وەحی وه یوحەنا 18:23 - کتاب مقدس به زبان کردی جنوبی - گویش کلهوری

²³ دیتر نویر هویچ چراخێگ وەناو توی نیەدرەوشێید؛ دیتر دەنگ هویچ وەوی و هویچ زاواێگ وەناو توی وه گوش نیەرەسێد. چوینکه بازرگانیل تو پیاێل گەوراێ زەوی بین و وه فێڵ جادو تو، ملەتیل گشتێان فریو خواردن.

وەحی وه یوحەنا 18:23 ပူးပေါင်းရင်းမြစ်များ

کاریل ڕەسولەیل 8:11

ئەوانه گوشە لێ دیان، چوینکه ئەڕا ماوەێ فرەێگ وەگەرد جادو کردن، سەریان سڕ کردیا.

وەحی وه یوحەنا 12:9

ئەژدەهاێ گەورا فڕه دریاده خوار، هەر ئەو مار جارانه که ئبلیس و شەیتان ناویه و گشت جهان فریو دێ. ئەوه و فریشتەیلێ فڕه دریانه بان زەوی.

وەحی وه یوحەنا 17:2

وەگەرد ئەوه بی که پادشایل زەوی خیزی کردنه و له شراو خیزی ئەوه بی که نیشتەجێیل زەوی سەرخوەش بینه.»

وەحی وه یوحەنا 17:5

ئی ناو مەرموزه له تەخت تێوڵ ئەوه نویسریاوید: «بابڵ گەورا، داڵگ داوانپێسیل و پێسییل زەوی.»

وەحی وه یوحەنا 18:22

دیتر دەنگ چەنگ‎ژەنیل و لوتییل وەناو توی وه گوش نیەرەسێد و دەنگ شمشاڵ ژەنیل و شەیپور ژەنیلیش. دیتر هویچ وساکارێگ له هویچ کاربارێگ وەناو توی پەێا نیود. و دیتر دەنگ هویچ ئاسیاوێگ وەناو توی نیەشنەفێید؛

وەحی وه یوحەنا 18:3

چوینکه گشت ملەتیل له شراو هەواوهەوەس خیزی ئەوه خواردنه و پادشایل زەوی وەگەردیەو خیزی کردنه و بازرگانیل زەوی له هێز زنەیی رەنگینێ دەوڵەمەنەو بینه.»

وەحی وه یوحەنا 18:9

پادشایل زەوی که وەگەردیەو خیزی کردن و وەناو ڕەنگینی وەگەردێەو زنەیی کردن، وەختێ دویکەڵ سزیان ئەوه بوینن، وه ملێەو گیره و زاری کەن.

وەحی وه یوحەنا 21:8

وەلێ نسیو زاورچیەیل و بی ئیمانیل و قیزهاوەریل و ئایەم کوشیل و خێزیل و جادوکەریل و بتپەرەسیل و گشت دروزنیل، دەریاچەێ گڕان وه ئاگر و گوگرده. ئیه مەرگ دویمه.»

وەحی وه یوحەنا 22:15

گەماڵیل و جادوکەریل و خێزیل و خوینکەریل و بتپەرەسیل و گشت کەسیلێگ که درو دوس دێرن و درو وه جێ تیەرن، له دەیشت مینن.

وەحی وه یوحەنا 22:5

دیتر شەو نیه و ئەوانه وه نویر چراخ یا خوەر هەوەجی نێرن، چوینکه خوداوەند خودا بوده نویر ئەوانه و ئەوانه تا ئەبەد و تا ئەبەد سەڵتەنەت کەن.

وەحی وه یوحەنا 6:15

ئمجا پادشایل زەوی و گەورایل و سپاسالارێل و دەوڵەمەنیل و هێزداریل و هەرکەس، هەم خوڵام و هەم ڕزگار وەناو ئشکەفتیل و وەناو تاش کەمەریل، خوێان شاردنەو.

وەحی وه یوحەنا 9:21

ئەوانه له ئایەم کوشییل و جادوکەرییل و خێزییل و دزییل خوێان توبه نەکردن.