وەحی وه یوحەنا 6:8 - کتاب مقدس به زبان کردی جنوبی - گویش کلهوری

⁸ وەختێ نوڕستم، ئەسپ رەنگ ڕوی پەڕیاێگ وه نوای چەوم دیار داد و ئەوه که سوار ئەسپەگه بی مەرگ ناوێ بی و جهان مردگیل وەشونیەو هاتیان. جا وه ئەوانه دەسڵات دریاد تا چواریەکی زەوی وەگەرد شمشێر و قاتوقڕی و نەخوەشی خراو و دڕنەێیل بان زەوی، بکوشن.

وەحی وه یوحەنا 6:8 ပူးပေါင်းရင်းမြစ်များ

ئنجیل مەتا 11:23

تنیش ئێ شار کەفەرناحوم، تواسیاێ تا وه فەڵەک سەر بەرزەو کەی؟ هەراێهەر، بەڵکەم کەفێده بن جهان مردگیل. چوینکه ئەگەر موجزەیلێ که وەناو تو کریاس وەناو سودوم بکریا، ئەو شاره تا ئیمڕو مەنیادێ.

ئنجیل مەتا 24:7

چوینکه ملەتێگ ئەڕا ملەتێگتر و مەمڵەکەتیگ ئەڕا مەمڵەکەتی تر هەڵسێ. وه جایل جورواجور قاتوقڕییل و زەویەلەرزیل تێ.

یەکم قورنتییل 15:55

«ئێ مەرگ، سەرکەفتنەگەد ها کو؟ جا ئێ مەرگ، چزەگەد ها کو؟»

وەحی وه یوحەنا 1:18

منم ئەوه که زنیه. مردم، بنوڕ تا ئەبەد زنیم و کلیلەیل مەرگ و جهان مردگیل ها دەس منەو.

وەحی وه یوحەنا 12:4

دمێ سێ کوتی هەسارەیل ئاسمان گزێ دا و ڕشانی مل زەویا. ئەژدەها له وەر دەم ئەو ژنه که نزیک زاینی بی وساد، وه ئی مەبەسته تا که مناڵەگەێ باێه دنیا، قویرتی بێید.

وەحی وه یوحەنا 9:15

جا ئەو چوار فریشته که ئەڕا هەر ئی ساته و هەر ئی ڕوژه و هەر ئی مانگه و هەر ئی ساڵه گورج نریاوینه لا، وێڵ کریان تا سێ کوتی ئایەمیزاێ بکوشن.

وەحی وه یوحەنا 9:18

سێ کوتی ئایەمیزاێ له ئی سێ گله بەڵای ئاگر و دویکەڵ و گوگرد که له دەمیان هاتیاده دەیشت، کوشریان.