رومیەگان 14:3 - کتاب مقدس به زبان کردی جنوبی - گویش کلهوری

³ ئەوه که گشت چشتێگ خوەێ، نەبایه وه ئەوه که نیەخوەێ وه چەو سوک بنوڕیده پێەو؛ ئەوه که گشت چشتێگ نیەخوەێ، نەبایه ئەو کەسه که هەر خواردەمەنێگ خوەێ، ماکوم بکێ. چوینکه خودا ئەو کەسه قەبوڵ کردێه.

رومیەگان 14:3 ပူးပေါင်းရင်းမြစ်များ

ئنجیل مەتا 18:10

«هوشدان بود یەکیگ له ئی بویچگیله سوکەو نەکێن، چوینکه وەپێدان ئویشم فریشتەیلێان وەناو ئاسمان هەمویشه ڕوی باوگم که ها ناو ئاسمان دوینن.

ئنجیل مەتا 9:14

ئمجا شاگردیل یەحیا هاتنه ئەڕا لاێ عیسا و وەتن: «ئەڕا ئیمه و فەریسیەیل ڕوژه گریم، وەلێ شاگردیل تو ڕوژه نیەگرن؟»

لوقا 18:9

ئمجا عیسا ئەڕا بڕێگ که وه سالح بوین خوێان دڵنیا بین و باقی مەردم وه سوکەو دوینیان، ئی مەسلەته هاورد:

کاریل ڕەسولەیل 10:34

پتروس دەم واز کرد و وەت: «وه ڕاسی زانستم خودا وەناو قەومیل دوچەوەکی نیەکێ؛

کاریل ڕەسولەیل 10:44

وەختێ پتروس هێمراێ ئی قسیەیله کردیاد، روح‌القودوس ڕشیاده سەر گشت ئەوانه که پێخامەگه شنەفتیان.

کاریل ڕەسولەیل 28:2

نیشتەجێیل ئەو جەزیره خاسی فرەێگ وەگەردمانەو کردن. ئاگرێگ ئەڕامان کردنەو، چوینکه واران وارێا و هوا سەرد بی، ئەوانه وه گەرمی هاتنه پیریمانەو.

رومیەگان 11:15

چوینکه ئەگەر ڕەد بوین ئەوانه وه ماناێ ئاشتی جهان وەگەرد خوداس، قەبوڵ بوینیان چ ماناێگ دێرێ، بێجگه زنیەو بوین له مردگیل؟

رومیەگان 14:1

کەسێگ که ئیمانێ بی هازه، ڕێی بێەنه ناو خودان، بی ئەوه که وه سەر باوەڕیل مرافه بکێن.

رومیەگان 14:10

تو ئەڕا براگەێ خوەد ماکوم کەی؟ یا ئەڕا وه براگەێ خوەد وه چەو سوک نوڕێید؟ چوینکه گشتمان لەنواێ تەخت داوەری خودا وسیمن.

رومیەگان 14:13

وه ئی بونه، له ئیەودویا باین یەکترەکی ماکوم نەکێم. بەڵکەم وه جێ ئەوه، بتوان هویچ وەخت له سەر ڕێ براێگ کوچگیگ نەخین که بوده بایس کەفتنێ، یا چشتێ مەنەنه نوای ڕێەگەێ.

رومیەگان 14:15

چوینکه ئەگەر وەگەرد ئەو چشته که خوەید، براگەد دەردەدارەو کەی، دیتر ڕێ رەوشتد وەناو مابەت نيه. وەگەرد ئەو چشته که خوەید، ئەو کەسه که مەسیح وەبونەێەو مرد، نابود مەکه.

رومیەگان 14:21

خاسه که گوشت یا شراو نەخوەێ یا کارێگ نەکێ که بوده بایس کەفتن براگەد.

رومیەگان 15:7

جا هەر ئەوجورە که مەسیح قەبوڵدان کردێه، ئیوەیش یەکترەکی قەبوڵ بکێن تا خودا جەڵاڵ پەێا بکێ.