وەحی وه یوحەنا 3:10 - کتاب مقدس به زبان کردی جنوبی - گویش کلهوری

¹⁰ وه بونەێ ئیه که قسیه مه له باوەت سەور و بەردەوام بین پارێزانیده، منیش توی له سات ئەزمونێگ که وه سەر تەمام جهان تێد تا نیشتەجێیل زەوی ئەزمون بکێد، پارێزنم.

وەحی وه یوحەنا 3:10 ပူးပေါင်းရင်းမြစ်များ

ئنجیل مەتا 24:14

ئی خەوەر خوەش پادشایه وه سەرئانسەر جهان جار درێید تا بوده شاێەتی ئەڕا گشت ملەتیل. ئمجا جهان وه ئاخر رەسێ.

ئنجیل مەتا 26:41

وەخەوەر بون و دوعا بکەن تا وەناو ئەزمون نەکەفین. وه ڕاسی روح وه ئەزرەته وەلێ جەسه بی هازه.»

ئنجیل مەتا 6:13

مەخەرەمانه ناو ئەزمون، بەڵکەم وه ئەو شەڕئاشوه ڕزگارمان بکه. چوینکه تا ئەبەد، پادشایی و هێز و جەڵاڵ هن تنه. ئامین.

مەرقوس 14:9

وه ڕاسی، وه ئیوه ئویشم، وه گشت جهان وه هەر کوره ئینجیل بانگەوازی بکرێی، کار ئی ژنیشه وه یادێ ئویشنێ.»

لوقا 2:1

وه ئەو ڕوژیله، ئاگوستوس قیسەر روم، حوکمێگ دا تا گشت مەردمیلی که وه ژێر فەرمان روم بین سەرژماری بون.

یوحەنا 17:6

«من ناو تو ئەڕا مەردمێگ که وه ئی جهانه وەپێم بەخشیده، ئاشکرا کردمه. ئەوانه هن تو بین و تو وەپێم بەخشایده، ئەوانیش کەڵامد پارێزاننه.

رومیەگان 1:8

وەرجه هەر چشتێ، له ڕێ عیسا مەسیح، وەبونەێ گشتدان سپاس خوداێ خوەم کەم چوینکه ئیماندان وه گشت کورەێ دنیا دەنگ داسەو.

یەکم قورنتییل 10:13

تویش هویچ ئەزمونێگ ناتینه که ئەڕا بەشەر مناسو نود. جا خودا ئەمینە؛ ئەیو نێیلی فرەتر له تویەنایدان ئەزمون بوین، بەڵکەم وەگەرد ئەزمون ڕێ دەر چینیش گورجەو کێ تا تویەناێ تاموڵی بیاشتوین.

ئەفسوسیێل 6:13

جا چەک خودا وه تەمامی و حساوی بکەنه وەردان، تا له ڕوژ شەڕئاشویی بتوانین بوسین، دویای وه جێ هاوردن گشت چشتێگ، بتویەنێن قورس بوسین.

دویم تیموتاوس 2:12

ئەگەر تاموڵ بکێم، وەگەرد ئەیو سەڵتەنەتیش کەیمن. ئەگەر حاشاێ بکێم، ئەیویش حاشامان کەید.

یاقوب 3:12

برایلم، ئێ مەگەر بود دار هەنجیر، زیتون بێیده دەس؟ یا دار مەیو، هەنجیر بەر بێید؟ هەر ئیجوریشه کیەنی سوڵ نیەتویەنێ ئاو شیرن بخێده ڕێ.

یەکم پتروس 4:12

ئێ عەزیزەیل، له ئی ئاگرێگه که ئەڕا ئەزمون ئیوه له ناودان ها پاوه، ئەڵاجویدان ناید، جوری که چماێ چشت غەریوێگ وه سەردان هاتێه.

دویم پتروس 2:9

جا خوداوەند زانید چوی ئایەمیل خوداناس له ئەزمونیل ڕزگار بکێ و ئایەمیلێگ که سالحان نین تا ڕوژ داوەری له ژێر سزا بنێده لا،

وەحی وه یوحەنا 1:9

مه یوحەنا، براێ ئیوه، که له ناو بەرد و له ناو پادشاێ و له ناو سەور و بەردەوام بوینی که وه ناو عیسا هن ئیمەس، وەگەردانەو‎و هاوبەشم، وه بونەێ کەڵام خودا و شاێەتی عیسا، وه جەزیرەێگ وه ناو پاتموس بیم.

وەحی وه یوحەنا 11:10

نیشتەجێیل زەوی له مردن ئەوانه خوەشاڵەو بون و جەشن گرن و ئەڕا یەکترەکی پیشکەشێ کل کەن؛ چوینکه ئی دو گله پەێخەمەره، بوینه بایس عەزاو نیشتەجێیل زەوی.

وەحی وه یوحەنا 13:10

ئەگەر کەسێگ باێه وه گیرودەێ بچود، وه گیرودەێ چود. ئەگەر کەسێگ باێه وه شمشێر بکوشرێید، جا باێه وه شمشێر بکوشرێید. ئی کاره، بەردەوام بوین ئیمانداریل وه مەسیح تواید و ئیمان ئەوانه.

وەحی وه یوحەنا 13:14

وەگەرد نیشانه و موجزەیلێ که ئجازه داشت وه جێ ئەو گیانەوەر دڕنەی یەکمه ئاشکرا بکێد، نیشتەجێیل زەوی فریو دا و وەته پێان که پێکەرێگ له ئەو گیانەوەر دڕنه درس بکەن که وه شمشێر زام خواردوی، وەلێ هێمراێ زنی بی.

وەحی وه یوحەنا 13:8

گشت نیشتەجێیل زەوی ئەو گیانەوەر دڕنه پەرەسن، یانێ گشت کەسیلێگ که ناوێان له دامەزرانن جهان لەناو دەفتەر زنەیی نەنویسریاس که هن ئەیو وەرک سەر بڕیاێەسه.

وەحی وه یوحەنا 14:12

ئیه بەردەوام بین ئیمانداریل وه مەسیح تواید، هەر ئەوانه که حوکمیل خودا و ئیمانێان وه عیسا پارێزنن.

وەحی وه یوحەنا 14:6

ئمجا یەێ فریشتەتر دیم که له ناوڕاس ئاسمانەو باڵەو گردیا و ئینجیل ئەبەدی وەگەرد خوێەو داشت تا وه نیشتەجێیل زەوی جار بێی، وه هەر ملەت و هوز و زوان و قەومێگ که بون.

وەحی وه یوحەنا 16:14

چوینکه ئیانه روحیل شەیتانین که نیشانه و موجزەیل ئاشکرا کەن و چنه ئەڕا لاێ پادشایل سەرئانسەر جهان تا ئەوانه ئەڕا شەڕ وه ڕوژ گەوراێ خوداێ هەر وه تویەنا وه دەور یەکەو گردەو بکەن.

وەحی وه یوحەنا 17:2

وەگەرد ئەوه بی که پادشایل زەوی خیزی کردنه و له شراو خیزی ئەوه بی که نیشتەجێیل زەوی سەرخوەش بینه.»

وەحی وه یوحەنا 17:8

ئەو گیانەوەر دڕنه که دیده، زەمانێگ بیەسێ‎، ئێرنگه نێەسێ، وه ئی زویه له چاێ هاویه دەر تێد و وەرەو نابودی چود. له نیشتەجێیل زەوی ئەوانه که ناوێان له وەخت دامەزرانن جهان له ناو دەفتەر زنەیی نەنویسریاس، وەختێ ئەو گیانەوەر دڕنه دوینن، سەریان سڕ مینێد، چوینکه زەمانێگ بیەسێ، ئێرنگه نێەسێ و تێد.

وەحی وه یوحەنا 2:10

له رەنجێگ که ڕوی کیه پێد، ڕخد نەچود. بنوڕ، ئبلیس تواێ بڕێگ لەلێدان بخێده زندان تا ئەزموندان بکێد و ده ڕوژ بەرد کیشێد. وەلێ تا وه مەرگ وەفادار بمێن که مه تاج زنەیی بەخشمه پێد.

وەحی وه یوحەنا 3:8

کردەوەد زانم. بنوڕ، دەر واز کریاێگ له وەر دەم تو نامه که هویچکەسێگ نیەتویەنێ بوەسیدێ. زانم که هێز کەمێگ دێرێ، وەلێ کەڵام مه پارێزانیده و ناو مه حاشا نەکردیده.

وەحی وه یوحەنا 6:10

ئیانه دەنگ بەرز هەڵ هاوردن که: «ئێ خوداوەندێگ که وه هەر چی چشته حاکمی، ئێ قودوس، ئێ که حەقی، تا کەی داوەری نیەکێ و ئنتقام خوین ئیمه له نیشتەجێیل زەوی نیەسینێد؟»

وەحی وه یوحەنا 8:13

جا نوڕسم و شنەفتم هەڵوێگ هەر ئەوجورە که له ‎ناوڕاس ئاسمان باڵەو گرێ، وه دەنگ بەرز هاوار کرد: «وی، وی، وی وه نیشتەجێیل زەوی، چشتێگ نەمنیه دەنگ شەیپورەگان ئەو سێ فریشتەێتریشه هەڵسێد.»