان له خودا چود و هاینه ئێرا، ئی پێخام نجاته ئەڕاێ ئیمه کل کریاس.

کاریل ڕەسولەیل 20:21

هەم وه جویلەکەیل و هەم یونانیەگان شاێەتی دامه که باێه توبه بکەن و ڕوی بارنه خودا و ئیمان بارنه خوداوەند ئیمه عیسا مەسیح.

کاریل ڕەسولەیل 26:20

بەڵکەم یەکم جار ئەڕا نیشتەجێیل دەمشق، وەشونێ ئورشەلیم و گشت ناوچەێ یەهودیه، هەر ئیجوره لەناو ناجویلەکەیل جار دامه که باێه توبه بکەن و هەڵوگەردیەنه ئەڕا لاێ خودا و کردەوێ شایسەێ توبه بیاشتون.

کاریل ڕەسولەیل 28:17

وەشون سێ ڕوژ، پولوس گەورایل جویلەکە دەنگ کرد، وەختێ گردەو بین، وەپێان وەت: «برایل، هەر چەن هویچ دشمەنی وەگەرد قەومەگەمان و نەریت باپیریلمان نەکردویم وەلێ وه شار ئورشەلیم گردنەم و دانەمه دەس رومیەگان.

کاریل ڕەسولەیل 28:28

«جا بزانین که نجات خودا وه لاێ ناجویلەکەیل کل کریاس و ئەوانه گوش دەنه لێ!»

کاریل ڕەسولەیل 3:26

وەختێ خودا خزمەتکارەگەی خوەێ دەسنیشان کرد، یەکم جار کلی کرده ئەڕا لاێ ئیوه، ئەڕا ئیەک بەەرکەتداردان بکێ و هەر کامدان له شەڕئاشوی هەڵوگەردنێ.»

رومیەگان 1:16

چوینکه مه له ئینجیل شەرمزار نیم، ئەڕا ئیەکه هێز خوداس ئەڕا نجات هەر کەسێگ که ئیمان بارێ، یەکم جار جویلەکە و لەشونی یونانی.

رومیەگان 10:12

چوینکه له بین جویلەکە و یونانی جیاوازیگ نیه، ئەڕا ئیەک هەر ئەو خوداوەنده، خوداوەند گشتیەکیگه و فره فره بەەرکەت دەێه گشت ئەوانه که ئەیو بچڕن.

رومیەگان 2:10

وەلێ هەر کەسێگ که خاسێ بکێ، جەڵاڵ و حرمەت و ئاشتی و سڵامەتی بوده نسیوێ، یەکم جار جویلەکە و لەشونی یونانی.

رومیەگان 8:35

کیه که ئیمه له مابەت مەسیح جیاوه کەێ؟ بەرد یا پەشێوی یا عەزاو یا قاتوقڕی یا ڕویتی یا خەتەر یا شمشێر؟

رومیەگان 9:24

ئیمیش که ئەیو دەنگمان کردێه، له ئی دەفریل بەزەیێمنه، که نه تەنیا له جویلەکەیل، بەڵکەم له ناجویلەکەیلیش هەن.

نامه وە غەلاتییل 3:28

دیتر نه جویلەکە مانا دێرێ نه یونانی، نه خوڵام نه ڕزگار، نه پیا نه ژن، چوینکه ئیوه گشتدان وەناو مەسیح عیسا یەکیگین.

نامه وه کولوسییل 3:11

وەناو ئی ئایەم تازه نه یونانی نه جویلەکە نه خەتەنه کریاێ نه خەتەنه نەکریای نه بەربەر نه سەکایی نه خوڵام نه ڕزگار دیتر مانا نێرید، بەڵکەم مەسیح گشت چشتێگەو ها ناو گشتیەکیگ.

دویم تسالونیکییل 1:6

چوینکه وه ڕاسی که خودا ئیه داداپەروەرانه دوینی که ئەوانه که ئیوه دەنه وەر بەرد، وه بەرد جواو بێید و

یەکم پتروس 4:17

چوینکه وەخت ئەوه ڕەسیه که داوەری له ئاڵ ماڵ خودا شرو بود؛ ئەگەر شروی له ئیمەس، جا ئاخر ئەوانه که گوش له ئینجیل خودا نیەتەکنن، بوده چه؟