وەحی وه یوحەنا 19:14 - کتاب مقدس به زبان کردی جنوبی - گویش کلهوری

¹⁴ لەشکەریل ئاسمان وەشونیەو هاتیان که سوار وه ئەسپیل چەرمگ بین و دڵنگیل کەتان فره خاس و چەرمگ و ترکتەمیس له وەرێان بی.

وەحی وه یوحەنا 19:14 ပူးပေါင်းရင်းမြစ်များ

ئنجیل مەتا 21:5

«وه دویەت کویەگەێ سەهیون بویشن، ”بنوڕ، پادشاگەد تێیده ئەڕا لاد، وه بێ فیسیەو، سوار خەریگ، سوار وه خەرکوڕێگ.“»

ئنجیل مەتا 26:53

گومان کەی نیەتویەنم له باوگ ئاسمانیم بتوام و ئەیو هەر ئێرنگه فرەتر وه دوانزه لەشکەر فریشته ئەڕام کل بکێ؟

ئنجیل مەتا 28:3

شێوەێ جور بڵاچەێ ئاسمان و دڵنگەگەێ جور وەفر، چەرمێ بی.

دویم تسالونیکییل 1:7

تا ئیوه که بەرد کیشین و هەرئیجورەیشه وه ئیمه، ئارامی بێید. ئیه وەختێگ تێدە دی که خوداوەند عیسا وەگەرد فریشتەیل تویەناێ خوەێ وەگەرد ئاگر گڕانیگ له ئاسمانەو ئاشکرا بود.

یەهودا 1:14

خەنوخ، که هەفتمین پشت ئایەم بی، له باوەت ئیانه پێشگویی کرد و وەت: «بنوڕن، خوداوەند وەگەرد هەزاریل هەزار له موقەدەسیل خوەێ تێد،

وەحی وه یوحەنا 14:1

ئمجا وەختێ نوڕستم، ئەو وه‎ڕکه دیم که له بان کویەێ سەهیون وساوی، وەگەرد سەد و چل و چوار هەزار نەفەر که ناو ئەیو و ناو باوگ ئەیو وه بان تەخت تێوڵیان نویسریاوی.

وەحی وه یوحەنا 14:20

جا ئەنگویرەگان وەناو ئەو کەوەڵ دەیشت شار پاوڵا بین و له ئەو کەوەڵه خوین کەفته ڕێ و تا هەوسار ئەسپەگان هاته بان و وه دریژایی سێسەد کیلومتر خوین کەفته ڕێ.

وەحی وه یوحەنا 17:14

ئەوانه وەگەرد وەرکەگه شەڕ کەن و وەرکەگه وه ملێانەو زاڵەو بود، چوینکه ئەیو خوداوەند خوداوەندیل و شاێ شاێیله؛ و ئەوانه که هانه گەردێەو، دەنگ کریایل و هەڵوژاردیل و پێرەویل وەفادارین.»

وەحی وه یوحەنا 19:11

ئمجا دیم که ئاسمان واز کریاس، بنوڕن، وه نوای چەوم ئەسپ چەرمگیگه! که وه سوارەگەێ ئویشن ئەمین و حەق. ئەیو وەناو دادپەروەری حوکم کەێد و جەنگید.

وەحی وه یوحەنا 19:8

دڵنگ کەتان فره خاس و نویرانی و ترکتەمیس بەخشریاسه وەویەگه تا بکێدێ وەرێ.» چوینکه دڵنگ کەتان فره خاس، کاریل سالحان موقەدەسیله.

وەحی وه یوحەنا 3:4

«هەر چەن هێمراێ چەن نەفەر له ساردس ديری که داوانێان چەپەڵ نەکردنه. ئیانه دڵنگ چەرمگ له وەر، وەگەردمەو ڕێ کەن، چوینکه شایسەن.

وەحی وه یوحەنا 4:4

دەورادەور تەختەگه، بیس و چوار تەخت تریش بی که له بان ئەوانه بیس و چوار پیر دانیشتوین. ئەوانه دڵنگ چەرمگ له وەرێان و تاج تەڵا له بان سەریان بی.

وەحی وه یوحەنا 7:9

له شون ئەوه نوڕستم و ئێرنگه، جەماێەت فره گەوراێگ له هەر ملەتێگ، له گشت هوزیل و قەومیل و زوانیل دیم که هویچکەسێگ نیەتویەنستیاد بژمارێدیان و ئەوانه وه نوای تەختەگه و له نوای وەرکەگه وساوین. گشتێان بەتیەێ چەرمگ له وەرێان بی و پەلیل دار خورما وه دەسێانەو.