وەحی وه یوحەنا 3:15 - کتاب مقدس به زبان کردی جنوبی - گویش کلهوری

¹⁵ له کردەوەد خەوەر دێرم؛ توی نه سەردی و نه گەرم. خوەزگه یا سەرد بیاتیای یا گەرم.

وەحی وه یوحەنا 3:15 ပူးပေါင်းရင်းမြစ်များ

ئنجیل مەتا 10:37

«هەر کەسێگ باوگ یا داڵگ خوەێ فرەتر وه مه دوس بیاشتوید لایق مه نیه؛ هەر کەیش کوڕەگەێ یا دویەتەگەێ فرەتر له مه دوس بیاشتوید لایق مه نیه.

ئنجیل مەتا 24:12

وەبونەێ فرەوه بوین خراوی، مابەت مەردم فرەێگ وەرەو سەردی چود.

ئنجیل مەتا 6:24

«هویچکەس نیەتویەنی دو گله ئەرواو خزمەت بکەی، چوینکه یا وه یەکی قینێ تێ و دوس ئەواکه دێرێ، یا سەرسپردەێ یەکی بود و ئەواکه وه هویچ حساو کەی. نیەتویەنین هەم خزمەتکار خودا بوین، هەم خزمەتکار پویل.

رومیەگان 12:11

غیرەتدان کەمەو نود؛ وەناو روح گڕەدان باێ و خزمەت خوداوەند بکەن.

یەکم قورنتییل 16:22

کەسێگ که خوداوەند دوس نێری، لانەته پێ. خوداوەند ئیمه، بەو!

دویم قورنتییل 12:20

چوینکه له ئەوه ڕخم چود وەختێ بامه ئەڕا لادان ئەوجورە که توام، نوینمەدان و ئیوەیش ئەوجورە که تواین، نوینینەم. نەکێ وەناودان مرافه، حەسویی، توڕه بوین، دشمەنی، بخت کردن، خوسپ کردن، لویتبەرزی و شل شێویایی بوینم.

نامەێ فیلیپییل 1:9

دوعای مه ئیەسه که مابەتدان فره فرەوه بود و وەگەرد ناسین و فام کامڵێگەو هاوڕێ بود،

دویم تسالونیکییل 1:3

ئێ برایل، ئیمه باێه هەمویشه وەبونەێ ئیوه سپاس خودا بکێم و درسیشێ هەر ئیەسه، چوینکه ئیمان ئیوه فره فره گەوراوه بود و مابەت هەر کامدان وه یەکترەکی فرەوه بود.

یاقوب 1:8

ئەوه ئایەمێگه هوکی هوکی و وەناو هویچکام له کردەوەیلێ بەردەوام نیه.

یەکم پتروس 1:22

ئیسه که وه گوش تەکانن له ڕاسی، گیانیل خوەدان پاکەو کردينه تا مابەتێگ براێانه و بێ خڵت خەوش بیاشتوین، ها ملدانەو که یەکترەکی وه دڵ و گیان وه یە دڵ پاک دوس بیاشتوین.

وەحی وه یوحەنا 2:2

خەوەر کاریلد دێرم و له زامەت و سەور و بەردەوام بویند ئاگادارم. زانم که نیەتویەنی شەڕئاشویل تاموڵ بکێ، بەڵکەم کەسیلێگیش که خوێان وه ڕەسول زانن وەلێ نین، دایدەسێانه سەر‎نج و فامیده که ئەوانه دروزنن.

وەحی وه یوحەنا 2:4

«وەلێ ئی گلەیێه له لێد دێرم، ئەو مابەته که له سەرەتا داشتی، نایدەسه لا.

وەحی وه یوحەنا 3:1

«وه فریشتەێ کلیساێ شار ساردس بنویس: «ئەوه که هەفت روح خودا و هەفت هەساره دێرێد، ئیجوره ئویشێد: له کاریلد ئاگادارم. دەنگ و ناو زنی بیند بەرزە، وەلێ مردیده.

وەحی وه یوحەنا 3:16

جا ئەڕا ئیه که تین گەرمی، نه گەرم و نه سەرد، له دەمم تفد کەمه دەیشت.