رومیەگان 2:3 - کتاب مقدس به زبان کردی جنوبی - گویش کلهوری

³ جا تو ئێ ئایەمێ که کەسیلێ که ئیجور کاریلێ کەن داوەری کەی وەلێ خوەدیش هەر ئەو کاریله کەی، ئێ گومان کەی له داوەری خودا تویەنێ دەر بچید؟

رومیەگان 2:3 ပူးပေါင်းရင်းမြစ်များ

ئنجیل مەتا 23:33

ئێ ماریل! ئێ هەفی زادەیل! چوی وه سزاێ جەهەنم دەر چین؟

ئنجیل مەتا 26:53

گومان کەی نیەتویەنم له باوگ ئاسمانیم بتوام و ئەیو هەر ئێرنگه فرەتر وه دوانزه لەشکەر فریشته ئەڕام کل بکێ؟

لوقا 12:14

عیسا جواو دا: «پیاگه، کی مه وەناو ئیوه کردێەسه قازی یا بەشکەر؟»

لوقا 22:58

کەمێگ تر، یەکیگتر دیەێ، وەت: «تنیش یەکی له ئەوانەیدە.» وەلێ پتروس وەت: «پیاگه، من وەگەرد ئەوانه نیم.»

لوقا 22:60

وەلێ پتروس وەت: «پیاگه، نیەزانم چه ئویشێ.» هێمراێ داشت قسیه کردیا که کەڵەشیر قویلان.

رومیەگان 1:32

هەر چەن له حوکم دادپەروەرانەێ خودا ئاگادارن که ئەوانەێ که ئیجور کاریلێ کەن، سزاێان مەرگه، نه تەنیا خوێان ئەو کاریله کەن، بەڵکەم کەسیلێگیش که ئەو کاریله کەن، مور کەن.

رومیەگان 2:1

ئمجا تو ئێ ئایەم که یەکیگ تر ماکوم کەی، هەر کەسێگ که هید، هویچ دەسپێچکێگ نێری. چوینکه وه هەر باوەتێ که یەکیگ تر ماکوم کەی، خوەد ماکوم کردیده؛ چوینکه تو که داوەری کەی، خوەد هەر ئەو کاریله کەی.

رومیەگان 2:2

ئیمه زانیمن که داوەری خودا وه سەر کەسیلێ که ئیجور کاریلێ کەن، حەقه.

رومیەگان 9:20

وەلێ ئێ ئایەم، تو کیێد که وەگەرد خودا دەمقاڵ بکێ؟ «مەر درسکریا وه درسکەرگەێ خوەێ ئویشێ ئەڕا مه ئیجوره درس کردیده؟»

یەکم تسالونیکییل 5:3

ئەو وەخته که مەردم ئویشن: «ئاشتی و سڵامەتی و ئەمنیە»، ئمجا له ناکاوه نابودی ڕشێیده ملێانەو، هەرئەوجوره که ژن ئێمڵه تویش ژان زایێن تێد؛ ئەوانه دەرچینێگ له لێ نێرن.

عبرانییل 12:25

هوشدان بود که له گوش داین ئەوه که قسیه کەید، ڕوی هەڵونەگەردنین. چوینکه ئەگەر ئەوانه که وه ئەو کەسه که وەبان زەوی هەڕەشه داویه پێان، گوش نەتەکانن، ڕێ دەرچینێگ له موجازات پەێا نەکردن، جا ئەگەر ئیمه ئەو کەسه که له ئاسمانەو هەڕەشه دەێەپێمان ڕەد بکێم، چوی تویەنیمن له موجازاتەگەێ دەر بچیم.

عبرانییل 2:3

جا ئەگەر ئیجور نجات فره گەوراێگ نوینیم، ئێ چوی تویەنیم له سزاگەێ دەر بچیم؟ یەکم جار له ڕێ خوداوەند عیسا ئی نجاته جار دریاد و وەشونێ له ڕێ کەسیلێ که شنەفتن، ئەڕامان مور کریا،