وەحی وه یوحەنا 3:4 - کتاب مقدس به زبان کردی جنوبی - گویش کلهوری

⁴ «هەر چەن هێمراێ چەن نەفەر له ساردس ديری که داوانێان چەپەڵ نەکردنه. ئیانه دڵنگ چەرمگ له وەر، وەگەردمەو ڕێ کەن، چوینکه شایسەن.

وەحی وه یوحەنا 3:4 ပူးပေါင်းရင်းမြစ်များ

ئنجیل مەتا 10:11

چینه هەر شار یا ئاوایێگ، مینێ کەسێ بکەن که شایسه بود و تا وەخت تەرک ئەو شونه وەناو ماڵەگەێ بمینن.

مەرقوس 16:5

وەختێ چینه ناو مەقبەرەگه، جوانێگ دین که وه لاێ ڕاس نیشتوی، بەتیەێ چەرمێگ له وەرێ بی. جا ئەوانه زاورێان چی.

لوقا 20:35

وەلێ ئەوانه که لیاقەت ڕەسین وه دەورەێ وەرەڕوی بیاشتون و له مردگیل زنیەو بون، نه ژن خوازن و نه شوی کەن،

لوقا 21:36

جا هەمویشه هوشدان بود و دوعا بکەن تا بتویەنێن وه گشت ئی چشتیله که وی زوی هەڵکەفێ، له ئەمان بمینێن و له وەردەم کوڕ ئنسان بوسین.»

کاریل ڕەسولەیل 1:15

یەکی له ئەو ڕوژیله، پتروس وەناو براگانێ که گشتێان نزیک سەد وه بیس نەفەر بین، وساد و

دویم تسالونیکییل 1:5

ئیه نیشانەێ داوەری دادپەروەرانەێ خوداس تا ئیوه شایسەێ پادشایی خودا وه حساو باین که وەخاتریەو رەنجیش کیشین.

یەهودا 1:23

بڕێگ وەناو ئاگر بکیشنه دەیشت و نجات بێین؛ وه بڕێگتر وه ترسەو، بەزەیی نیشان بێین. تەنانەت له دڵنگێگ که وه هەواوهەوەس جەسه چەپەڵەو بویه، قیندان باێد.

وەحی وه یوحەنا 1:11

که وەتیا: «ئەو چشتێ که دوينی له ناو کتاوێگ بنویس و کل بکه ئەڕا هەفت کلیسا یانێ کلیسایل: ئەفسوس، ئسمیرنا، پرگاموم، تیاتیرا، ساردس، فیلادلفیه و لائودیکیه.»

وەحی وه یوحەنا 11:13

هەر ئەو ساته، زەویه لەرزەێگ گەورا هەڵکەفت و ده یەکی شارەگه ڕمیاد و هەفت هەزار نەفەر وه ناو زەوی لەرزەگه کوشریان و ئەوانه که مەنوینەو فره رخێان چی و خوداێ ئاسمان جەڵاڵ دان.

وەحی وه یوحەنا 14:4

ئیانه هەر ئەو کەسیلنه که خوێان وەگەرد ژنيل ناپاکەو نەکردنه، چوینکه ئی پیاێله ئازەون. وەرک ئەڕا هەر شونێگ بچود، ئیانه هانه شونیەو. ئیانه ڕزگاریان له بین ئایەمیزاێ سەنریاس، هەر جور نەوبەر ئەڕا خودا و ئەڕا وەرکەگه.

وەحی وه یوحەنا 19:14

لەشکەریل ئاسمان وەشونیەو هاتیان که سوار وه ئەسپیل چەرمگ بین و دڵنگیل کەتان فره خاس و چەرمگ و ترکتەمیس له وەرێان بی.

وەحی وه یوحەنا 19:8

دڵنگ کەتان فره خاس و نویرانی و ترکتەمیس بەخشریاسه وەویەگه تا بکێدێ وەرێ.» چوینکه دڵنگ کەتان فره خاس، کاریل سالحان موقەدەسیله.

وەحی وه یوحەنا 3:18

ئاموژیارید کەم که تەڵای ناب له ئاگر گوزەریاێ له مه بسێنێ تا دەوڵەمەنەو بید و دڵنگیل چەرمگ له مه بسێنێ تا بکێده وەرێد و شەرمزاری ڕویتیەگەد دیار نود؛ مەلهەمێگ له مه بسێنێ، تا بماڵیده بان چەویل خوەد و بیناوه بید.

وەحی وه یوحەنا 3:5

هەر کەسێگ که بوێدەو، ئیجوره وه دڵنگێگ چەرمێگ ڕەژێیدەو جا ناوێ هەراێهەر له دەفتەر زنەیی پاکەو نیەکەم، بەڵکەم ناوێ وه لاێ باوگم و فریشتەیلێ وه زوان تیەرم.

وەحی وه یوحەنا 4:4

دەورادەور تەختەگه، بیس و چوار تەخت تریش بی که له بان ئەوانه بیس و چوار پیر دانیشتوین. ئەوانه دڵنگ چەرمگ له وەرێان و تاج تەڵا له بان سەریان بی.

وەحی وه یوحەنا 6:11

ئمجا وه هەر کام له ئەوانه، بەتیەێ چەرمێگ دریاد و وەتریاده پێان که قێرێگ‎تر ئارام بگرن تا وەختێگ که ژمارەێ هاوخزمەتیل و برایلێان که باێه جور ئەوانه بکوشریەن، کامڵەو بود.

وەحی وه یوحەنا 7:9

له شون ئەوه نوڕستم و ئێرنگه، جەماێەت فره گەوراێگ له هەر ملەتێگ، له گشت هوزیل و قەومیل و زوانیل دیم که هویچکەسێگ نیەتویەنستیاد بژمارێدیان و ئەوانه وه نوای تەختەگه و له نوای وەرکەگه وساوین. گشتێان بەتیەێ چەرمگ له وەرێان بی و پەلیل دار خورما وه دەسێانەو.