وەحی وه یوحەنا 8:7 - کتاب مقدس به زبان کردی جنوبی - گویش کلهوری

⁷ فریشتەێ یەکم پف کرده شیپورەگەێ و تگر و ئاگر هامیته وه خوین بی که له ناکاوەو واریه مل زەویا و سێ کوتی زەوی سزیاد و سێ کوتی داریل سزیان و گشت گیایل سەوز سزیان.

وەحی وه یوحەنا 8:7 ပူးပေါင်းရင်းမြစ်များ

یاقوب 1:11

وه بونەێ ئیه که خوەر وەگەرد تین بسزنێگ هەڵ‎تێد و گژگیا وشکەو کێ، گوڵەگەێ ڕشێیده خوار و ڕەنگینیەگەێ له بین چود. هەرئیجوره دەوڵەمەنیش له ناوڕاس کاریلێ، له بین چود.

یەکم پتروس 1:24

چوینکه، «گشت جەسه مینێده گژگیا و گشت جەڵاڵی هەر جور گوڵ بیاوانه؛ گژگیا وشک بود و گوڵ ڕشیەده خوار،

وەحی وه یوحەنا 12:4

دمێ سێ کوتی هەسارەیل ئاسمان گزێ دا و ڕشانی مل زەویا. ئەژدەها له وەر دەم ئەو ژنه که نزیک زاینی بی وساد، وه ئی مەبەسته تا که مناڵەگەێ باێه دنیا، قویرتی بێید.

وەحی وه یوحەنا 16:2

جا فریشتەێ یەکم چی و پیاڵەگەێ خوەێ ڕشانه مل زەویا؛ زامیل پێسیگ که پڕ له ژان بی وه مل جەسەێ مەردمێگ که نیشانەێ ئەو گیانەوەر دڕنه داشتن و پێکەر ئەوه پەرەسیان، دیار دا.

وەحی وه یوحەنا 16:21

له ئاسمان تەگر سەخت قورسیگ واریاده مل مەردم که هەر دەنگی، نزیک پەنجا کیلو بی و ئایەمیل له باوەت بەڵای تەگر خودا لانەت کردن، چوینکه بەڵاێ فره سەختێگ بی.

وەحی وه یوحەنا 6:8

وەختێ نوڕستم، ئەسپ رەنگ ڕوی پەڕیاێگ وه نوای چەوم دیار داد و ئەوه که سوار ئەسپەگه بی مەرگ ناوێ بی و جهان مردگیل وەشونیەو هاتیان. جا وه ئەوانه دەسڵات دریاد تا چواریەکی زەوی وەگەرد شمشێر و قاتوقڕی و نەخوەشی خراو و دڕنەێیل بان زەوی، بکوشن.

وەحی وه یوحەنا 7:1

وەشون ئیه، دیم چوار فریشته له چوارپەل زەوی وسانه و نوای چوار وای زەوی گردنه تا هویچ واێگ وه مل زەوی یا دەریا یا هویچ دارێگ هەڵ نەکێ.

وەحی وه یوحەنا 9:15

جا ئەو چوار فریشته که ئەڕا هەر ئی ساته و هەر ئی ڕوژه و هەر ئی مانگه و هەر ئی ساڵه گورج نریاوینه لا، وێڵ کریان تا سێ کوتی ئایەمیزاێ بکوشن.

وەحی وه یوحەنا 9:18

سێ کوتی ئایەمیزاێ له ئی سێ گله بەڵای ئاگر و دویکەڵ و گوگرد که له دەمیان هاتیاده دەیشت، کوشریان.

وەحی وه یوحەنا 9:4

وەپێان وەتریا که وه گژگیای زەوی یا هویچ گیاێ سەوزێگ یا دارێگ زەرەر نەرەسنن، بەڵکەم تەنیا وه ئەو ئایەمیله زەرەر برەسنن که مور خودا له تەخت تێوێڵێانەو نێرن.