وەحی وه یوحەنا 19:20 - کتاب مقدس به زبان کردی جنوبی - گویش کلهوری

²⁰ ئەو گیانەوەر دڕنه وەگەرد ئەو پەێخەمەر دروەکانیه که وه لاێ ئەوه نیشانه و موجزەیل ئاشکرا کردوی، گیر هاتن. پەێخەمەر دروەکانی وەگەرد نیشانه و موجزەیل خوەێ کەسیلێگ گول دا که نیشانەێ ئەو گیانەوەر دڕنه گردوینه وەر و پێکەرەگەێ پەرەسیان. ئەوانه هەردگێان زنی فڕه دریانه ناو دەریاچەێ ئاگرێگ که وه گوگرد گڕانه.

وەحی وه یوحەنا 19:20 ပူးပေါင်းရင်းမြစ်များ

ئنجیل مەتا 7:15

«هوشدانه پەێخەمەریل دروەکانی بود. ئەوانه وەناو پوس مێەگان تیەنه ئەڕا لادان، وەلێ وه ناوەو گورگێل دڕنەێگن.

وەحی وه یوحەنا 14:10

ئەو کەسیشه له شراو خەزەو خودا نوشید، شراوێ پڕ قەوەت و ناب که وەناو جام خەزەو ئەیو ڕشیاس. ئەو کەسیشه وه لاێ فریشتەیل موقەدەس و وه لاێ وەرکەگه وەگەرد ئاگر و گوگرد، عەزاو دوینید.

وەحی وه یوحەنا 17:12

«ئەو ده شاخه که دێ، ده گله پادشان که هێمراێ وه هێز پادشایی نەڕەسینه. وەلێ ئەوانه باێه ئەڕا ساتێگ وەگەرد ئەو گیانەوەر دڕنه وه دەسڵات پادشایی برەسن.

وەحی وه یوحەنا 19:19

ئمجا ئەو گیانەوەر دڕنه و ئەو پادشایل زەوی و لەشکەریلیان دیم، که گردەو بوین تا وەگەرد ئەسپ سوارەگه و وەگەرد لەشکەرەگەێ جەنگ بکەن.

وەحی وه یوحەنا 20:10

جا ئبلیس، که ئەوانه گول داوید، فڕه دریاده ناو دەریاچەێ ئاگر و گوگرد، شونێگ که ئەو گیانەوەر دڕنه و پەێخەمەر دروەکانیه فڕه دریاوین. ئیانه ڕوژ و شەو تا ئەبەد و تا ئەبەد عەزاو کیشن.

وەحی وه یوحەنا 21:8

وەلێ نسیو زاورچیەیل و بی ئیمانیل و قیزهاوەریل و ئایەم کوشیل و خێزیل و جادوکەریل و بتپەرەسیل و گشت دروزنیل، دەریاچەێ گڕان وه ئاگر و گوگرده. ئیه مەرگ دویمه.»

وەحی وه یوحەنا 22:15

گەماڵیل و جادوکەریل و خێزیل و خوینکەریل و بتپەرەسیل و گشت کەسیلێگ که درو دوس دێرن و درو وه جێ تیەرن، له دەیشت مینن.

وەحی وه یوحەنا 9:17

ئەسپیل و سواریلێگ که له رویای خوەم دیم، ئیجوره بین: سینەپوشێگ له وەرێان بی وه رەنگ سویر ئاگر و کەو پڕ رەنگ وه زەردی گوگرد. سەر ئەسپیل هەر جور سەر شێریل مینێستیاد و له دەمیان ئاگر و دویکەڵ و گوگرد هاتیاده دەیشت.