وەحی وه یوحەنا 2:14 - کتاب مقدس به زبان کردی جنوبی - گویش کلهوری

¹⁴ «وەلێ، یەک دو هەڵه وه پێد دێرم. له ئەوره کەسیلێگ ديری که کەفتنەسه شون تالیم بەلعام؛ هەر ئەوه که وه باڵاق یاێ دا که کوچگیگ بخیده نوای پاێ بەنیئیسرائیل که بایس کەفتنێان بود، تا له خواردەمەنی پیشکەشی وه بتیل بخوەن و دەس بێەنه خیزی.

وەحی وه یوحەنا 2:14 ပူးပေါင်းရင်းမြစ်များ

ئنجیل مەتا 18:7

وای وه حاڵ ئی جهانه وەبونەێ خەڵەتیانیلێگ که ئایەمیل تویش گونا کەن، چوینکه هاتن خەڵەتیانیل باێه بود، وەلێ وای وه حاڵ ئەو کەسه که خەڵەتانن له ڕێ ئەوه تێد!

کاریل ڕەسولەیل 15:29

خوەدان له هەر چشتێگ که ئەڕا بتیل پیشکەش کریاس و خوین و گوشت گیانەوەریل خنکریای و خیزی، دویرەو بکەن. هەر وەخت له ئی چشتیله پارێز کردین، کار خاسێگ کردینه. ماڵئاوا.»

کاریل ڕەسولەیل 21:25

وەلێ له باوەت ئیمانداریل ناجویلەکه، نامەێگ کل کردیم و حوکم کردیم که باێه له خوراک پیشکەشی وه بتیل و خوین و گوشت گیانەوەریل خنکریای و خیزی پارێز بکەن.»

رومیەگان 11:9

جا داود پادشا ئویشێ: «با سفرەگەێان بوده دام و تەڵه ئەڕاێان، بوده کوچگێگ وه نوای پاێان که بایس کەفتنه و بوده سزاێگ ئەڕاێان.

رومیەگان 14:13

وه ئی بونه، له ئیەودویا باین یەکترەکی ماکوم نەکێم. بەڵکەم وه جێ ئەوه، بتوان هویچ وەخت له سەر ڕێ براێگ کوچگیگ نەخین که بوده بایس کەفتنێ، یا چشتێ مەنەنه نوای ڕێەگەێ.

رومیەگان 14:21

خاسه که گوشت یا شراو نەخوەێ یا کارێگ نەکێ که بوده بایس کەفتن براگەد.

رومیەگان 9:32

ئەڕا؟ چوینکه نه له ڕێ ئیمان، بەڵکەم له ڕێ کردەوه وەشونێەو بین. ئەوانه هەر له بان ئەو کوچگه کەفتنه خوار که بوده بایس کەفتنێان،

یەکم قورنتییل 1:23

وەلێ ئیمه مەسیح وه سەلیب کیشریای بانگەوازی کەیمن که ئەڕا جویلەکەیل کوچگیگه که بوده بایس کەفتنێان و ئەڕا ناجویلەکەیل گیلگەوجیه،

یەکم قورنتییل 7:2

وەلێ وەبونەێ خێزیێلێ که هەس، هەر پیاێگ باێه ژن خوەێ بیاشتود و هەر ژنێگ شوی خوەێ.

عبرانییل 13:4

بیلن هاوسەردارێ وەناو گشتیەکی حرمەت بیاشتود و بین ژن و شوی پاک بمینێ، چوینکه خودا خێزیل و داوانپێسیل داوەری کەی.

یەکم پتروس 2:8

هەر ئیجوره، «کوچگیگ که سەوەو زەوی خواردن بود و تاش کەمەرێگ که بایس کەفتن بود.» ئیانه دەنه زەویا چوینکه له کەڵام خودا گوش نیەتەکنن، هەر ئەوجورە که ئەڕا ئی کاره دیاری کریانه.

دویم پتروس 2:15

ئەوانه ڕێ ڕاس نانەسه لا و له ڕێ دەرچینه. ئەوانه ڕێ بەلعام کوڕ بعور گردنەسه وەر که له ‎حەقدەس نادرسێ خوەشی هاتیاد.

یەهودا 1:11

وای وه حاڵیان، چوینکه ئەوانه ڕێیگ چینه که قائن چی و ئەڕا وه دەس هاوردن نەف، خوێان خستنەسه ناو خەتای بەلعام و وەناو یاخی بین قورەح له بین چینه.

وەحی وه یوحەنا 2:20

وەلێ ئی هەڵه وه توی دێرم که پاپێ ئەو ژن ئیزابل ناوه نێید که خوەێ وه پەێخەمەرێگ زانید. هەر ئەوه که وەگەرد تالیم خوەێ خوڵامیل مه گول دەێد تا دەس وه خیزی بێەن و له خواردەمەنی پیشکەشی وه بتیل بوخوەن.

وەحی وه یوحەنا 2:4

«وەلێ ئی گلەیێه له لێد دێرم، ئەو مابەته که له سەرەتا داشتی، نایدەسه لا.

وەحی وه یوحەنا 21:8

وەلێ نسیو زاورچیەیل و بی ئیمانیل و قیزهاوەریل و ئایەم کوشیل و خێزیل و جادوکەریل و بتپەرەسیل و گشت دروزنیل، دەریاچەێ گڕان وه ئاگر و گوگرده. ئیه مەرگ دویمه.»

وەحی وه یوحەنا 22:15

گەماڵیل و جادوکەریل و خێزیل و خوینکەریل و بتپەرەسیل و گشت کەسیلێگ که درو دوس دێرن و درو وه جێ تیەرن، له دەیشت مینن.