وەحی وه یوحەنا 8:3 - کتاب مقدس به زبان کردی جنوبی - گویش کلهوری

³ جا فریشتەێگتر هات که بوخورسزنێگ له تەڵا وەگەرد خوێەو داشت و وساده لاێ قوروانگا. بوخور فرەێگ دریاده پێ تا ئەوه وەگەرد دوعایل گشت ئیمانداریل وه مەسیح له بان قوروانگای تەڵایی که ها نوای تەخت، پیشکەشێ بکێد.

وەحی وه یوحەنا 8:3 ပူးပေါင်းရင်းမြစ်များ

لوقا 1:10

وه زەمان سزانن بوخور، گشت جەماێەت وه دەیشت، خەریک دوعا کردن بین.

رومیەگان 8:34

جا کیه که بتویەنێ ماکومێان بکێ؟ مەسیح عیساس ئەو کەسه که مرد، تەنانەت نه تەنیا ئیه بەڵکەم زنیەو بی و ها دەس ڕاس خودا، ئەوەسه که وه ڕاسی ئەڕامان ناوجێ کەێ!

عبرانییل 7:25

جا عیسا تویەناس تا ئەوانه که له ڕێ ئەیو نزیک خودا بون، تا ئەبەد نجات بێی، ئەڕا ئیه که هەمویشه زنیه تا ئەڕاێان ناوجێ بکێ.

عبرانییل 9:4

له ناو ئی بەشه، قوروانگای تەڵایی ئەڕا سزانن بوخور بی و هەرئیجوره سنویق پەێمان که له هەر لاێگەو وەگەرد تەڵا پوشریاوی. وەناو ئی سنویقه، کویزەێ تەڵایی که نان ’مەنا‘ وەناوێ بی، هەرئیجوره گوچان هارون که قومچه کردوی و تەختەیل کوچگین پەێمان نریاوید.

وەحی وه یوحەنا 10:1

ئەو وەخته فریشتەێ هێزدارێگ‎تر دیم که له ئاسمانەو هاتیاده خوار و هەورێگ وه دەوریەو پێچیاوی و سیمینەوزەرینەێگ له بان سەرێ. دەمچەوێ جور خوەر بی و پایلێ جور کوڵەکەیل ئاگر.

وەحی وه یوحەنا 14:18

یە فریشتەتر له قوروانگا هاته دەیشت. فریشتەێگ که وه مل ئاگر دەسڵات داشت، وه دەنگ بەرز وه ئەو کەسه که داس تێژ داشت، وەت: «داسه تێژەگەد هەڵگر و بوڵیل‎ له دار مەێو زەوی گردەو که، چوینکه ئەنگویریلێ ڕەسینه.»

وەحی وه یوحەنا 5:8

جا وەشون ئەوه که تومارەگه گرد، ئەو چوار گیانەوەر زنی و ئەو بیس و چوار پیره له نوای وەرکەگه کەفتنه بان خاک. ئەوانه هەر کامێان چەنگێگ له دەسێانەو بی و پیاڵەێگ تەڵایی نیقەڵتوز له بوخورێگ که هەر ئەو دوعایل ئیمانداریل مەسیحەسه.

وەحی وه یوحەنا 6:9

وەختێ وەرکەرگه مور پەنجمەگه واز کرد، له ژێر قوروانگا، گیانیل کەسیلێگ دیم که له ڕێ کەڵام خودا و شاێەتیێگ که داوین، کوشریاوین.

وەحی وه یوحەنا 7:2

ئەو وەخته فریشتەێگتر دیم که له ڕوژهەڵاتەو وەرەو ئاسمان بەرزەو بویاد و مور خوداێ زنی وەگەردیەو بی. ئەو وه دەنگ بەرزێگ ئەو چوار فریشته که هێز دریاویده پێان تا وه زەوی و دەریا زەرەر برەسنن، چڕێ و

وەحی وه یوحەنا 8:4

دویکەڵ بوخورەگه وەگەرد دوعایل ئیمانداریل وه مەسیح له دەس ئەو فریشته تا وه نوای خودا چیه بان.

وەحی وه یوحەنا 8:5

ئمجا فریشته بوخورسزنەگه هەڵگرد و له ئاگر قوروانگا تەپان و خستەی بان زەوی. ئمجا هەورەتریقه و گرمەگرم و بڵاچه هەڵسیاد و زەوی که لەرزیاد.

وەحی وه یوحەنا 9:13

ئمجا فریشتەێ شەشم پف کرده شیپورەگەێ و مه دەنگێگ شنەفتم که له چوار شاخ قوروانگای تەڵایی که ها له نوای خودا، دەر هاتیاد؛