وەحی وه یوحەنا 20:12 - کتاب مقدس به زبان کردی جنوبی - گویش کلهوری

¹² جا مردگیل دیم، چ زرو و چ وردو، که له وەر دەم تەختەگه وساوین و دەفتەریل واز بی. ئمجا دەفتەرێگ تر واز بی که دەفتەر ژیانه. مردگیل وه پێ کردەوەیلێان، وه ڕوی ئەو چشته که وەناو ئەو دەفتەریله نویسریاوی، داوەری بین.

وەحی وه یوحەنا 20:12 ပူးပေါင်းရင်းမြစ်များ

ئنجیل مەتا 11:22

وەلێ ئویشمه پێدان که وه ڕوژ داوەری، تاموڵ موجازات ئەڕا شاریل سور و سیدون ئاسانترە تا ئەڕا ئیوه.

ئنجیل مەتا 16:27

«ئەڕا ئیه که کوڕ ئنسان وەناو جەڵاڵ باوگ ئاسمانی خوەێ وەگەرد فریشتەگانێ تێیدەو، ئەوسا دەسخوەشانەێ هەر کەسێگ وه پێ کردەوێ دەێدەو.

لوقا 10:20

وەلێ له ئیه شادمانەو نەون که روحیل له لێدان گوش تەکنن بەڵکەم شادی ئیوه وه ئیه بود که ناودان له ئاسمان نویسریاس.»

کاریل ڕەسولەیل 24:15

منیش هەر جور ئی پیاێله ئمید وه خودا دێرم که هەم ئایەمیل سالحان و هەم ئایەمیل ستەمکەر له مردگیل زنیەو بون.

رومیەگان 2:6

خودا «سزاێ هەر کەس وه پێ کردەوەێ دەێده پێ.»

یەکم قورنتییل 4:5

جا له باوەت هویچ چشتێگ وەرجه هاتن خوداوەند داوەری مەکەن. خوداوەندێگ که چشتیلی که ئێرنگه وەناو تیەریکی شاریاسەو، وەناو ڕوشنایی ئاشکرا کێ و نیەتیل دڵ ئاشکرا کێ. ئەوسا هەرکەس له لاێ خوداوه هان دریەد و تاریف کریەید.

دویم قورنتییل 5:10

چوینکه گشتمان باێه لەنواێ تەخت داوەری مەسیح بوسیم، تا هەر کەس وه پێ کردەوێ که وەناو جەسەێ کردێه، چ خاس بود چ خراو، سزاێ بوینی.

نامەێ فیلیپییل 4:3

ئەرێ، له تنیش ئێ هاوکار ڕاسەکانی، له لێد توام که ئی دوگله ژنه مەیەت بێید، چوینکه وەگەرد ئەکلیمنتوس و ئەو باقی هاوکارەگانم که ناوێان وەناو دەفتەر زنەیی نویسریاس، شان وه شان مه ئەڕا کار ئینجیل زامەت کیشانه.

وەحی وه یوحەنا 11:18

ملەتیل توڕه بین، وەلێ وەخت توڕه بوین تو ڕەسیه، وەخت ئەوه ڕەسیه که مردگیل داوەری بون و دەسخوەشانه بێرێیده خزمەتکاریل توی یانێ وه پەێخەمەریل و ئیمانداریل وه مەسیح و ئەوانه که له ناو تو رخێان چود و حرمەت ناو توی پارێزنن، له ورد و له زرو، وەخت ئەوه ڕەسیه کەسیلێگ که زەوی له بین بەن، له بین بچن.»

وەحی وه یوحەنا 13:8

گشت نیشتەجێیل زەوی ئەو گیانەوەر دڕنه پەرەسن، یانێ گشت کەسیلێگ که ناوێان له دامەزرانن جهان لەناو دەفتەر زنەیی نەنویسریاس که هن ئەیو وەرک سەر بڕیاێەسه.

وەحی وه یوحەنا 17:8

ئەو گیانەوەر دڕنه که دیده، زەمانێگ بیەسێ‎، ئێرنگه نێەسێ، وه ئی زویه له چاێ هاویه دەر تێد و وەرەو نابودی چود. له نیشتەجێیل زەوی ئەوانه که ناوێان له وەخت دامەزرانن جهان له ناو دەفتەر زنەیی نەنویسریاس، وەختێ ئەو گیانەوەر دڕنه دوینن، سەریان سڕ مینێد، چوینکه زەمانێگ بیەسێ، ئێرنگه نێەسێ و تێد.

وەحی وه یوحەنا 19:5

ئمجا دەنگێگ له تەختەگه دەر هات که وەتیا: «خوداێ ئیمه ستایش بکەن، ئێ ئیوه، گشت خزمەتکاریل ئەیو، ئێ ئیوه، که له لێ زاوردان چود، له ورد و له زرو!»

وەحی وه یوحەنا 2:23

جا مناڵیلی کوشم. ئەو وەخته گشت کلیسایل زانن من هەر ئەوەمه که فکر و دڵ گەردم و وه هەر کامدان وه پێ کاریلێ سزا دەم.

وەحی وه یوحەنا 20:11

ئمجا تەخت گەورا و چەرمگیگ دیم و کەسێگ که له بانی دانيشتوی. زەوی و ئاسمان له لاێ ئەیو دەرچین و شونێگ ئەڕا ئەوانه پەێا نوی.

وەحی وه یوحەنا 20:13

دەریا مردگیلێگ که وەناوێ بی، دادەوه؛ مەرگ و جهان مردگیل، مردگیلی که وەناوێان بی، دانەوه، هەر کامێان وه پێ کردەوێ که وەجێ هاوردوی، داوەری بی.

وەحی وه یوحەنا 20:15

جا هەر کەسێگ که ناوێ له دەفتەر ژیان نەنویسریاوی، فڕه دریاده ناو دەریاچەێ ئاگر.

وەحی وه یوحەنا 21:27

وەلێ هویچ چشت ناپاک و هویچکەسێگ که کاریل قیزهاوەر یا گولدەر وەجێ بارێ، هەراێهەر نیەچوده ناوێ، بەڵکەم تەنیا کەسیلێگ که ناوێان له دەفتەر ژیان وەرکەگه نویسریاس، چنه ناوێ.

وەحی وه یوحەنا 22:12

«بنوڕ، و ئی زویه تیەم و دەسخوەشانەێ من ها گەردمەو تا وه هەر کەس وه پێ کارێ که کردێه له جێ بيەمه پێ.

وەحی وه یوحەنا 3:5

هەر کەسێگ که بوێدەو، ئیجوره وه دڵنگێگ چەرمێگ ڕەژێیدەو جا ناوێ هەراێهەر له دەفتەر زنەیی پاکەو نیەکەم، بەڵکەم ناوێ وه لاێ باوگم و فریشتەیلێ وه زوان تیەرم.