وەحی وه یوحەنا 2:18 - کتاب مقدس به زبان کردی جنوبی - گویش کلهوری

¹⁸ «وه فریشتەێ کلیساێ شار تیاتیرا بنویس: «کوڕ خودا که چەویلی جور بلیزەێ ئاگره و پایلێ جور برنجەێگه که تاویاسەو، ئیجوره فەرمایش کەێد:

وەحی وه یوحەنا 2:18 ပူးပေါင်းရင်းမြစ်များ

ئنجیل مەتا 17:5

هێمراێ پتروس داشت قسیه کردیا که لەناکاوا هەوریگ درەوشیاێ ساێەڕ خسته ملێان و دەنگێگ وەناو هەورگەوه هات که: «ئیەسه کوڕه عەزیزەگەم که له لێ فره خوەشنودم، گوش بێەنه لێ.»

ئنجیل مەتا 27:54

وەختێ فەرماندەێ سەربازەگان و ئایەمەگانێ که نگابانی عیسا دیان، زەویه لەرزه و ئەو چشتیله که هەڵکەفت دین، فره رخێان چی، وەتن: «وه ڕاسی ئیه کوڕ خودا بی.»

ئنجیل مەتا 3:17

ئمجا دەنگێگ وه ئاسمان هات که: «ئیه کوڕه عەزیزەگەمه که فره له لێ خوەشنودم.»

لوقا 1:35

فریشته جواو دا: «روح‌القودوس تێیده سەرد و هێز خوداێ هەربەرز بوده ساێەڕ بان سەرد. وه ئی بونه، ئەو مناڵه که تێیده دنیا، موقەدەس و کوڕ خوداوەند وەپێ ئویشن.

یوحەنا 1:14

کەلیمه بیه ئنسان و وەناومان نیشتەجێ بی. ئیمه جەڵاڵی دیمنه، جەڵاڵیگ شایسەێ ئەو تەنیا کوڕه که له لاێ باوگ ئاسمانی هاتوی. پڕ له فیز و ڕاسی.

یوحەنا 1:49

نەتەنائیل جواوی دا: «ماموستا، تو کوڕ خودای! تو پادشاێ ئێسرائیلی!»

یوحەنا 10:36

جا چوینه مه که باوگ ئاسمانی تەقدیسم کرد و کل کرده ئی جهانه، ئویشین ”کفر کەی،“ وەبونەێ ئیه که وەتم مه ”کوڕ خودام“؟

یوحەنا 3:16

«چوینکه خودا جهان ئەوقره مابەت کرد که تەنیا کوڕەگەێ خوەێ دا تا هەر کەس وەپێ ئیمان بارێ نابود نود، بەڵکەم زنەیی ئەبەدی بیاشتوێد.

یوحەنا 3:18

هەر کەس وەپێ ئیمان بارێ ماکوم نیود، وەلێ هەر کەس وەپێ ئیمان نارێ، هەر ئێرنگەیش ماکومه، چوینکه وه ناو تەنیا کوڕ خودا ئیمان ناوردیه.

یوحەنا 5:25

وه ڕاسی، وه ڕاسی، وەپێدان ئویشم، زەمانێگ رەسێ، بەڵکەم هەر ئیسەسه که مردگیل دەنگ کوڕ خودا شنەفن و کەسیلێگیش که شنەفن، زنیەو بون.

کاریل ڕەسولەیل 16:14

یەکی له ئەوانه که گوش دیاد، ژنێگ خوداپەرەس وه ناو لیدیه له مەردم شار تیاتیرا بی و پارچەیل گران قیمەت ئەرخەوانی فروتیاد. خوداوەند دڵی واز کرد تا سەرنج بێیده قسیەیل پولوس.

کاریل ڕەسولەیل 8:36

وەختێ وەناو ڕێ بین، ڕەسینه سەر ئاوێگ. خەزانەدارەگه وەت: «بنوڕ، ها ئیەیشه ئاو، چ چشتێ نوای تەعمید مه گری؟»

رومیەگان 1:4

وەگەرد زنیەو بوینی له ناو مردگیل، وه پێ روح قودوسیەت، وەناو هێز، جار دریاد که کوڕ خوداس، یانێ خوداوەندمان عیسا مەسیح.

رومیەگان 8:32

ئێ خوداێگ که کوڕەگەێ خوەێ دریخ نەکرد، بەڵکەم ئەیو له ڕێ گشتمان داده دەسەو، ئێ وەگەردیشێەو گشت چشتێگ وه دەس دڵوازای نيەوەخشێده پێمان؟

وەحی وه یوحەنا 1:11

که وەتیا: «ئەو چشتێ که دوينی له ناو کتاوێگ بنویس و کل بکه ئەڕا هەفت کلیسا یانێ کلیسایل: ئەفسوس، ئسمیرنا، پرگاموم، تیاتیرا، ساردس، فیلادلفیه و لائودیکیه.»

وەحی وه یوحەنا 2:1

«وه فریشتەێ کلیساێ شار ئەفسوس بنویس: «ئەیو که هەفت هەساره ها دەس ڕاسی و له ناوڕاس هەفت چراخدان تەڵا ڕێ کەێد، ئیجوره ئویشێد:

وەحی وه یوحەنا 2:24

وەلێ وه ئەو باقیدان وه ناو تیاتیرا که نەکەفتینەسه شون ئی تالیمەو هەرئیجوره ئەو چشته یاێ نەگردینه که بڕێگ وەپێ ئویشن ’رازیل قویل شەیتان‘، وەپێدان ئویشم که وه ملدانەو بارێگ فرەتر له ئەوه که ها بان کوڵدانەو، نیەیلم.