وەحی وه یوحەنا 8:5 - کتاب مقدس به زبان کردی جنوبی - گویش کلهوری

⁵ ئمجا فریشته بوخورسزنەگه هەڵگرد و له ئاگر قوروانگا تەپان و خستەی بان زەوی. ئمجا هەورەتریقه و گرمەگرم و بڵاچه هەڵسیاد و زەوی که لەرزیاد.

وەحی وه یوحەنا 8:5 ပူးပေါင်းရင်းမြစ်များ

ئنجیل مەتا 24:7

چوینکه ملەتێگ ئەڕا ملەتێگتر و مەمڵەکەتیگ ئەڕا مەمڵەکەتی تر هەڵسێ. وه جایل جورواجور قاتوقڕییل و زەویەلەرزیل تێ.

لوقا 12:49

«من هاتمه تا ئاگر وەبان زەوی بکەمەو، خوزگه تا ئێرنگه کریایدەو!

کاریل ڕەسولەیل 16:26

لەناکاوه زەویه لەرزەێگ فره گەورا ڕوی دا، ئەوجورە که بنەواێ زندانەگه کەفته لەرزه. جا زویزی گشت دەرەگان واز بین و زنجیرەگان گشتێان کەفتنه زەوی.

کاریل ڕەسولەیل 4:31

وەختێ دوعا کردن، ئەو شونه که وەناوێ گردەو بوین کەفته ڕکه و گشتێان له روح‌القودوس پڕ بین و وه ئازای کەڵام خودا وەتیان.

وەحی وه یوحەنا 11:13

هەر ئەو ساته، زەویه لەرزەێگ گەورا هەڵکەفت و ده یەکی شارەگه ڕمیاد و هەفت هەزار نەفەر وه ناو زەوی لەرزەگه کوشریان و ئەوانه که مەنوینەو فره رخێان چی و خوداێ ئاسمان جەڵاڵ دان.

وەحی وه یوحەنا 11:19

ئمجا مابەد خودا وەناو ئاسمان واز بی و سونویخ پەێمان ئەیو وەناو مابەدەگەێ کەفته دەیشت و له ناکاوەو بیه بڵاچه، گرمەگرم و هەورەتریقه وه گوش رەسیا و زەوی لەرزه بی و خوڕوم تگر بی.

وەحی وه یوحەنا 4:5

جا له تەختەگه، بڵاچه، گرمەگرم و هەورەتریقه هەڵسیاد. له نوای تەختەگه، هەفت گله مەشخەل گڕەکەر بی. ئیانه هەفت روح خوەدان.

وەحی وه یوحەنا 6:12

وەختێ وەرکەرگه مور شەشمی واز کرد، مه خوەم نوڕستم که له ناکاوه زەوی لەرزەی فره گەوراێگ هەڵکەفت و خوەر جور پەڵاس، سیەوه بی و مانگ چوارده وه رەنگ خوین دەرهات.

وەحی وه یوحەنا 8:3

جا فریشتەێگتر هات که بوخورسزنێگ له تەڵا وەگەرد خوێەو داشت و وساده لاێ قوروانگا. بوخور فرەێگ دریاده پێ تا ئەوه وەگەرد دوعایل گشت ئیمانداریل وه مەسیح له بان قوروانگای تەڵایی که ها نوای تەخت، پیشکەشێ بکێد.