وەحی وه یوحەنا 7:15 - کتاب مقدس به زبان کردی جنوبی - گویش کلهوری

¹⁵ هەر له ئی باوەتەسه که: «ئیانه هانه نوای تەخت خودا شەو و ڕوژ ئەیو له ناو مابەدەگەێ خزمەت کەن؛ ئەیو که دانیشێده بان تەختەگه، وەگەرد بین خوەێ سەرپەنا دەێده پێان.

وەحی وه یوحەنا 7:15 ပူးပေါင်းရင်းမြစ်များ

یوحەنا 1:14

کەلیمه بیه ئنسان و وەناومان نیشتەجێ بی. ئیمه جەڵاڵی دیمنه، جەڵاڵیگ شایسەێ ئەو تەنیا کوڕه که له لاێ باوگ ئاسمانی هاتوی. پڕ له فیز و ڕاسی.

یەکم قورنتییل 3:16

ئێ نيەزانين که مابەد خوداین و روح خودا وەناودان نیشتەجێه؟

دویم قورنتییل 6:16

یا چ وه یەکەو کەفتنێگ ها له بین مابەد خودا و بتیل؟ چوینکه ئیمه مابەد خوداێ زنەیمن. هەر ئەوجورە که خودا وەناو تەورات و کتاویل پەێخەمەریل فەرمایش کێ: «وەناوێان نیشتەجێ بوم و وەناوێان ڕێ کەم و مه بومه خوداێ ئەوانه و ئەوانه بونه قەوم من.»

عبرانییل 12:2

باین چەو بوڕیمنه عیسا که بنیادنەر و کامڵکەر ئیمانمانه، که ئەڕا ئەو خوەشیه که له نوای بوی، سەلیب تاموڵ کرد و نەنگ ئەوه سوک وه حساو هاورد و ئێرنگه وه لاێ ڕاس تەخت خودا نيشتیه.

عبرانییل 8:1

ئێرنگه گیان کەڵام وەناو ئەو چشته که ئویشیم، ئیەسه که ئیمه ئیجور کاهن گەوراێگ دێریم که وه لاێ ڕاس تەخت خوداێ گەورا وەناو ئاسمان دانيشتێه و

وەحی وه یوحەنا 11:19

ئمجا مابەد خودا وەناو ئاسمان واز بی و سونویخ پەێمان ئەیو وەناو مابەدەگەێ کەفته دەیشت و له ناکاوەو بیه بڵاچه، گرمەگرم و هەورەتریقه وه گوش رەسیا و زەوی لەرزه بی و خوڕوم تگر بی.

وەحی وه یوحەنا 13:6

جا دەم خوەێ و کفر کردن وه خودا واز کرد و وه ناو ئەیو و شونێ که ئەیو نیشتەجێه، یانێ وه ئەوانه که له ناو ئاسمان نیشتەجێین، کفر کردیاد.

وەحی وه یوحەنا 20:10

جا ئبلیس، که ئەوانه گول داوید، فڕه دریاده ناو دەریاچەێ ئاگر و گوگرد، شونێگ که ئەو گیانەوەر دڕنه و پەێخەمەر دروەکانیه فڕه دریاوین. ئیانه ڕوژ و شەو تا ئەبەد و تا ئەبەد عەزاو کیشن.

وەحی وه یوحەنا 21:22

مابەدێگ له ناو شار نێیم، چوینکه خوداوەند خوداێ هەر وه تویەنا و وەرکەگه، مابەد ئەوەنه.

وەحی وه یوحەنا 22:3

جا دیتر هویچ لانەتێگ نیه. بەڵکەم تەخت خودا و تەخت وەرکەگه ها ناوێ و خزمەتکاریلی پەرەسنێ.

وەحی وه یوحەنا 22:5

دیتر شەو نیه و ئەوانه وه نویر چراخ یا خوەر هەوەجی نێرن، چوینکه خوداوەند خودا بوده نویر ئەوانه و ئەوانه تا ئەبەد و تا ئەبەد سەڵتەنەت کەن.

وەحی وه یوحەنا 4:4

دەورادەور تەختەگه، بیس و چوار تەخت تریش بی که له بان ئەوانه بیس و چوار پیر دانیشتوین. ئەوانه دڵنگ چەرمگ له وەرێان و تاج تەڵا له بان سەریان بی.

وەحی وه یوحەنا 4:8

ئەو چوار گیانەوەر زنیه، هەر کامێان شەش باڵ دێرن و دەور تا دەور و تەنانەت له ژێر باڵەگانێانیش، پڕ له چەوه و شەو و ڕوژ نیه‎وسن و ئویشن: «قودوس، قودوس، قودوسه خوداوەند خوداێ هەر وه تویەنا، ئەیو که بیه و هەس و تێد.»

وەحی وه یوحەنا 4:9

هەر جار که ئەو گیانەوەریل زنیه، جەڵاڵ و عزەت و سپاس هەناردیان ئەڕا تەختنشین که له ئەبەد تا ئەبەد زنیه،

وەحی وه یوحەنا 7:9

له شون ئەوه نوڕستم و ئێرنگه، جەماێەت فره گەوراێگ له هەر ملەتێگ، له گشت هوزیل و قەومیل و زوانیل دیم که هویچکەسێگ نیەتویەنستیاد بژمارێدیان و ئەوانه وه نوای تەختەگه و له نوای وەرکەگه وساوین. گشتێان بەتیەێ چەرمگ له وەرێان بی و پەلیل دار خورما وه دەسێانەو.