وەحی وه یوحەنا 21:8 - کتاب مقدس به زبان کردی جنوبی - گویش کلهوری

⁸ وەلێ نسیو زاورچیەیل و بی ئیمانیل و قیزهاوەریل و ئایەم کوشیل و خێزیل و جادوکەریل و بتپەرەسیل و گشت دروزنیل، دەریاچەێ گڕان وه ئاگر و گوگرده. ئیه مەرگ دویمه.»

وەحی وه یوحەنا 21:8 ပူးပေါင်းရင်းမြစ်များ

ئنجیل مەتا 10:28

وه کەسیلێگ که جەسه کوشن وەلێ تویەناێ کوشتن گیان نێرن ڕخدان نەچود؛ بەڵکەم وه ئەوه ڕخدان بچود که تویەنێ گیان و جەسه وەیەکەو وەناو جەهەنم نابود بکێ.

ئنجیل مەتا 25:25

جا زاورم چی و چیم، کیسه تەڵاگه وەناو زەوی شاردمێەو. ئا ئیەیشه تەڵاگەد.“

ئنجیل مەتا 8:26

عیسایش وەت: «ئێ کەم ئیمانیل، ئەڕا ئیجوره زاوردان چود؟» ئمجا هەڵساد و تەشەری داده واگه و دەریاچەگه، جا ئاشاسێگ کامڵ ئەوره گرده وەر.

مەرقوس 9:44

جێ که کرمێان نیەمرن و ئاگرەگه نیەکوشرێیدەو.

یوحەنا 8:44

ئیوه وه باوگدان ئبلیس تالوق دێرین و تواین خاستەیل باوگدان وەجێ بارین. ئەوه له سەرەتاوه خوینکەر بی و وەگەرد ڕاسیەو میانەێگ نێرید، چوینکه هویچ ڕاسی وەناوێ نیه. هەر وەخت درو ئویشێ، له زات خوەێ ئویشێ؛ ئەڕا ئیه که دروزنه و باوگ گشت درویله.

دویم تسالونیکییل 2:9

هاتن ئەو بی دینه له ڕێ کار شەیتان، ها گەرد گشت هێز و نیشانەیل و موجزەیل دروەکانی،

یەکم نامەێ تیموتاوس 4:2

دروزنیل و دوڕوییل ئی تالیمیله تیەرن که وژدانێان خاس کار نیەکێ.

تیتوس 1:16

ئەوانه ئویشن خودا ناسیم، وەلێ وەگەرد کردەوەێانەو ئەیو حاشا کەن. ئەوانه قیزهاوەر و ملچەفتەوکەر و نامناسو ئەڕا هەر کار خاسێگن.

عبرانییل 12:24

هاتینەسه ئەڕا لاێ عیسا که ناوجێکەر پەێمانێگ تازەس و هاتینەسه ئەڕا لاێ خوین پاشیاێگ که له خوین هابیل خاستر قسیه کەید.

عبرانییل 13:4

بیلن هاوسەردارێ وەناو گشتیەکی حرمەت بیاشتود و بین ژن و شوی پاک بمینێ، چوینکه خودا خێزیل و داوانپێسیل داوەری کەی.

یەکم یوحەنا 2:22

کی دروزنه؟ بێجگه ئەوه که حاشا کەی که عیسا هەر ئەو مەسیح وادەدریاێەسه؟ ئەوه که باوگ و کوڕ حاشا کەی ”زد مەسیحه“.

یەکم یوحەنا 3:15

هەر کەسێگ قینێ له براێ خوەێ باێ، خوینکەره، ئیوه زانین که زنەیی ئەبەدی وەناو هویچ خوینکەرێگ نیشتەجێ نیه.

یەکم یوحەنا 5:10

ئەوه که ئیمان وه کوڕ خودا بارێ، ئی شاێەتیه وەناو خوەێ دێرێ. ئەوه که ئیمان وه خودا نارێ، خودا وه دروزن داسەقەلەم، چوینکه ئەو شاێەتیه که خودا له باوەت کوڕەگەێ داس، باوەڕ نەکردیه.

وەحی وه یوحەنا 14:10

ئەو کەسیشه له شراو خەزەو خودا نوشید، شراوێ پڕ قەوەت و ناب که وەناو جام خەزەو ئەیو ڕشیاس. ئەو کەسیشه وه لاێ فریشتەیل موقەدەس و وه لاێ وەرکەگه وەگەرد ئاگر و گوگرد، عەزاو دوینید.

وەحی وه یوحەنا 19:20

ئەو گیانەوەر دڕنه وەگەرد ئەو پەێخەمەر دروەکانیه که وه لاێ ئەوه نیشانه و موجزەیل ئاشکرا کردوی، گیر هاتن. پەێخەمەر دروەکانی وەگەرد نیشانه و موجزەیل خوەێ کەسیلێگ گول دا که نیشانەێ ئەو گیانەوەر دڕنه گردوینه وەر و پێکەرەگەێ پەرەسیان. ئەوانه هەردگێان زنی فڕه دریانه ناو دەریاچەێ ئاگرێگ که وه گوگرد گڕانه.

وەحی وه یوحەنا 2:11

«ئەوه که گوش دێرێ بشنەفێد که روح خودا وه کلیسایل چه ئویشێد. هەر کەسێگ بوێدەو، له مەرگ دویم زیانێگ نیەوێد.

وەحی وه یوحەنا 2:2

خەوەر کاریلد دێرم و له زامەت و سەور و بەردەوام بویند ئاگادارم. زانم که نیەتویەنی شەڕئاشویل تاموڵ بکێ، بەڵکەم کەسیلێگیش که خوێان وه ڕەسول زانن وەلێ نین، دایدەسێانه سەر‎نج و فامیده که ئەوانه دروزنن.

وەحی وه یوحەنا 21:27

وەلێ هویچ چشت ناپاک و هویچکەسێگ که کاریل قیزهاوەر یا گولدەر وەجێ بارێ، هەراێهەر نیەچوده ناوێ، بەڵکەم تەنیا کەسیلێگ که ناوێان له دەفتەر ژیان وەرکەگه نویسریاس، چنه ناوێ.

وەحی وه یوحەنا 22:15

گەماڵیل و جادوکەریل و خێزیل و خوینکەریل و بتپەرەسیل و گشت کەسیلێگ که درو دوس دێرن و درو وه جێ تیەرن، له دەیشت مینن.

وەحی وه یوحەنا 9:17

ئەسپیل و سواریلێگ که له رویای خوەم دیم، ئیجوره بین: سینەپوشێگ له وەرێان بی وه رەنگ سویر ئاگر و کەو پڕ رەنگ وه زەردی گوگرد. سەر ئەسپیل هەر جور سەر شێریل مینێستیاد و له دەمیان ئاگر و دویکەڵ و گوگرد هاتیاده دەیشت.

وەحی وه یوحەنا 9:21

ئەوانه له ئایەم کوشییل و جادوکەرییل و خێزییل و دزییل خوێان توبه نەکردن.