رومیەگان 10:9 - کتاب مقدس به زبان کردی جنوبی - گویش کلهوری

⁹ چوینکه ئەگەر وه زوان خوەد باری که «عیسا خوداوەنده» و وەناو دڵد ئیمان بیاشتوید که خودا ئەیو له مردگیل زنیەو کرد، نجات پەێا کێ.

رومیەگان 10:9 ပူးပေါင်းရင်းမြစ်များ

لوقا 12:8

«وەپێدان ئویشم، هەر کەس له لاێ مەردمەو وه مه ئێقرار بکێ، کوڕ ئنسانیش وه نوای فریشتەیل خودا ئێقرارێ کەید.

یوحەنا 9:22

داڵگ و باوگێ وه ئی بونه ئیانه وەتن چوینکه له جویلەکەیل زاورێان چیا. چوینکه جویلەکەیل وەرجەوە کەفتوینه یەکەو ئەگەر کەسێگ ئێقرار بکێ عیسا هەر ئەو مەسیح واده دریایه، باێه له کەنیسه دەر بکریەد.

کاریل ڕەسولەیل 16:31

جا وەتن: «وه خوداوەند عیسا مەسیح ئیمان بار که خوەد و ئاڵ ماڵەگەد نجات پەێا کين.»

کاریل ڕەسولەیل 2:24

وەلێ خودا ئەیو زنیەو کرد و له ژان مەرگ ڕزگارێ کرد، وەبونەێ ئیه که مەحاڵ بی وەناو چنگ مەرگ بمینێ.

کاریل ڕەسولەیل 2:32

خودا هەر ئی عیسا زنیەو کرد و ئیمەیش گشتمان شاێەت وه ئەویمنه.

کاریل ڕەسولەیل 8:36

وەختێ وەناو ڕێ بین، ڕەسینه سەر ئاوێگ. خەزانەدارەگه وەت: «بنوڕ، ها ئیەیشه ئاو، چ چشتێ نوای تەعمید مه گری؟»

رومیەگان 10:10

چوینکه وەگەرد دڵه که ئایەم ئیمان تیەرێ و سالحان وه حساو تێد و وەگەرد زوانه که ئێقرار کەێد و نجات پەێا کێ.

رومیەگان 14:11

ئەڕا ئیەک وەناو کتاو ئەشعەیاێ پەێخەمەر نویسریاس: «خوداوەند فەرمایش کێ: وه ژیان خوەم قەسەم که هەر زرانێگ لەنواێ مه چەمێدەو و هەر زوانێگ وه خودا ئێقرار کێ.»

رومیەگان 14:9

چوینکه وه ئی بونه مەسیح مرد و وەدواره زنیەو بی تا هەم بوده خوداوەند مردگیل و هەم خوداوەند زنیێل.

رومیەگان 4:24

بەڵکەم ئەڕا ئیمەیش نویسریا. ئەڕا ئیمەیش وه حساو تێد، ئیمەیلێگ که ئیمان دێریم وه ئەیو که خوداوەندمان عیسا له مردگیل زنیەو کرد.

رومیەگان 8:34

جا کیه که بتویەنێ ماکومێان بکێ؟ مەسیح عیساس ئەو کەسه که مرد، تەنانەت نه تەنیا ئیه بەڵکەم زنیەو بی و ها دەس ڕاس خودا، ئەوەسه که وه ڕاسی ئەڕامان ناوجێ کەێ!

یەکم قورنتییل 12:3

جا توام بزانین که هەر کەس له ڕێ روح خودا قسیه کێ، هەراێهەر نیەویشێ «لانەت وه عیسا» و هویچکەس بێجگه له ڕێ روح‌القودوس نیەتویەنی بویشی «عیسا خوداوەنده.»

نامەێ فیلیپییل 2:11

و هەر زوانێگ ئێقرار بکێ که عیسا مەسیح ’خوداوەنده‘ ئەڕا جەڵاڵ ’خوداێ باوگ‘.

یەکم پتروس 1:21

ئیوه وه وەسلەێ ئەیو وه خودا ئیمان هاوردینه، وه خوداێگ که مەسیح له مردگیل زنیەو کرد و جەڵاڵ بەخشی تا ئیمان و ئمیددان وه مل خوداوه بود.

یەکم یوحەنا 4:15

ئەوه که ئێقرار کێ عیسا کوڕ خوداس، خودا وەناوێ نیشتەجێه و ئەویش وەناو خودا.

دویم یوحەنا 1:7

چوینکه لیلاجیل فرەێگ وەناو جهان تەفرتوینا بینه، کەسیلێ که ئێقرار نیەکەن عیسا مەسیح وەناو جەسه ئنسانی هاتێه. ئەو جور کەسیلێ، لیلاج و زد مەسیحن.