وەحی وه یوحەنا 20:4 - کتاب مقدس به زبان کردی جنوبی - گویش کلهوری

⁴ جا تەختیلێگ دیم که له بان ئەوانه کەسیلێگ دانیشتوین که دەسڵات داوەری دریاویه پێان. هەر ئیجوره گیانیل کەسیلێگ دیم که سەریان له ڕێ شاێەتی وه عیسا و له ڕێ کەڵام خودا، له جەسەیان جیاوه‎ بوی. ئیانه ئەو گیانەوەر دڕنه یا پێکەرەگەێ پەرەسش نەکردوین و نیشانەێ ئەوه وه بان تەخت تێوڵ یا وه بان دەسیلێان نەگردوینه وەر. ئیانه وه دواره زنیەو بین و وەگەرد مەسیح هەزار ساڵ سەڵتەنەت کردن.

وەحی وه یوحەنا 20:4 ပူးပေါင်းရင်းမြစ်များ

ئنجیل مەتا 19:28

عیسا وەپێان وەت: «وه ڕاسی، وەپێدان ئویشم، وه دنیاێ تازه، وەختێ که کوڕ ئنسان وه سەر تەخت جەڵاڵ خوەێ دانیشێ، ئیوەیش که وەشونمەو هاتینه، دانیشینه سەر دوانزه تەخت و وه دوانزه هوز ئێسرائیل داوەری کین.

ئنجیل مەتا 24:10

وه ئەو وەخته قێر فرەێگ وه ئیمانێان هەڵوگەردیەن، وه یەکترەکی خێانەت کەن و قینێان له یەکترەکی تێ.

مەرقوس 6:16

وەلێ وەختێ هیرودیس ئیه شنەفت، وەت: «ئیه هەر ئەو یەحیاسه که سەرێ بڕیمه، ئەوه زنیەو بیه!»

مەرقوس 6:27

جا پادشا زویزی میرخەزەوێگ کل کرد و فەرمان دا سەر یەحیا ئەڕاێ بارێ. میرخەزەوەگه چیه ناو زندان سەری بڕێ و

مەرقوس 9:11

ئمجا له عیسا پرسین: «ئەڕا ماموستایل تەورات ئویشن یەکم جار باێه ئەلیاس باێ؟»

لوقا 1:17

یەحیا وه روح خودا و هێز ئەلیاس پەێخەمەر، وەرجه خوداوەند تێی تا دڵ باوگیل وەرەو لاێ مناڵیل بکیشێ و ملچەفتەوکەریل وەرەو لاێ زانیاری سالحانیل هەڵوگەردنێ، تا قەومێگ گورج ئەڕا خوداوەند درس بکێ.»

لوقا 14:14

که بەختەوەر بویدن؛ چوینکه ئەوانه چشتێ نێرن ئەوەزی وەپێد بیەنەو. ئمجا تو پاداشد ئەو وەخته که ئایەمیل سالح زنیەو بون، گرید.»

لوقا 22:30

تا وه سەر سفرەێ من وەناو پادشایی من بخوین و بنوشن و وه سەر تەختیل بنیشن و وه دوانزه هوز ئێسرائیل داوەری بکێن.

یوحەنا 14:19

کەمێگ تر جهان دیتر مه نیوینێ، وەلێ ئیوه دوینینەم. چوینکه مه زنیم، ئیوەیش زنەیی کین.

رومیەگان 11:15

چوینکه ئەگەر ڕەد بوین ئەوانه وه ماناێ ئاشتی جهان وەگەرد خوداس، قەبوڵ بوینیان چ ماناێگ دێرێ، بێجگه زنیەو بوین له مردگیل؟

رومیەگان 8:17

ئەگەر ڕوڵەیلیم، جا میراتی خوەریش هیمن، یانێ میراتی خوەریل خودا و هاومیراتی مەسیح. وه ئی مەرجه که ئیمه وەگەرد ئەیو عەزاو بکیشیم تا ئیمەیش وەگەردیەو جەڵاڵ پەێا بکێم.

دویم تیموتاوس 2:12

ئەگەر تاموڵ بکێم، وەگەرد ئەیو سەڵتەنەتیش کەیمن. ئەگەر حاشاێ بکێم، ئەیویش حاشامان کەید.

وەحی وه یوحەنا 1:2

یوحەنا وه هەر چێ دی، یانێ وه کەڵام خودا و شاێەتی عیسا مەسیح، شاێەتی دا.

وەحی وه یوحەنا 1:9

مه یوحەنا، براێ ئیوه، که له ناو بەرد و له ناو پادشاێ و له ناو سەور و بەردەوام بوینی که وه ناو عیسا هن ئیمەس، وەگەردانەو‎و هاوبەشم، وه بونەێ کەڵام خودا و شاێەتی عیسا، وه جەزیرەێگ وه ناو پاتموس بیم.

وەحی وه یوحەنا 11:11

وەلێ له شون سێ ڕوژ و کوتێگ، روح زنەیی له لاێ خوداوه چیه ناو گیانێان و ئەوانه هەڵسانه سەر پاوه. ترس فره گەوراێگ کەفته مل کەسیلێگ که ئەوانه دین.

وەحی وه یوحەنا 11:15

ئمجا فریشتەێ هەفتم شیپورەگەێ هاورده دەنگ؛ له ناکاوەو دەنگیل بەرزێگ پێچیاده ناو ئاسمان که وەتیا: «حوکومەت جهان، بیەسه هن خوداوەند ئیمه و مەسیح ئەیو. جا ئەیو تا ئەبەد و تا ئەبەد حوکم کەێد.»

وەحی وه یوحەنا 11:3

جا مه وه دو گله شاێەت خوەم دەسڵات دەم و ئەوانه جل و پەڵاس کەنه وەر و هەزار و دویس و شەس ڕوژ نەبوەت کەن.»

وەحی وه یوحەنا 11:7

وەختێ ئەوانه شاێەتی خوێان وه ئاخر رەسانن، ئەو گیانەوەر دڕنه که له چاێ هاویه تێدە دەیشت، وەگەردێانەو کەێدەێ جەنگ و وه مل ئەوانه زاڵەو بود و کوشێدیان.

وەحی وه یوحەنا 12:11

ئەوانه وەگەرد خوین وەرکەگه و وەگەرد کەڵام شاێەتی خوێان له ئەوه بردنەسەو. چوینکه گیان خوێان عەزیز نەزانستنه، تەنانەت تا وه قێ مردن.

وەحی وه یوحەنا 14:11

جا دویکەڵ عەزاو ئەوانه تا ئەبەد و تا ئەبەد چوده بان. ئەڕا ئەوانه که ئەو گیانەوەر دڕنه و پێکەرەگەێ پەرەسن و ئەڕا هەر کەسێگ که نیشان ناوێ وەرگرێ، نه ڕوژ و نه شەو ئارامی نیه.»

وەحی وه یوحەنا 15:2

جا چشتێگ دیم که مینستیاده دەریاێگ له شیشه که هامیته وه ئاگر بی، هەرئیجوره له لاێ دەریاێگ له شیشه کەسیلێگ وه سەر پاوەو دیم که وه مل گیانەوەر دڕنه و پێکەرەگەێ و ژمارەێ ناوێ زاڵەو بوین. ئیانه چەنگیلێگ له دەسێانەو بی که خودا داویدەێ پێان.

وەحی وه یوحەنا 17:8

ئەو گیانەوەر دڕنه که دیده، زەمانێگ بیەسێ‎، ئێرنگه نێەسێ، وه ئی زویه له چاێ هاویه دەر تێد و وەرەو نابودی چود. له نیشتەجێیل زەوی ئەوانه که ناوێان له وەخت دامەزرانن جهان له ناو دەفتەر زنەیی نەنویسریاس، وەختێ ئەو گیانەوەر دڕنه دوینن، سەریان سڕ مینێد، چوینکه زەمانێگ بیەسێ، ئێرنگه نێەسێ و تێد.

وەحی وه یوحەنا 2:26

«هەر کەسێگ بوێدەو و کاریل مه تا وه ئاخره بپارێزنێ، له سەر ملەتیل وه پێ دەسڵات بەخشم،

وەحی وه یوحەنا 20:6

بمارک و موقەدەسه، کەسێگ که له یەکمین زنیەو بوین مردگیل، بەشداره. مەرگ دویم وه مل ئیجور کەسیلێگ هویچ هێزێگ نێرید بەڵکەم ئەوانه بونه کاهنيل خودا و مەسیح و وەگەرد ئەیو هەزار ساڵ سەڵتەنەت کەن.

وەحی وه یوحەنا 22:5

دیتر شەو نیه و ئەوانه وه نویر چراخ یا خوەر هەوەجی نێرن، چوینکه خوداوەند خودا بوده نویر ئەوانه و ئەوانه تا ئەبەد و تا ئەبەد سەڵتەنەت کەن.

وەحی وه یوحەنا 3:21

«هەر کەسێگ بوێدەو، وەپێ ئجازەێ دانيشتن وەگەردمەو وه مل تەختەگەێ خوەم بەخشم، هەر ئەوجورە که مه بردمەو وەگەرد باوگم وه مل تەختەگەێ دانیشتم.

وەحی وه یوحەنا 4:4

دەورادەور تەختەگه، بیس و چوار تەخت تریش بی که له بان ئەوانه بیس و چوار پیر دانیشتوین. ئەوانه دڵنگ چەرمگ له وەرێان و تاج تەڵا له بان سەریان بی.

وەحی وه یوحەنا 6:9

وەختێ وەرکەرگه مور پەنجمەگه واز کرد، له ژێر قوروانگا، گیانیل کەسیلێگ دیم که له ڕێ کەڵام خودا و شاێەتیێگ که داوین، کوشریاوین.

وەحی وه یوحەنا 7:3

وەته پێان: «وەرجه ئەوه که تەخت تێوڵ خزمەتکاریل خودامان مور بکێم، وه زەوی یا دەریا یا داریل زەرەر نەرەسنین.»