وەحی وه یوحەنا 21:23 - کتاب مقدس به زبان کردی جنوبی - گویش کلهوری

²³ شار هەوەجیگ وه خوەر یا مانگ نێرید که وه ملێەو بدرەوشێد چوینکه جەڵاڵ خودا ڕوشنێ کەێد و وەرکەگه چراخ ئەوەسه.

وەحی وه یوحەنا 21:23 ပူးပေါင်းရင်းမြစ်များ

ئنجیل مەتا 16:27

«ئەڕا ئیه که کوڕ ئنسان وەناو جەڵاڵ باوگ ئاسمانی خوەێ وەگەرد فریشتەگانێ تێیدەو، ئەوسا دەسخوەشانەێ هەر کەسێگ وه پێ کردەوێ دەێدەو.

مەرقوس 8:38

چوینکه هەر کەس وەناو ئی نەتەوەێ داوانپێس و گوناکاره له من و قسیەیلم عارێ باێ، کوڕ ئنسانیش وەختێ که وه جەڵاڵ باوگ خوەێ وەگەرد فریشتەیل موقەدەس باێ له لێ عارێ تێی.»

لوقا 2:32

نویریگ ئەڕا ئاشکرا کردن ڕاسی وه باقی قەومیل و جەڵاڵی ئەڕا قەوم تو ئێسرائیل.»

یوحەنا 1:14

کەلیمه بیه ئنسان و وەناومان نیشتەجێ بی. ئیمه جەڵاڵی دیمنه، جەڵاڵیگ شایسەێ ئەو تەنیا کوڕه که له لاێ باوگ ئاسمانی هاتوی. پڕ له فیز و ڕاسی.

یوحەنا 1:18

هەراێهەر کەسێگ خودا نیه. وەلێ ئەو تەنیا کوڕه که ها لاێ باوگ ئاسمانی، ئەیو ناسانێه‎.

یوحەنا 1:4

وەناو ئەیو ژیان بی و ئەو ژیانه نویر ئایەمیل بی.

یوحەنا 1:9

ئەو نویر ڕاسەکانیه که وه گشت کەسێگ نویر دەید، هاتیاده جهان.

یوحەنا 17:24

باوگه، توام ئەوانه که دایدەسه پێم له هەر کوره بوم وەگەردمەو بون، تا جەڵاڵ مه بوینن، هەر ئەو جەڵاڵێگ که دایدەسه پێم؛ چوینکه وەرجه دامەزرانن جهان دوسم داشتی.

یوحەنا 5:23

تا گشت حرمەت کوڕ بگرن، هەر ئەوجورە که حرمەت باوگ گرن. هەر کەس حرمەت کوڕ نیەگرێ، حرمەت باوگیشێ نیەگرێ که کلی کردێه.

کاریل ڕەسولەیل 22:11

وەبونەێ درەوشیان ئەو نویره، نیەتویەنستیام بوینم. جا هاوڕێیلم دەسم گردن و بردنەمه ئەڕا دەمشق.

وەحی وه یوحەنا 14:4

ئیانه هەر ئەو کەسیلنه که خوێان وەگەرد ژنيل ناپاکەو نەکردنه، چوینکه ئی پیاێله ئازەون. وەرک ئەڕا هەر شونێگ بچود، ئیانه هانه شونیەو. ئیانه ڕزگاریان له بین ئایەمیزاێ سەنریاس، هەر جور نەوبەر ئەڕا خودا و ئەڕا وەرکەگه.

وەحی وه یوحەنا 18:1

وەشون ئیه، یە فریشتەتر دیم که له ئاسمانەو هاتیاده خوار و دەسڵات فره گەوراێگ داشت و زەوی له جەڵاڵ ئەوه نویرانیەو بی.

وەحی وه یوحەنا 21:11

ئی شاره جەڵاڵ خودا داشت و دروشیانێ جور جەوایر نایابی بی، هەر جور یەشم بی و جور بلور بریقەێ هاتیاد.

وەحی وه یوحەنا 21:25

دەروازەێیل ئەوه هەراێهەر له ڕوژ نیەوەسیەد، چوینکه له ئەوره هەر شەو نیه.

وەحی وه یوحەنا 22:5

دیتر شەو نیه و ئەوانه وه نویر چراخ یا خوەر هەوەجی نێرن، چوینکه خوداوەند خودا بوده نویر ئەوانه و ئەوانه تا ئەبەد و تا ئەبەد سەڵتەنەت کەن.

وەحی وه یوحەنا 5:6

له ناوڕاس تەختەگه و ئەو چوار گیانەوەر زنی و له ناوڕاس پیریل، وەرکێگ دیم وساوی، چمانێگ سەری بڕیاوید، هەفت گله شاخ داشت و هەفت گله چەو که هەفت روح خوەدان که کل کریاسه بان گشت زەوی.

وەحی وه یوحەنا 7:17

چوینکه وەرکەگه له ناوڕاس تەختەگه بوده شوان ئەوانه و ئەوانه وەرەو کیەنییل ئاو زنەیی دەر ڕێنماییان کەێد. و خودا هەر ئەسرێگ له چەویان پاکەو کەێد.»