وەحی وه یوحەنا 2:25 - کتاب مقدس به زبان کردی جنوبی - گویش کلهوری

²⁵ تەنیا ئەو چشته که دێرین قورس بگرن تا وەختێگ مه بام.

وەحی وه یوحەنا 2:25 ပူးပေါင်းရင်းမြစ်များ

یوحەنا 14:3

ئمجا که چیم و شونێگ ئەڕادان گورجەو کردم، وەدواره تیەمەو بەمەدانه ئەڕا لاێ خوەم، تا ئەو شونه که مه هەم ئیوەیش بوین.

کاریل ڕەسولەیل 11:28

یەکی له ئەوانه که ناوێ ئاگابوس بی، هەڵساد و وه ڕێنمایی روح‌القودوس پێشگویی کرد که قاتوقڕی سەختێگ سەرئانسەر جهان گرێده وەر. ئی قاتوقڕیه وه دەوران حوکومەت کلودیوس هەڵکەفت.

رومیەگان 12:9

مابەت باێه دویر له دوڕویی بود. له شەڕئاشویی قیندان باێ و قورس بلچکێینه ئەو چشته که خاسه.

یەکم قورنتییل 11:26

ئەڕا ئیه که هەر وەخت ئی نانه بخوەین و ئی جامه بنوشین، مردن خوداوەند جار دین تا وەختێگ که باێدەو.

یەکم قورنتییل 4:5

جا له باوەت هویچ چشتێگ وەرجه هاتن خوداوەند داوەری مەکەن. خوداوەندێگ که چشتیلی که ئێرنگه وەناو تیەریکی شاریاسەو، وەناو ڕوشنایی ئاشکرا کێ و نیەتیل دڵ ئاشکرا کێ. ئەوسا هەرکەس له لاێ خوداوه هان دریەد و تاریف کریەید.

یەکم تسالونیکییل 5:21

بەڵکەم گشت چشتێگ ئەزمون بکێن؛ قورس بلچکێینه ئەو چشته که خاسه.

عبرانییل 10:23

باین تا بی ئەوه که شک بکێم، قورس بلچکیێمنه ئمیدێگ که ئێقراره پێ کیم، چوینکه وادەدەرەگه ئەمینە.

عبرانییل 3:6

وەلێ مەسیح، له جیگەێ یەێ کوڕ، ساێو ئختیار وه سەر ماڵ خودا، ئەمینە. ماڵەگەێ ئەیو ئیمەیم، ئەگەر وه ڕاسی قورس بلچکیێمنه دڵنیایمان و شانازیمان که وه ئمیدمان دێریم.

عبرانییل 4:14

جا چوینکه کاهن گەوراێ پایەبەرزێگ دێریم که له ئاسمانیل گوزیشتێه، یانێ عیسا کوڕ خودا، باین تاگه ئێقرارەگەێ خوەمان قورس بپارێزنیم.

دویم پتروس 3:10

وەلێ ڕوژ هاتنەوەێ خوداوەند عیسا جور دز تێ و ئمجا ئاسمانیل وەگەرد قیڕەێ خراوێگ له بین چن و ئەجرام ئاسمانی سزیەن و تویچیەن، زەوی و گشت کاریلێگ که له بانێ کریاس، دیار دەێد.

وەحی وه یوحەنا 1:7

بنوڕن ئەیو وەگەرد هەوریلەو تێید، و هەر چەوێگ دوینێدێ، تەنانەت چەو ئەوانه که سنان دانەلێ؛ و گشت هوزیل زەوی وه بونەێ ئازیەتباری کەن. بەڵێ ئیجوره بود. ئامین.

وەحی وه یوحەنا 22:20

ئەیو که وه ئی چشتیله شاێەتی دێ، ئویشێد: «دڵنیا به و ئی زویه تیەم.» ئامین. بەو، ئێ خوداوەند عیسا!

وەحی وه یوحەنا 22:7

«بنوڕ، وه ئی زویه تیەم! خوەش وه حاڵ کەسێگ که کەڵام نەبوەت ئی کتاوه پارێزنێد.»

وەحی وه یوحەنا 3:11

«و ئی زویه تیەم. ئەو چشته که ديری، قورس بگرێ تا کەسێگ تاجەگەد له لێد نەسنێ.

وەحی وه یوحەنا 3:3

جا ئەو چشته که گردیده و شنەفتیدە، باره هویرد؛ ئەوه بپارێزن و توبه بکه. ئەگەر له خەو هەڵنەڵسێد، جور دزێگ تیەم و نیەزانێد چ ساتێگ تیەمه ئەڕاد.