وەحی وه یوحەنا 19:12 - کتاب مقدس به زبان کردی جنوبی - گویش کلهوری

¹² چەويلی مینێده ئاگر گران و تاجیل فرەێگ ها بان سەری. ناوێگ وه ملێەو نویسریاس که هویچکەسێگ بێجگه خوەێ نیەزانیدەێ.

وەحی وه یوحەنا 19:12 ပူးပေါင်းရင်းမြစ်များ

ئنجیل مەتا 11:27

باوگم گشت چشتێگ وه مه سپاردیه. هویچکەس کوڕ نیەناسێ بێجگه باوگ، هویچکەیش باوگ نیەناسێ بێجگه کوڕ و ئەوانه که کوڕ بتواێ باوگ ئەڕاێان ئاشکراێ بکێ.

ئنجیل مەتا 21:5

«وه دویەت کویەگەێ سەهیون بویشن، ”بنوڕ، پادشاگەد تێیده ئەڕا لاد، وه بێ فیسیەو، سوار خەریگ، سوار وه خەرکوڕێگ.“»

ئنجیل مەتا 28:18

عیسا نزیکیانەو بی وەپێان وەت: «گشت دەسڵات وەناو ئاسمان و وەبان زەوی دریاسه پێم.

لوقا 10:22

باوگم گشت چشتێگ وه مه سپاردیه. هویچکەس نیەزانێ کوڕ کیه بێجگه باوگ، هویچکەیش نیەزانێ باوگ کیه بێجگه کوڕ و ئەوانه که کوڕ بتواێ باوگ ئەڕاێان ئاشکراێ بکێ.»

یوحەنا 17:11

مه دی وەناو جهان نیەمینم، وەلێ ئەوانه هانه ناو جهان، منیش تیەمه‎ ئەڕا لاێ توی؛ ئێ باوگ موقەدەس، ئەوانه وه ناو خوەد که وه مه بەخشایده، بپارێزن تا یەکی بون هەر ئەوجورە که ئیمه یەکیگیم.

یوحەنا 17:12

تا وەختێگ که وەگەردێانەو بیم، ئەوانه وه ئەو ناوده که تو بەخشایده پێم، پارێزانمێان و پاسەوانیان کردم. کەسێگیان نابود نوینه بێجگه کوڕ نابودی، تا قسیەێ کتاو موقەدەس باێه دی.

ئەفسوسیێل 1:21

فره بانتر له هەر فەرمانرەوایی و دەسڵات و هێز و حوکمرانی و بانتر له هەر ناوێگ که بود بنێدەێ بان هەر کەسێگ، نه تەنیا وه ئی دەوره، بەڵکەم هەرئیجورەیشه وه دورەی وەرەڕوی.

عبرانییل 2:9

وەلێ ئەیو دوینیمن که ماوەێ کەمێگ خوارتر له فریشتەیل دانریا، یانێ عیسا، که وه خاتر ئیه که رەنج مەرگ کیشا، تاج جەڵاڵ و حرمەت نریا بان سەری، تا وه پێ فیز خودا ئەڕا گشتیەکی تام مەرگ بکێ.

وەحی وه یوحەنا 1:14

سەر و قژی چەرمگ بی، هەر جور خوری چەرمگ، هەر ‎جور وەفر. چەويلی جور گڕەێ ئاگر بی.

وەحی وه یوحەنا 12:3

ئمجا نیشانەیگ تر له ناو ئاسمانەو دیار دا: بنوڕ، ئەژدەهاێگ سویرەتاوه و فره گەورا که هەفت گله سەر داشت و ده گله شاخ و هەفت گله تاج له بان سەرەگانی بی.

وەحی وه یوحەنا 13:1

ئمجا دیم گیانەوەر دڕنەێگ له دەریا تێده دەیشت. ده گله شاخ داشت و هەفت گله سەر، وەگەرد ده گله تاج وه بان شاخیلێ؛ له بان هەر سەری ناوێگ هامیته وه کفر نویسریاوید.

وەحی وه یوحەنا 19:16

له بان بەتیه و له بان ڕانێ ناوێگ نویسریاس: ’شاێ شاێیل و خوداوەند خوداوەندیل.‘

وەحی وه یوحەنا 3:12

هەر کەسێگ بوێدەو، ئەوه کەمه کوڵەکەیگ له ناو مابەد خوداێ خوەم. ئەوه هەراێهەر ئەوره نێلیده جێ. وه ملێەو ناو خوداێ خوەم و ناو شار خوداێ خوەم، یانێ ئورشەلیم تازه که له لاێ خودا خوەم له ئاسمان تێدە خوار، نویسم و ناو تازه خوەم نویسم.

وەحی وه یوحەنا 6:2

وەختێگ نوڕستم ئەسپ چەرمگیگ وه نوای چەوم دیار داد. ئەو کەسه که سوار ئەسپەگه بی، کەمانێگ داشت و تاجێگ دریاده پێ و ئەوه پێروزمەن هاته دەیشت تا بوێدەو.