وەحی وه یوحەنا 22:2 - کتاب مقدس به زبان کردی جنوبی - گویش کلهوری

² له ناوڕاس خێاوان شارەگه چیاد. هەرئیجوره له هەر دو لاێ چەمەگه، دار ژیان وەگەرد دوانزه جور میوەگەێەو بی که هەر مانگ میوەگەێ خوەێ دیاد. گڵایل ئەو داره ئەڕا شەفاێ ملەتیل بی.

وەحی وه یوحەنا 22:2 ပူးပေါင်းရင်းမြစ်များ

لوقا 4:18

«روح خوداوەند ها ملمەو، چوینکه من مەسح و دەسنیشان کردێه تا وه دەستەنگیل مزگانی بێەم. کلم کردێه تا ڕزگاری گیرودەیل و بینایی کوریل جار بێەم و ستەم کیشەیلیش ڕزگاریان بکەم و

یەکم پتروس 2:24

مەسیح خوەێ گونایل ئیمه وەناو جەسەێ خوەێ کیشاده بان سەلیب، تا له باوەت گونا بمریم و ئەڕا سالح بوین زنەیی بکێم. ئیوه وه زامیلێ شەفا پەێا کردینه.

وەحی وه یوحەنا 2:7

«هەرکەسێگ گوش دێرێد بشنەفێد که روح خودا وه کلیسایل چه ئویشێد. هەر کەسێگ بوێدەو، وه پێ ئجازەێ خواردن له دار زنەیی بەخشم که ها ناو بەهیشت خودا.

وەحی وه یوحەنا 21:21

دوانزه دەروازەێ شار، دوانزه مرواری بین، یانێ هەر کام له دەروازەێیل له یە مرواری درس بوی و خێاوان شار له تەڵای ناب بی و جور شیشه بریقەێ هاتیاد.

وەحی وه یوحەنا 21:24

ملەتیل وەناو نویر ئەیو ڕێ کەن و پادشایل زەوی، جەڵاڵ خوێان تیەرنه ئەڕا ئەوره.

وەحی وه یوحەنا 22:1

ئەو وەخته فریشتەگه چەم ئاو ژیان نیشانم دا که هەر جور بلور بریقەێ هاتیاد و له تەخت خودا و تەخت وەرکەگه کەفتویه ڕێ و

وەحی وه یوحەنا 22:14

خوەش وه حاڵ ئەوانه که بەتیەگەێ خوێان شورن تا حەق دەس پەێا کردن وه دار ژیان بیاشتوین و تا بتویەنن له دەروازەێیلەو بچنه ناو شار.

وەحی وه یوحەنا 22:19

جا ئەگەر کەسێگ له کەڵام کتاو ئی نەبوەته چشتێگ کەمەو بکێد، خودا ئەوه له دار ژیان و له شار موقەدەس، که له ناو ئی کتاوه له باوەت ئەوانه نویسریاس، بی نسیوی کەێد.