رومیەگان 1:1 - کتاب مقدس به زبان کردی جنوبی - گویش کلهوری

¹ له پولوس، خوڵام مەسیح عیسا، که دەنگ کریاس تا بوده یەێ ڕەسول، جیاوه بیه تا مزگانی ئینجیل خودا جار بیێ؛

رومیەگان 1:1 ပူးပေါင်းရင်းမြစ်များ

مەرقوس 1:14

وەشون گیروده بوین یەحیا، عیسا چیه ئەڕا ناوچەێ جەلیل و خەوەر خوەش پادشایی خودا جار دیاد و

یوحەنا 12:26

ئەگەر کەسێگ خزمەتم کەی، باێه بکەفێه شونم؛ مه له هەر کوره بوم، خزمەتکارەگەمیش ها ئەوره. ئەگەر کەسێگ خزمەتم بکێ، باوگ ئاسمانی سەربەرزێەو کەێ.

یوحەنا 15:15

دی وەپێدان نیویشم خزمەتکار، چوینکه خزمەتکار له کاریل ئەرواوەگەێ خەوەر نێری. بەڵکەم ئیوه وه ڕەفیقەیل خوەم خوەنیمه، چوینکه له هەر چی له باوگم شنەفتمه، ئاگاداردان کردمه.

یوحەنا 15:20

کەڵامی که وەپێدان وەتم بارینه هویردان: ”خزمەتکار له ئەرواو خوەێ گەوراتر نیه.“ ئەگەر مه عەزاو دانه، ئیوەیش عەزاو دەن؛ ئەگەر کەڵام مه پارێزانن، کەڵام ئیوەیش پارێزنن.

کاریل ڕەسولەیل 13:9

وەلێ شائول، که وەپێ وەتیان پولوس، پڕ له روح‌القودوس بی، چەو بڕیە پێ و وەت:

کاریل ڕەسولەیل 20:24

وەلێ هویچ قێرێگ ئەڕا گیان خوەم دانەنامه، تەنیا تاسەێ مه ئیەسه، ئەگەر بتویەنم دەور خوەم و خزمەتی که له خوداوەند عیسا گردمه، تا وه ئاخر برەسنم و وه ئینجیل فیز خودا شاێەتی بێەم.

کاریل ڕەسولەیل 21:40

وەختێ هیشت، پولوس وەبان پلەگان وساد و دەس ئەڕا مەردمەگه هەڵوڕان. وەختێ گشتێان بیدەنگ بین، وه زوان عبرانییل وەپێان ئیجوره وەت:

کاریل ڕەسولەیل 22:21

«ئەیو وەپێم وەت: ”بچو؛ کلد کەم ئەڕا جایل دویر، ئەڕا لاێ ناجویلەکەیل.“»

کاریل ڕەسولەیل 22:7

کەفتمه زەوی و دەنگێگ شنەفتم که وەپێم وەتیا: ”شائول! شائول! ئەڕا عەزاوم دەێ؟“

کاریل ڕەسولەیل 26:1

شا ئاگریپاس ڕوی کرده پولوس و وەت: «تویەنی له دەفا ئەڕا خوەد چشتێ بویشی.» ئمجا پولوس دەس دریژەو کرد و ئیجوره له خوەێ دەفا کرد:

کاریل ڕەسولەیل 26:14

گشتمان کەفتیمنه زەوی، ئمجا دەنگێگ شنەفتم که وه زوان عبرانییل وەپێم وەتیا: ”شائول، شائول، ئەڕا عەزاوم دەێ؟ لەقه کوتان وه بزماریل کار سەختێگه، ئەڕا ئیه که وە خوەد زیان رەسنێد!“

کاریل ڕەسولەیل 27:23

ئەڕا ئیه که دویەشەو یەێ فریشتەێ خوداێگ که هن ئەوەم و پەرەسمێ، وساده لام و

کاریل ڕەسولەیل 9:15

وەلێ خوداوەند وه حەنانیا وەت: «بچو، چوینکه ئی پیا دەفر هەڵوژاریای منه ئەڕا ئیه که ناو مه لەلاێ ناجویلەکەیل و پادشایلێان و قەوم ئێسرائیل بوەید.

رومیەگان 1:16

چوینکه مه له ئینجیل شەرمزار نیم، ئەڕا ئیەکه هێز خوداس ئەڕا نجات هەر کەسێگ که ئیمان بارێ، یەکم جار جویلەکە و لەشونی یونانی.

رومیەگان 1:5

ئیمه له ڕێ ئەیو و وەبونەێ ناوێ فیز و خزمەت ڕەسول بێن دریاسه پێمان تا وەناو گشت ملەتیل، مەردم دەنگ بکێم ئەڕا گوش تەکانن له ئیمان.

رومیەگان 1:9

چوینکه خوداێگ که ئەیو وەگەرد روحم وەناو کار ئینجیل کوڕەگەێ خزمەتی کەم، شاێەتمه که چوی لەناو دوعایلم یەێسەر وه هەر وەختێگ تیەرمەدانه هویرم و

رومیەگان 11:13

ئێرنگه ڕوی دەمم ها گەرد ئیوه ناجویلەکەیل. له ئەوره که من ڕەسول ناجویلەکەیلم، وه خزمەتەگەی خوەم فره شانازی کەم،

رومیەگان 15:16

تا بومه خزمەتکار مەسیح عیسا ئەڕا ناجویلەکەیل و خزمەت کاهنی جارداین ئینجیل خودا وه جێ بارم، تا ناجویلەکەیل پیشکەشی قەبوڵ کریاێگ بون وه دەرگاێ خودا که له ڕێ روح‌القودوس تەقدیس بینه.

رومیەگان 15:29

زانم که وەختێ بامه ئەڕا لادان، وه پڕی بەەرکەت مەسیح تیەم.

رومیەگان 16:18

ئەڕا ئیه که ئیجور کەسیلێگ وه خوداوەندمان مەسیح خزمەت نيەکەن، بەڵکەم وه زگێان خزمەت کەن و وەگەرد قسیەیلی ڕەنگین و زوانبازی فریو دڵ ئایەمیل ساده دەن.

رومیەگان 16:25

ئێرنگه جەڵاڵ وه ئەیو که تویەنێ وه پێ ئینجیلێگ که من جار دەم و وه پێ تالیم عیسا مەسیح، وه قەوەتدان بکێ - یانێ وه پێ وەحی ئەو رازه که ئەڕا دەورانیل دریژێگ، شاریاویدەو،

یەکم قورنتییل 1:1

له پولوس، که وه خاست خودا دەنگ کریایه تا بوده ڕەسول مەسیح عیسا، هەر ئیجوره له براگەمان سوستنس،

یەکم قورنتییل 9:1

ئێ مه ڕزگار نیم؟ ئێ مه ڕەسول نیم؟ ئێ خوداوەندمان عیسا نێیمه؟ ئێ ئیوه بەر کار من وەناو خوداوەند نین؟

دویم قورنتییل 1:1

له پولوس که وه خاست خودا ڕەسول عیسا مەسیحه و براگەمان تیموتاوس، وه کلیساێ خودا وەناو شار قورنتوس و گشت ئیمانداریل وه مەسیح وەناو سەرئانسەر ناوچەێ ئەخائیه:

دویم قورنتییل 11:5

وەلێ گومان نیەکەم مه له ئەوانه که خوێان وه ’گەورا ڕەسولەیل‘ خوەنن چشتێگ کەمتر بیاشتوم.

دویم قورنتییل 11:7

ئێ گونا کردمه که خوەم بویچگەو کردمه تا ئیوه سەربەرزەو بوین چوینکه ئینجیل خودا وه پەتی جار دامه پێدان؟

دویم قورنتییل 12:11

گیلگەوج بیمه! ئیوه ناچارم کردین. باێه تاریفم بکردیاین، ئەڕا ئیه که هەر چەن مه هویچم، وەلێ له ئەوانه که خوێان وه ’گەورا ڕەسولەیل‘ خوەنن چشتێ کەم نێرم.

دویم قورنتییل 2:12

جا وەختێ ئەڕا جارداین مزگانی مەسیح چیمه تروئاس، زانستم که خوداوەند وه ئەوره دەر گەوراێگ وه ڕویم واز کردێه.

دویم قورنتییل 4:5

چوینکه ئیمه بانگەوازی خوەمان نیەکیم، بەڵکەم بانگەوازی عیسا مەسیح کەیمن که خوداوەنده، له خوەمان تەنیا وەبونەێ عیسا، ئەویش تەنیا وه پێ خزمەتکاردان قسیه کەیمن.

نامه وە غەلاتییل 1:1

له پولوس، ڕەسولێگ که ڕەسالەتەگەێ نه له لاێ ئایەمیل و نه وه وەسلەێ ئایەم، بەڵکەم وه وەسلەێ عیسا مەسیح و خوداێ باوگه که ئەیو له مردگیل زنیەو کرد،

ئەفسوسیێل 1:1

له پولوس که وه خاست خودا ڕەسول مەسیح عیساس، وه ئیمانداریل وه مەسیح که هانه ناو شار ئەفسوس، وه ئەوانه که وەناو مەسیح عیسا وەفادارن:

ئەفسوسیێل 1:13

ئیوەیش وەناو مەسیح، ئەو وەخته که کەڵام ڕاسی، یانێ مزگانی نجات خوەدان شنەفتین و ئیمانه پێ هاوردین، وەگەرد روح‌القودوس واده دریاێ مور کریاین.

ئەفسوسیێل 4:11

جا ئەیو بی که بەخشی ڕەسولەیل، نەبوەتکەریل، مزگانیدەریل، شوانیل و ماموستایل،

نامەێ فیلیپییل 1:1

له پولوس و تیموتاوس خوڵامیل مەسیح عیسا، ئەڕا گشت موقەدەسیل که هانه ناو مەسیح عیسا له شار فیلیپی، وەگەرد هێوەتکەریل و شەماسەیل:

نامەێ فیلیپییل 2:11

و هەر زوانێگ ئێقرار بکێ که عیسا مەسیح ’خوداوەنده‘ ئەڕا جەڵاڵ ’خوداێ باوگ‘.

نامه وه کولوسییل 1:1

له پولوس که وه خاست خودا، ڕەسول مەسیح عیساس و له براگەمان، تیموتاوس،

نامه وه کولوسییل 1:25

مه وه پێ خزمەت هێوەتکەرێگ که خودا ئەڕا خێریەت ئیوه وەپێم سپارد، بیمه خزمەتکار کلیسا، تا کەڵام خودا وه کەماڵ وه ئیوه بناسنم،

یەکم تسالونیکییل 2:2

بەڵکەم ئەو جوره که زانين، هەر چەن وەرجەوە له شار فیلیپی عەزاو دیمن و وه خراوی ڕێ رەوشت وەگەردمانا کریاد، وەلێ وەناو خوداێ خوەمان، ئازای دایمنه خەرج تا وەناوڕاس ئی هەمگه ناکوکیه ئینجیل خودا وەپێدان جار بێیم.

یەکم تسالونیکییل 2:8

ئەوقره خوەشمانه لێدان هات که گورجەو بیمن نه تەنیا ئینجیل خودا وەپێدان برەسنیم، بەڵکەم گیانمانیش له ڕێ ئیوه بێیم، وەبونەێ ئیه که ئیوه ئەڕامان فره عەزیزەو بوین.

یەکم تسالونیکییل 2:9

چوینکه ئێ برایل، مێنەت و سەختیمان ها هویردان، که شەو و ڕوژ کار کردیایم تا وەختێگ ئینجیل خودا وەپێدان جار دايمن، سەربار هویچ کامدان نویمن.

یەکم نامەێ تیموتاوس 1:1

له پولوس که وه حوکم نجات دەر ئیمه خودا و ئمیدمان مەسیح عیسا، ڕەسول مەسیح عیساس؛

یەکم نامەێ تیموتاوس 2:7

ئەڕا ئیه که مه هەر وه ئی بونه هەڵوژاریامه تا بانگەوازیکەر و ڕەسول و ماموستاێ ئیمان ڕاسەکانی ئەڕا ناجویلەکەیل بوم، ڕاس ئویشم و درو نیویشم.

دویم تیموتاوس 1:11

ئەڕا ئیه که مه هەڵوژاریامه تا بانگەوازیکەر، ڕەسول و ماموستاێ ئی ئینجیله بوم.

تیتوس 1:1

له لاێ پولوس، خوڵام خودا و ڕەسول عیسا مەسیح. مه دیاری کریام که ئیمان هەڵوژاریەگان خودا وه قەوەتەو بکەم و ڕاسیێگ که ها مل دینداری، بویشم.

عبرانییل 5:4

هویچکەسێگ خوەێ ئی شانازی کاهن گەورا بوینه نیەکەێده هن خوەێ، بەڵکەم ئی شانازیه تەنیا زەمانێگ بوده نسیو کەسێگ که خودا ئەو ئایەمه دەنگ بکەی، هەر ئەوجورە که هارون دەنگ کرد.

عبرانییل 7:26

ئەڕا ئیه که وه ڕاسی شایسه بی که ئیمه ئیجور کاهن گەوراێگ بیاشتویم، کاهنێگ قودوس، بێتاوان، بی لەک و پێس، جیا له گوناکاریل و له ئاسمانیل بەرزتر کریا.

یاقوب 1:1

له یاقوب، خوڵام خودا و خوداوەند عیسا مەسیح، وه دوانزه هوز قەوم ئێسرائیل که وەناو جهان تەفرتوینان. سڵام!

یەکم پتروس 4:17

چوینکه وەخت ئەوه ڕەسیه که داوەری له ئاڵ ماڵ خودا شرو بود؛ ئەگەر شروی له ئیمەس، جا ئاخر ئەوانه که گوش له ئینجیل خودا نیەتەکنن، بوده چه؟

دویم پتروس 1:1

له شەمعون پتروس، خوڵام و ڕەسول عیسا مەسیح، وه ئەوانه که وه وەسلەێ درسی خودامان و نجات دەرمان عیسا مەسیح، ئیمانێگ چەنه ئیمان ئیمه وه دەس هاوردنه:

یەهودا 1:1

له یەهودا، خوڵام عیسا مەسیح و براێ یاقوب، وه دەنگ کریایلێگ که وەناو خوداێ باوگ عەزیزن و ئەڕا عیسا مەسیح پارێزیانه:

وەحی وه یوحەنا 1:1

وەحی عیسا مەسیح، که خودا بەخشاسه پێ تا ئەو چشتیله که باێه وه ئی زویه هەڵبکەفێ، وه خوڵامیل خوەێ نیشان بێید و ئەوه وەگەرد کل کردن فریشتەێ خوەێ وه خولامەگەێ خوەێ یوحەنا ئاشکرا کرد.

وەحی وه یوحەنا 22:6

فریشته وەته پێم: «ئی قسیەيله شایسەێ دڵنیاییه و ڕاسه. خوداوەند، خوداێ روحیل پەێخەمەریل، فریشتەێ خوەێ هەناردێه تا ئەو چشته که باێه زوی هەڵبکەفێ، وه خزمەتکاریل خوەێ نیشان بێید.»

وەحی وه یوحەنا 22:9

وەلێ ئەو وه مه وەت: «نەبایه ئیجوره بکێ! منیش هەر جور توی و برایل توی، یانێ پەێخەمەریل و جور ئەوانه که کەڵام ئی کتاوه پارێزنن، خزمەتکارم. خودا بپەرەس.»