وەحی وه یوحەنا 5:12 - کتاب مقدس به زبان کردی جنوبی - گویش کلهوری

¹² وه دەنگ بەرزەو ئیجوره وەتیان: «ئەیو وەرک سەر بڕیاێه شایسەێ ئیەسه که هێز و دەوڵەمەنی و زانیاری و تویەنایی و حرمەت و جەڵاڵ و ستایش پێشکەشێ بود.»

وەحی وه یوحەنا 5:12 ပူးပေါင်းရင်းမြစ်များ

ئنجیل مەتا 28:18

عیسا نزیکیانەو بی وەپێان وەت: «گشت دەسڵات وەناو ئاسمان و وەبان زەوی دریاسه پێم.

یوحەنا 1:29

ئی ڕوژەگەێ، یەحیا عیسا دی که تێ وەرەو لاێ، یەحیا وەت: «بنوڕن، ئیەسه وەرک خودا که گوناێ جهان هەڵگرێ بید!

یوحەنا 17:2

چوینکه تو دەسڵات گشت ئنسانیل سپاردێەسه دەسێ تا وه گشت کەسیلێ که تو وەپێ بەخشایده زنەیی ئەبەدی بێی.

دویم قورنتییل 8:9

چوینکه له فیز خوداوەندمان عیسا مەسیح ئاگادارین که هەر چەن دەوڵەمەن بی، وەبونەێ ئیوه دەستەنگێ گردەوەر تا ئیوه وەبونەێ دەستەنگێ ئەیو دەوڵەمەن بوین.

یەکم نامەێ تیموتاوس 1:17

وه ئەو خوداێگ که یەکێگە، پادشاێ دەورەیله، نەمر و نادیاریه، تا دنیا دنیاس حرمەت و جەڵاڵ بود؛ ئامین!

وەحی وه یوحەنا 1:6

له ئیمه پادشایێگ درس کرد و کاهنیلێگ ئەڕا خودا، باوگ خوەێ، وه ئەیو تا ئەبەد و تا ئەبەد جەڵاڵ و حوکمرانی بود، ئامین.

وەحی وه یوحەنا 13:8

گشت نیشتەجێیل زەوی ئەو گیانەوەر دڕنه پەرەسن، یانێ گشت کەسیلێگ که ناوێان له دامەزرانن جهان لەناو دەفتەر زنەیی نەنویسریاس که هن ئەیو وەرک سەر بڕیاێەسه.

وەحی وه یوحەنا 15:3

ئەوانه بەیت خزمەتکار خودا، موسا، خوەنیان و بەیت وەرکەگه که: «فره گەورا و سەرسڕهاوەرە کاریل توی، ئێ خوداوەند خوداێ هەر وه تویەنا. داد و حەقه ڕێیل توی، ئێ پادشاێ ملەتیل.

وەحی وه یوحەنا 19:1

وەشون ئیه، دەنگێگ شنەفتم مینستیاده دەنگ بەرز جەماێەت فره گەوراێگ له ئاسمان، که وەتیان: «هەللویاه! نجات و جەڵاڵ و هێز هن خوداێ ئیمەس،

وەحی وه یوحەنا 4:11

«ئێ خوداوەند و خوداێ ئیمه، تو شایسەێ که جەڵاڵ و عزەت و هێز، پێشکەش بوده پێد، چوینکه تو گشت چشتێگ وه دی هاوردی و گشت چشتێگ وه خاست توی درسکریا و وه دی هات.»

وەحی وه یوحەنا 5:13

ئمجا شنەفتم هەر درسکریاێگ که ها ناو ئاسمان و ها له بان زەوی و ها له ژێر زەوی و ها له ناو دەریا، وەگەرد هەر چی که ها ناوێانەو، ئیجوره وەتیان: «ستایش و حرمەت و جەڵاڵ و هێز، تا ئەبەد و تا ئەبەد هن تەختنشینەگه و وەرکەگه بود.»

وەحی وه یوحەنا 5:6

له ناوڕاس تەختەگه و ئەو چوار گیانەوەر زنی و له ناوڕاس پیریل، وەرکێگ دیم وساوی، چمانێگ سەری بڕیاوید، هەفت گله شاخ داشت و هەفت گله چەو که هەفت روح خوەدان که کل کریاسه بان گشت زەوی.

وەحی وه یوحەنا 5:8

جا وەشون ئەوه که تومارەگه گرد، ئەو چوار گیانەوەر زنی و ئەو بیس و چوار پیره له نوای وەرکەگه کەفتنه بان خاک. ئەوانه هەر کامێان چەنگێگ له دەسێانەو بی و پیاڵەێگ تەڵایی نیقەڵتوز له بوخورێگ که هەر ئەو دوعایل ئیمانداریل مەسیحەسه.

وەحی وه یوحەنا 5:9

جا ئیجور بەیت تازەێگ خوەنن که وەتیاد: «توی شایسەێ گردن تومارید و شایسەێ واز کردن موریلێ، ئەڕا ئیه که سەر بڕیاێد و وەگەرد خوین خوەد ڕزگاری مەردم له هەر هوز و زوان و قەوم و ملەتێگ، ئەڕا خودا سەندی؛

وەحی وه یوحەنا 6:1

وەختێ وەرکەگه یەکمین مور له ئەو هەفت گله موره واز کرد، مه خوەم نوڕستم و شنەفتم یەکیگ له ئەو چوار گیانەوەر زنیه وەگەرد دەنگێگ هەر جور هەورەتریقه ئویشێ: «بەو!»

وەحی وه یوحەنا 7:12

وەتن: «ئامین! ستایش و جەڵاڵ و زانیاری و سپاس و حرمەت و هێز و تویەنایی ئەڕا خوداێ ئیمه بود، تا ئەبەد و تا ئەبەد. ئامین!»