وەحی وه یوحەنا 8:2 - کتاب مقدس به زبان کردی جنوبی - گویش کلهوری

² جا ئەو هەفت فریشته که له نواێ خودا وسن، دیم که هەفت گله شەیپور دریاده پێان.

وەحی وه یوحەنا 8:2 ပူးပေါင်းရင်းမြစ်များ

ئنجیل مەتا 18:10

«هوشدان بود یەکیگ له ئی بویچگیله سوکەو نەکێن، چوینکه وەپێدان ئویشم فریشتەیلێان وەناو ئاسمان هەمویشه ڕوی باوگم که ها ناو ئاسمان دوینن.

ئنجیل مەتا 24:31

ئەیو فریشتەگانێ وه دەنگ بەرز شەیپور کل کەی و ئەوانه هەڵوژاردەگان ئەیو له چوار پەر جهان، له ئی سەر تا ئەو سەر ئاسمان، وه دەور یەکەو گردەو کەن.

لوقا 1:19

فریشتەگه جواوی دا: «من جبرەئیلم که له وەردەم خودا وسم. ئێرنگه کل کریامه تا وەگەرد تو قسیه بکەم و ئی مزگانیه بیەمه پێد.

لوقا 21:36

جا هەمویشه هوشدان بود و دوعا بکەن تا بتویەنێن وه گشت ئی چشتیله که وی زوی هەڵکەفێ، له ئەمان بمینێن و له وەردەم کوڕ ئنسان بوسین.»

یەکم قورنتییل 15:52

زویزی و وه چرپەێ چەوێگ، ئەو وەخته که پف کریەده ئاخرین شەیپورەگه، ئیه هەڵکەفێ. چوینکه شەیپورەگه تێدە دەنگ و مردگیل هەر ئەوجورە که نەگەنیانه زنیەو بون و ئیمه گوڕێیمن.

یەکم تسالونیکییل 4:16

چوینکه خوداوەند خوەێ وه فەرمانێگ که وه دەنگ بەرزه، وەگەرد دەنگ سەروک فریشتەیل و دەنگ شەیپور خودا، له ئاسمانەو تێدە خوار. ئەو وەخته یەکم جار ئیمانداریل وه مەسیح که مردنه، زنیەو بون.

وەحی وه یوحەنا 1:4

له یوحەنا، وه هەفت کلیسا که هانه ناوچەێ ئاسیا: فیز و ئاشتی و سڵامەتی وە لاێ ئەیو که هەس و بی و تێد‎ و له لاێ هەفت روح نوای تەخت ئەیو،

وەحی وه یوحەنا 11:15

ئمجا فریشتەێ هەفتم شیپورەگەێ هاورده دەنگ؛ له ناکاوەو دەنگیل بەرزێگ پێچیاده ناو ئاسمان که وەتیا: «حوکومەت جهان، بیەسه هن خوداوەند ئیمه و مەسیح ئەیو. جا ئەیو تا ئەبەد و تا ئەبەد حوکم کەێد.»

وەحی وه یوحەنا 15:1

ئمجا یە نیشانه و موجزەێ فره گەورا و سەرسڕهاوەرێگتر وەناو ئاسمان دیم: هەفت فریشته وەگەرد هەفت بەڵا بی که ئاخرین بەڵایێلن، چوینکه وەگەرد ئەوانه توڕەێ خودا تەمام بود.

وەحی وه یوحەنا 16:1

ئمجا دەنگ بەرزێگ له مابەد و شنەفتم که وه ئەو هەفت فریشته وەتیا: «بچن و هەفت پیاڵەێ توڕەێ خودا وه مل زەویا بڕشنن.»

وەحی وه یوحەنا 8:13

جا نوڕسم و شنەفتم هەڵوێگ هەر ئەوجورە که له ‎ناوڕاس ئاسمان باڵەو گرێ، وه دەنگ بەرز هاوار کرد: «وی، وی، وی وه نیشتەجێیل زەوی، چشتێگ نەمنیه دەنگ شەیپورەگان ئەو سێ فریشتەێتریشه هەڵسێد.»

وەحی وه یوحەنا 8:6

ئمجا ئەو هەفت فریشته که ئەو هەفت گله شەیپوره داشتن، گورجەو بین تا پف بکەنه پێانەو.

وەحی وه یوحەنا 9:1

فریشتەێ پەنجم پف کرده شیپورەگەێ و مه هەسارەێگ دیم که له ئاسمانەو کەفته بان زەویا. کلیل چاێ هاویه که بن نێری، دریاده ئی هەساره.