وەحی وه یوحەنا 20:2 - کتاب مقدس به زبان کردی جنوبی - گویش کلهوری

² ئەوه، ئەژدەها، ئەو مار جارانه که هەر ئەو ئبلیس و شەیتانەسه، گرد و ئەڕا هەزار ساڵ گیرودەێ کرد و

وەحی وه یوحەنا 20:2 ပူးပေါင်းရင်းမြစ်များ

ئنجیل مەتا 19:29

هەر کەیش وەبونەێ ناو مه ماڵ یا برا یا خویشک یا داڵگ یا باوگ یا مناڵ یا ماڵ موڵک خوەێ بیلیده جێ، سەد ئەوقره پەێا کەی و زنەیی ئەبەدی وه میراتی بی.

ئنجیل مەتا 8:29

ئەوانه کردنێ هاوار: «ئێ کوڕ خودا، تو چ کارێ وه ئیمه دێرێ؟ هاتێەسه ئێره تا وەرجه وەختەگەێ عەزاومان بێی؟»

مەرقوس 4:15

بڕێگ مەردم جور تویەمیل لیوەێ ڕێن، ئەوره که کەڵام پەخشەو بود؛ هەر ئیه که کەڵام شنەفن، شەیتان تێ و کەڵامێ که وەناو دڵیان کاڵیاس، دزید.

مەرقوس 5:7

جا وه دەنگ بەرز هاوار کرد: «ئێ عیسا، کوڕ خوداێ هەربەرز، تو چ کارێ وه مه دێرێ؟ قەسەمد دەمه خودا عەزاوم نێد!»

یوحەنا 12:31

ئێرنگه وەخت داوەری ئی جهانەسه؛ ئێرنگه سەروک ئی جهانه دەر کریەد.

یوحەنا 16:11

له باوەت داوەری، چوینکه سەروک ئی جهانه ماکوم کریاس.

رومیەگان 16:20

خوداێ ئاشتی و سڵامەتی وه ئی زوی شەیتان وه ژێر پایلدان تلنێد. فیز خوداوەندمان عیسا مەسیح وەگەرددانەو بود.

عبرانییل 2:14

جا چوینکه مناڵیل وەناو خوین گوشت بەشدارن، هەر ئیجوره ئەیویش خوەێ وەناو ئی چشتیله بەشدارەو بی تا له ڕێ مەرگ، خاون هێز مەرگ یانێ ئبلیس له بین بوێد و

یەکم پتروس 5:8

جا هوشیار بوین، هوشدان بود. دشمەندان ئبلیس هەر جور شێرێگ که قیڕنێد و خڕ خوێد وەشون کەسێگ گەردێد تا قویرتی بێید.

دویم پتروس 2:4

چوینکه ئەگەر وەختێ فریشتەیل گونا کردن، بەزەیی خودا ناته پێانا، بەڵکەم ئیانه خسته سیەچاڵ جەهەنم و ئەوانه وه زنجیریل تیەریکی و زولەمات زندانی کرد تا ئەڕا ڕوژ داوەری بنریەنەلا؛

یەهودا 1:6

ئەیو فریشتەیلێگیش که وه جیگەێ دەسڵات خوێان نەمەنن، بەڵکەم نیشتەجیەگەێ خوێان هیشتنه جێ، وه زنجیریل ئەبەدی کیشاس و تا وەخت دادگایی له ئەو ڕوژ فره گەورا، له ناو تیەریکی و زولەمات گیر داس.

وەحی وه یوحەنا 12:13

وەختێ ئەژدەها دی که کەفتیەسه بان زەوی، کەفته شون ئەو ژنه که ئەو مناڵ کوڕه زاوید.

وەحی وه یوحەنا 12:15

مارەگه وه شون ئەو ژنه له دەم خوەێ ئاوێگ هەر جور چەم خسته ڕێ تا لافاو ئەو ژنه وەگەرد خوێەو بوێد.

وەحی وه یوحەنا 12:17

ئمجا ئەژدەها وه مل ژنەگه توڕه بی و چی تا وەگەرد ئەو باقی نەتەوەگەێ بجەنگێ؛ یانێ وەگەرد ئەوانه که حوکمیل خودا وه جێ تیەرن و شاێەتی عیسا پارێزنن.

وەحی وه یوحەنا 12:3

ئمجا نیشانەیگ تر له ناو ئاسمانەو دیار دا: بنوڕ، ئەژدەهاێگ سویرەتاوه و فره گەورا که هەفت گله سەر داشت و ده گله شاخ و هەفت گله تاج له بان سەرەگانی بی.

وەحی وه یوحەنا 12:4

دمێ سێ کوتی هەسارەیل ئاسمان گزێ دا و ڕشانی مل زەویا. ئەژدەها له وەر دەم ئەو ژنه که نزیک زاینی بی وساد، وه ئی مەبەسته تا که مناڵەگەێ باێه دنیا، قویرتی بێید.

وەحی وه یوحەنا 12:9

ئەژدەهاێ گەورا فڕه دریاده خوار، هەر ئەو مار جارانه که ئبلیس و شەیتان ناویه و گشت جهان فریو دێ. ئەوه و فریشتەیلێ فڕه دریانه بان زەوی.

وەحی وه یوحەنا 13:2

ئەو گیانەوەر دڕنه که مه دیم مینستیاده پەڵەنگێگ، پایلێگ جور پاێ خرس داشت و دەمێ جور دەم شیر. ئەژدەها هێز خوەێ و تەخت خوەێ و دەسڵات فره گەوراێگ داده ئەو گیانەوەر دڕنه.

وەحی وه یوحەنا 13:4

ئایەمیل ئەژدەهاگە پەرەسیان چوینکه وه ئەو گیانەوەر دڕنه دەسڵات خوەێ بەخشاوید. هەر ئیجوره ئەو گیانەوەر دڕنەیشه پەرەسیان و پرسیان: «کیه که بوده جور ئی گیانەوەر دڕنه؟ کیه که بتویەنێ وەگەردیەو بجەنگێ؟»

وەحی وه یوحەنا 20:10

جا ئبلیس، که ئەوانه گول داوید، فڕه دریاده ناو دەریاچەێ ئاگر و گوگرد، شونێگ که ئەو گیانەوەر دڕنه و پەێخەمەر دروەکانیه فڕه دریاوین. ئیانه ڕوژ و شەو تا ئەبەد و تا ئەبەد عەزاو کیشن.

وەحی وه یوحەنا 20:7

ئەو وەخته که ئەو هەزار ساڵه باێده سەر، شەیتان له زندان خوەێ ڕزگار کریەد و

وەحی وه یوحەنا 9:11

پادشاگەێان فریشتەێ چاێ هاویه بی که ناوێ وه زوان عبرانییل ’ئەبەدون‘ وه زوان یونانی ’ئاپولیون‘ یانێ خاپورکەره.