وەحی وه یوحەنا 2:10 - کتاب مقدس به زبان کردی جنوبی - گویش کلهوری

¹⁰ له رەنجێگ که ڕوی کیه پێد، ڕخد نەچود. بنوڕ، ئبلیس تواێ بڕێگ لەلێدان بخێده زندان تا ئەزموندان بکێد و ده ڕوژ بەرد کیشێد. وەلێ تا وه مەرگ وەفادار بمێن که مه تاج زنەیی بەخشمه پێد.

وەحی وه یوحەنا 2:10 ပူးပေါင်းရင်းမြစ်များ

ئنجیل مەتا 10:22

گشتیەکی وەبونەێ ناو مه قینێانه لێدان تێ. وەلێ هەر کەس تا وه ئاخر بەردەوام بمینێ، نجات پەێا کەی.

ئنجیل مەتا 10:28

وه کەسیلێگ که جەسه کوشن وەلێ تویەناێ کوشتن گیان نێرن ڕخدان نەچود؛ بەڵکەم وه ئەوه ڕخدان بچود که تویەنێ گیان و جەسه وەیەکەو وەناو جەهەنم نابود بکێ.

ئنجیل مەتا 24:13

وەلێ هەر کەس تا وه ئاخر بەردەوام بمینێ، نجات پەێا کەی.

مەرقوس 13:13

گشتیەکی وەبونەێ ناو من قینێانه لێدان تێد؛ وەلێ هەر کەس تا وه ئاخر بەردەوام بمینێ، نجات پەێا کەی.

مەرقوس 8:35

چوینکه هەر کەس بتواێ گیان خوەێ نجات بێی، له دەسێ دەێ؛ وەلێ هەر کەس وەبونەێ من و وەبونەێ ئینجیل گیان خوەێ له دەس بێی، گیان خوەێ نجات دەێ.

لوقا 21:12

«وەلێ وەرجه ئی هەمگه، گرنەدان، ئازاردان دەن و دەنەدانه دەس کەنیسەیل و زندانیل، وەبونەێ ناو من، کیشنەدانه لاێ پادشایل و فەرمانداریل.

یوحەنا 12:25

کەسێگ گیان خوەێ دوس بیاشتود، ئەوه له دەس دەێ. وەلێ کەسێگ وەناو ئی دنیا له گیان خوەێ قینێ باێ، ئەوه ئەڕا زنەیی ئەبەدی پارێزنێد.

یوحەنا 13:2

وەخت نان ئێواره بی. ئبلیس وەرجەوە ناویه دڵ یەهوداێ ئەسخەریوتی، کوڕ شەمعون، که عیسا بێیده دەس دشمەنەو.

یوحەنا 13:27

جا یەهودا وەختێ تیکه نانەگە گرد، شەیتان چیه ناوێەو. عیسا وەپێ وەت: «ئەو کاره که تواێ بکی، زویتر بکه.»

کاریل ڕەسولەیل 20:24

وەلێ هویچ قێرێگ ئەڕا گیان خوەم دانەنامه، تەنیا تاسەێ مه ئیەسه، ئەگەر بتویەنم دەور خوەم و خزمەتی که له خوداوەند عیسا گردمه، تا وه ئاخر برەسنم و وه ئینجیل فیز خودا شاێەتی بێەم.

کاریل ڕەسولەیل 21:13

وەلێ پولوس جواو دا: «چەدانه گیره کین و دڵم شکنین؟ مه گورجەو بیمه ئەڕا ناو خوداوەند عیسا نه تەنیا بچمه زندان، بەڵکەم وه ئورشەلیم بمرم.»

یەکم قورنتییل 9:25

هەر کەس موسابقه دەێ، وەناو گشت چشتێگ سەختی دەێه خوەێ. ئەوانه ئیجوره کەن تا تاج گوڵیگ که له بین چود، وه دەس بارن؛ وەلێ ئیمه ئیجوره کيمن تا تاجێگ که له بین نیەچود وه دەس باریم.

ئەفسوسیێل 2:2

یەێ وەختێگ وەناو ئەوانه زنەیی کردیاین، ئەوسا که کەفتوینه شون ڕێ رەوشت ئی جهان و سەروک هێز هەوا، یانێ ئبلیس، هەر ئەو روحه که ئێرنگه وەناو کوڕیل ملچەفتەوکەر کار کەی.

ئەفسوسیێل 6:12

چوینکه ئیمه وەگەرد ئایەمیل که له خوین و گوشتن زوران نیەگریم، بەڵکەم ئیمه وه زد فەرمانرەوایل و دەسڵاتداریل، وه زد هێزیلێ که هانه مل ئی جهان تیەریکه و وه زد لەشکەریل روحیل شەڕئاشو که هانه ناو شونیل ئاسمانی، زوران گریم.

یاقوب 1:12

خوەش وه حاڵ ئەوه که وەناو ئەزمونیل بەردەوامه، چوینکه وەختێ له ئەزمون سەربەرز باێه دەیشت، ئەو تاج ژیانه گرید که خودا وه ئەوانه که دوسی دێرن، وادەێ داس.

یەکم پتروس 5:4

وەختێگ گەورەێ شوانیل ئاشکرا بود، تاج جەڵاڵێگ که له بین نیەچود، گرین.

یەکم پتروس 5:8

جا هوشیار بوین، هوشدان بود. دشمەندان ئبلیس هەر جور شێرێگ که قیڕنێد و خڕ خوێد وەشون کەسێگ گەردێد تا قویرتی بێید.

وەحی وه یوحەنا 13:14

وەگەرد نیشانه و موجزەیلێ که ئجازه داشت وه جێ ئەو گیانەوەر دڕنەی یەکمه ئاشکرا بکێد، نیشتەجێیل زەوی فریو دا و وەته پێان که پێکەرێگ له ئەو گیانەوەر دڕنه درس بکەن که وه شمشێر زام خواردوی، وەلێ هێمراێ زنی بی.

وەحی وه یوحەنا 13:2

ئەو گیانەوەر دڕنه که مه دیم مینستیاده پەڵەنگێگ، پایلێگ جور پاێ خرس داشت و دەمێ جور دەم شیر. ئەژدەها هێز خوەێ و تەخت خوەێ و دەسڵات فره گەوراێگ داده ئەو گیانەوەر دڕنه.

وەحی وه یوحەنا 13:7

ئجازه دریاده پێ که وەگەرد ئیمانداریل وه مەسیح بجەنگێ و وه ملێانەو زاڵەو بود؛ وه سەر هەر هوز و قەوم و زوان و ملەت دەسڵات دریاده پێ.

وەحی وه یوحەنا 17:14

ئەوانه وەگەرد وەرکەگه شەڕ کەن و وەرکەگه وه ملێانەو زاڵەو بود، چوینکه ئەیو خوداوەند خوداوەندیل و شاێ شاێیله؛ و ئەوانه که هانه گەردێەو، دەنگ کریایل و هەڵوژاردیل و پێرەویل وەفادارین.»

وەحی وه یوحەنا 2:13

زانم له کوره نیشتەجێید، ئەوره که تەخت شەیتانه. وه ئی هەمگه وه ناو مه وەفادار مەنیده و ئیمانێ که وەپێم داشتی، حاشا نەکردێ، تەنانەت وه ڕوژگاریل ئانتیپاس، ئەو شاێەت ئەمین منه که وه ناو ئیوه کوشریاد، هەر ئەو شونه که شەیتان وەناوێ نیشتەجێه.

وەحی وه یوحەنا 2:9

له بەرد و دەستەنگێد ئاگادارم، وەلێ دەوڵەمەنی! له بختیل ئەوانه که خوێان جویلەکە زانن وەلێ نین، بەڵکەم کەنیسەێ شەیتانن، خەوەر دێرم.