وەحی وه یوحەنا 3:3 - کتاب مقدس به زبان کردی جنوبی - گویش کلهوری

³ جا ئەو چشته که گردیده و شنەفتیدە، باره هویرد؛ ئەوه بپارێزن و توبه بکه. ئەگەر له خەو هەڵنەڵسێد، جور دزێگ تیەم و نیەزانێد چ ساتێگ تیەمه ئەڕاد.

وەحی وه یوحەنا 3:3 ပူးပေါင်းရင်းမြစ်များ

ئنجیل مەتا 25:13

جا وه خەوەر بون، چوینکه وه ئەو ڕوژ و ساته خەوەر نێرین.

مەرقوس 13:33

جا هوشدان بود و وەخەوەر بون، چوینکه نيەزانين ئەو وەخته کەی رەسێ.

مەرقوس 13:36

نەخواێ ئەوه وه ناکاوه باێ و ئیوه وەناو خەو بوینی.

یەکم تسالونیکییل 5:2

چوینکه خوەدان خاس زانين که ڕوژ هاتنەوەێ خوداوەند عیسا هەر جور دزێگ که شەوەناو تێد، رەسێد.

یەکم نامەێ تیموتاوس 6:20

ئێ تیموتاوس، ئەمانەتێگ که وه پێد سپاریاس، بپارێزن. له قسیەیل مفت دنیایی و فکریل خەڵافێگ که وه درو، ناوێ نانەسه ماریفەت، دویرەو بگر؛

دویم تیموتاوس 1:13

وەناو ئیمان و مابەتێگ که وەناو مەسیح عیسا پەێا بود، هەر جور نمونەی تالیم درسێگ، بکەفه شون ئەو چشته که له مه شنەفتیدە.

عبرانییل 2:1

جا ئیمه باێه وه ئەو چشته که شنەفتیمنه فره فێشتر سرنج بێیم، نەخواێ له ڕێ ئەو چشته که شنەفتیمنه دەر بچیم.

دویم پتروس 1:13

مه فکر کەم ئیجوره درسه که تا وەختێگ هامه ناو ئی جەسه، وه وەسلەێ وه هویر خستن ئی چشتیله، هەڵدانگڕنم،

دویم پتروس 3:1

ئێ عەزیزەیل، ئیه نامەێ دویمه که ئێرنگه ئەڕادان نویسم. هەر دو نامەگه وه بونەێ ئیه که بارمه هویردان‎ نویسامه تا ئیوه ئەڕا یە فکر پاک هەڵگڕنم،

دویم پتروس 3:10

وەلێ ڕوژ هاتنەوەێ خوداوەند عیسا جور دز تێ و ئمجا ئاسمانیل وەگەرد قیڕەێ خراوێگ له بین چن و ئەجرام ئاسمانی سزیەن و تویچیەن، زەوی و گشت کاریلێگ که له بانێ کریاس، دیار دەێد.

وەحی وه یوحەنا 16:15

«بنوڕ، هەر جور دز تیەم! خوەش وه حاڵ ئەو کەسه وەخەوەر مەنید و دڵنگەگەێ ها وەرێ، تا نەخوای ڕویت خڕ بخوێ و له تەمام جهان حەێاێ بچود.»

وەحی وه یوحەنا 2:25

تەنیا ئەو چشته که دێرین قورس بگرن تا وەختێگ مه بام.

وەحی وه یوحەنا 2:5

جا باره هویرد که له کوره کەفتیەسه خوار. توبه بکه و کاریلێگ وه جێ بار که له سەرەتا وه جێ هاوردیاید. ئەگەر نه تیەمه ئەڕا لاد و چراخدانەگەد له ئەوره که هەس، هەڵگرم، مەر ئیه که توبه بکێ.

وەحی وه یوحەنا 22:7

«بنوڕ، وه ئی زویه تیەم! خوەش وه حاڵ کەسێگ که کەڵام نەبوەت ئی کتاوه پارێزنێد.»

وەحی وه یوحەنا 3:11

«و ئی زویه تیەم. ئەو چشته که ديری، قورس بگرێ تا کەسێگ تاجەگەد له لێد نەسنێ.

وەحی وه یوحەنا 3:19

«مه کەسیلێگ گرمه گازتاوه و ئەدەو کەم که دوسیان دێرم. جا غیرەت بیاشتوید و توبه بکه.

وەحی وه یوحەنا 3:2

له خەو هەڵسەپا و ئەو چشته که مەنیه و نزیکه بمرێ، وه قەوەتێەو بکه! ئەڕا ئیه که کاریل تو له چەو خوداێ خوەم کامڵەو نێیمه.