وەحی وه یوحەنا 19:10 - کتاب مقدس به زبان کردی جنوبی - گویش کلهوری

¹⁰ ئمجا کەفتمه بان پایلێ تا بپەرەسمەێ. وەلێ وەپێم وەت: «نەبایه توی ئی کاره بکێ! منیش هەر جور توی و برایل توی که لچکینه شاێەتی عیسا، خزمەتکار ئەیوم. خودا بپەرەس! چوینکه شاێەتی عیسا، روح نەبوەته.»

وەحی وه یوحەنا 19:10 ပူးပေါင်းရင်းမြစ်များ

ئنجیل مەتا 4:10

ئمجا عیسا وەته پێ: «دویرەو بکەفه مه ئێ شەیتان، چوینکه وەناو تەورات نویسریاس: «”خوداوەند، خوداێ خوەد بپەرەس و تەنیا وه ئەیو خزمەت بکه“»

مەرقوس 5:22

ئمجا یەکی له سەروکیل کەنیسه که ناوێ یایروس بی هاته ئەوره، وەختێ عیسا دی، کەفته مل پاێ و

مەرقوس 7:25

ژنی که دویەته بویچگەگەی روح ناپاک داشت، وەختێ شنەفت عیسا ها ئەوره، زویزی هات و خوەێ خسته مل پاێ.

لوقا 1:19

فریشتەگه جواوی دا: «من جبرەئیلم که له وەردەم خودا وسم. ئێرنگه کل کریامه تا وەگەرد تو قسیه بکەم و ئی مزگانیه بیەمه پێد.

لوقا 24:44

ئمجا وەپێان وەت: «ئیه هەر ئەوەسه که وەختێ وەگەرددانەو بیم، وەتیام؛ که گشت ئەو چشتیله وەناو تەورات موسا و کتاو پەێخەمەریل و زەبور داود له باوەت مه نویسریاس، باێه وه ئەنجام برەسێ.»

یوحەنا 5:39

ئیوه کتاویل موقەدەس دینه یەکەو، چوینکه خیاڵ کین له ڕێ ئەوانه وه زنەیی ئەبەدی دەس پەێا کین، هەر ئیانەنه که وه مه شاێەتی دەن،

کاریل ڕەسولەیل 10:43

پەێخەمەریل گشتێان شاێەتی ئەڕاێ دەن که هەر کەس ئیمان وەپێ بارێ، وه ناو ئەیو گونایلێ بەخشریەد.»

کاریل ڕەسولەیل 13:27

مەردم ئورشەلیم و گەورایلێان عیسا نەناسین و وه ماکوم کردنێ، قسیەیل پەێخەمەریل که هەر شەبات خوەنریەد، وه دی هاوردن.

دویم قورنتییل 8:7

وەلێ هەر ئەوجورە که وەناو گشت چشتێگ سەرترین - وەناو ئیمان، وەناو قسیه کردن، وەناو ماریفەت، وەناو تاسەێ فره، وەناو مابەتدان وه ئیمه - جا وەناو ئی کار خێریشه بێەنه نوای یەکانەو.

ئەفسوسیێل 5:15

جا، فره هوشدان بود که چوی زنەیی کین، نه جور نەزانیل بەڵکەم جور زانایل.

ئەفسوسیێل 5:33

کوڵ و کوڵبڕ، هەر کامدان باێه ژنەگەێ جور خوەێ دوس بیاشتود و ژنیش باێه هوشی بود که حرمەت شویەگەێ بگرێ.

نامەێ فیلیپییل 3:3

چوینکه خەتەنه کریایل ڕاسەکانی ئیمەیم که وەگەرد روح خودا، پەرەسش کەیمن و شانازیمان وه مەسیح عیساس و پشت نیەوەسیمنه جەسه،

یەکم تسالونیکییل 5:15

هوشدان بود، کەسێگ خراوی وەگەرد خراوی جواو نید، بەڵکەم هەمویشه وەشون خاسێ کردن وه یەکترەکی و وه گشت مەردم بوین.

عبرانییل 1:14

مەر ئەوانه گشتێان روحیل خزمەتکار نین که کل کریەن تا وه میراتی خوەریل نجات، خزمەت بکەن؟

عبرانییل 12:25

هوشدان بود که له گوش داین ئەوه که قسیه کەید، ڕوی هەڵونەگەردنین. چوینکه ئەگەر ئەوانه که وه ئەو کەسه که وەبان زەوی هەڕەشه داویه پێان، گوش نەتەکانن، ڕێ دەرچینێگ له موجازات پەێا نەکردن، جا ئەگەر ئیمه ئەو کەسه که له ئاسمانەو هەڕەشه دەێەپێمان ڕەد بکێم، چوی تویەنیمن له موجازاتەگەێ دەر بچیم.

یەکم یوحەنا 5:10

ئەوه که ئیمان وه کوڕ خودا بارێ، ئی شاێەتیه وەناو خوەێ دێرێ. ئەوه که ئیمان وه خودا نارێ، خودا وه دروزن داسەقەلەم، چوینکه ئەو شاێەتیه که خودا له باوەت کوڕەگەێ داس، باوەڕ نەکردیه.

یەکم یوحەنا 5:21

ئێ ڕوڵەیل ورد، خوەدان له بتەگان بپارێزنن.

وەحی وه یوحەنا 1:1

وەحی عیسا مەسیح، که خودا بەخشاسه پێ تا ئەو چشتیله که باێه وه ئی زویه هەڵبکەفێ، وه خوڵامیل خوەێ نیشان بێید و ئەوه وەگەرد کل کردن فریشتەێ خوەێ وه خولامەگەێ خوەێ یوحەنا ئاشکرا کرد.

وەحی وه یوحەنا 1:9

مه یوحەنا، براێ ئیوه، که له ناو بەرد و له ناو پادشاێ و له ناو سەور و بەردەوام بوینی که وه ناو عیسا هن ئیمەس، وەگەردانەو‎و هاوبەشم، وه بونەێ کەڵام خودا و شاێەتی عیسا، وه جەزیرەێگ وه ناو پاتموس بیم.

وەحی وه یوحەنا 12:11

ئەوانه وەگەرد خوین وەرکەگه و وەگەرد کەڵام شاێەتی خوێان له ئەوه بردنەسەو. چوینکه گیان خوێان عەزیز نەزانستنه، تەنانەت تا وه قێ مردن.

وەحی وه یوحەنا 12:17

ئمجا ئەژدەها وه مل ژنەگه توڕه بی و چی تا وەگەرد ئەو باقی نەتەوەگەێ بجەنگێ؛ یانێ وەگەرد ئەوانه که حوکمیل خودا وه جێ تیەرن و شاێەتی عیسا پارێزنن.

وەحی وه یوحەنا 14:7

ئەو وه دەنگ بەرز وەت: «له خودا زاوردان بچود و ئەیو جەڵاڵ بيەن، چوینکه سات داوەریەگەێ رەسیه. ئەیو بپەرەسن که ئاسمان و زەوی و دەریا و کیەنییل ئاو درس کرد.»

وەحی وه یوحەنا 15:4

ئێ خوداوەند کیه که له توی زاورێ نەچود و ناو توی جەڵاڵ نیەید؟ چوینکه توی، هەر تەنیا توی، قودوسێ. گشت ملەتیل تیەن و توی پەرەسش کەن چوینکه کاریل دادپەروەرانەێ توی ئاشکراوه بیه.»

وەحی وه یوحەنا 19:9

ئمجا فریشتەگه وەپێم وەت: «ئیه بنویس: خوەش وه حاڵ ئەوانه که دەنگ کریانه ئەڕا نان ئێوارەێ سویر وەرکەگه.» بێجگه ئیه وەت: «ئیانه کەڵام ڕاسەکانی خودان!»

وەحی وه یوحەنا 4:10

ئەو بیس و چوار پیره، له وەر دەم تەخت نشینەگه کەفنه مل خاک و پەرەسش ئەیو کەن که له ئەبەد تا ئەبەد زنیه، ئەوانه تاجیل خوێان خەنه نوای تەختەگه و ئویشن: