وەحی وه یوحەنا 4:11 - کتاب مقدس به زبان کردی جنوبی - گویش کلهوری

¹¹ «ئێ خوداوەند و خوداێ ئیمه، تو شایسەێ که جەڵاڵ و عزەت و هێز، پێشکەش بوده پێد، چوینکه تو گشت چشتێگ وه دی هاوردی و گشت چشتێگ وه خاست توی درسکریا و وه دی هات.»

وەحی وه یوحەنا 4:11 ပူးပေါင်းရင်းမြစ်များ

کاریل ڕەسولەیل 14:15

«ئێ پیاێل، ئەڕا ئیجوره کەین؟ ئیمەیش جور ئیوه، ئایەمیم. ئیمه مزگانی دیمه پێدان که له ئی چشتیل پویچه دەس بکیشن و ڕوی بارینه خوداێ زنی که ئاسمان و زەوی و دەریا و هەر چی که ها ناوێ، وه دی هاوردێه.

کاریل ڕەسولەیل 17:24

«خوداێگ که جهان و هەر چی که ها ناوێ وه دی هاورد، ساێو ئاسمان و زەویه و وەناو مابەدیل درس کریا وه دەس بەشەر نیشتەجێ نیود.

رومیەگان 11:36

چوینکه گشت چشتێگ له ئەیو و له ڕێ ئەیو و ئەڕا ئەیوه. تا ئەبەد جەڵاڵ ئەڕا ئەیو بود. ئامین.

ئەفسوسیێل 3:9

جا وه گشتیەکی نیشان بێەم که چوی نەخشەێ خودا تێدە دی. خودا که خوەێ گشت چشتێ وه دی هاورد، ئی راز خوێه له دریژای دەوران جاران شاردیەسەو.

عبرانییل 1:10

هەر ئیجوره فەرمایش کەید: «توی، ئێ خوداوەند، له سەرەتاوه بنیان زەوی دا ناید و ئاسمانیل کار دەسیل تنه!

عبرانییل 1:2

وەلێ وەناو ئی ڕوژیل ئاخره وه وەسلەێ کوڕەگەێ خوەێ وەگەرد ئیمه قسیه کردێه، هەر ئەو کوڕه که ئەیو وه میراتیخوەر گشت چشتێگ دیاری کرد و وه وەسلەێ ئەیویش جهان درس کرد.

وەحی وه یوحەنا 1:6

له ئیمه پادشایێگ درس کرد و کاهنیلێگ ئەڕا خودا، باوگ خوەێ، وه ئەیو تا ئەبەد و تا ئەبەد جەڵاڵ و حوکمرانی بود، ئامین.

وەحی وه یوحەنا 10:6

وه ئەیو که تا ئەبەد و تا ئەبەد زنیه قەسەم خوارد؛ هەر ئەیو که ئاسمان و هەر چێ ها ناوێ و زەوی و هەر چێ ها ناوێ و دەریا و هەر چێ ها ناوێ وەدی هاورد. ئەیو قەسەم خوارد و وەت که دیتر فرەتر وه ئیه ماتەڵی وه کار نیه.

وەحی وه یوحەنا 14:7

ئەو وه دەنگ بەرز وەت: «له خودا زاوردان بچود و ئەیو جەڵاڵ بيەن، چوینکه سات داوەریەگەێ رەسیه. ئەیو بپەرەسن که ئاسمان و زەوی و دەریا و کیەنییل ئاو درس کرد.»

وەحی وه یوحەنا 19:1

وەشون ئیه، دەنگێگ شنەفتم مینستیاده دەنگ بەرز جەماێەت فره گەوراێگ له ئاسمان، که وەتیان: «هەللویاه! نجات و جەڵاڵ و هێز هن خوداێ ئیمەس،

وەحی وه یوحەنا 5:12

وه دەنگ بەرزەو ئیجوره وەتیان: «ئەیو وەرک سەر بڕیاێه شایسەێ ئیەسه که هێز و دەوڵەمەنی و زانیاری و تویەنایی و حرمەت و جەڵاڵ و ستایش پێشکەشێ بود.»

وەحی وه یوحەنا 5:2

جا فریشتەێ هێزدارێگ دیم که وه دەنگ بەرز جار دیاد: «کیه که شایسەێ واز کردن تومار و شکانن موریلێ بود؟»

وەحی وه یوحەنا 5:9

جا ئیجور بەیت تازەێگ خوەنن که وەتیاد: «توی شایسەێ گردن تومارید و شایسەێ واز کردن موریلێ، ئەڕا ئیه که سەر بڕیاێد و وەگەرد خوین خوەد ڕزگاری مەردم له هەر هوز و زوان و قەوم و ملەتێگ، ئەڕا خودا سەندی؛