وەحی وه یوحەنا 17:14 - کتاب مقدس به زبان کردی جنوبی - گویش کلهوری

¹⁴ ئەوانه وەگەرد وەرکەگه شەڕ کەن و وەرکەگه وه ملێانەو زاڵەو بود، چوینکه ئەیو خوداوەند خوداوەندیل و شاێ شاێیله؛ و ئەوانه که هانه گەردێەو، دەنگ کریایل و هەڵوژاردیل و پێرەویل وەفادارین.»

وەحی وه یوحەنا 17:14 ပူးပေါင်းရင်းမြစ်များ

ئنجیل مەتا 22:14

چوینکه دەنگ کریایەگان فرەن، وەلێ هەڵوژاردەگان کەم.»

ئنجیل مەتا 25:40

ئمجا پادشا جواویان دەێ: ”وه ڕاسی، وەپێدان ئویشم، هەر چی ئەڕا یەکی وه ئی بویچگترین برایلم کردین، ئەڕا مه کردین.“

ئنجیل مەتا 28:18

عیسا نزیکیانەو بی وەپێان وەت: «گشت دەسڵات وەناو ئاسمان و وەبان زەوی دریاسه پێم.

یوحەنا 15:16

ئیوه مه هەڵنەوژاردین، بەڵکەم مه ئیوه هەڵوژاردم و دەس نیشاندان کردم تا بچین و بەر بارین و بەرەگاندان بمینێ، تا هەر چی له باوگ وه ناو منەو داوا بکێن، بێیده پێدان.

رومیەگان 1:6

ئیه ئیوەیش گرێده وەر که دەنگ کریاینه تا هن عیسا مەسیح بوین؛

رومیەگان 8:30

جا ئەوانه که وەرجەوە دیاری کرد، دەنگیانیش کرد و ئەوانه که دەنگیان کرد سالحانیش وەحساو هاورد؛ ئەوانه که سالحان وەحساو هاورد، جەڵاڵیش دا.

رومیەگان 8:37

نه، ئیمه وەناو گشت ئی چشتیله له ڕێ ئەیو که مابەتمان کرد، له ئەوانه که سەرکەفتێن، سەرتریم.

یەکم قورنتییل 15:24

ئمجا ئاخر زەمان رەسێد، وەختێ که مەسیح وەشون له بین بردن هەر فەرمانرەوایی و دەسڵات و هێز، پادشایی سپارێده دەس خوداێ باوگ.

یەکم نامەێ تیموتاوس 6:15

که خودا ئیه له وەخت خوەێ وه جێ تیەرێد، هەر ئەو خوداێ بمارک و حاکمێگ که یەکێگە و شاێ شاێیل و خوداێ خوداییله

دویم تیموتاوس 2:4

هویچکەسێگ له وەخت سەربازی، خوەێ تویش گیرگرفت زنەیی نیەکێد، ئەڕا ئیه که تواید خوەشنودی فەرماندەگەێ خوەێ وه دەس بارێد.

یەکم پتروس 2:9

وەلێ ئیوه نەتەوەێگ هەڵوژاریای و کاهنيلێگین که وێنەێ پادشا کاهنی کەن؛ ملەتێگ موقەدەسێگین و قەومێگین که مێلکان خود خوداین؛ تا سفەتیل بەرز ئەیو جار بێین که ئیوه له تیەریکی وەرەو نویر سەرسڕهاوەر خوەێ دەنگ کرد.

وەحی وه یوحەنا 1:5

له لاێ عیسا مەسیح، ئەو شاێەت ئەمینە و یەکم زگ له ناو مردگیل و فەرمانرەواێ پادشایل زەوی، وه ملدانەو بود. وه ئەیو که ئیمەیش دوس دێرێ و وەگەرد خوین خوەێ ئیمه له گونایلمان ڕزگار کردێه و

وەحی وه یوحەنا 11:7

وەختێ ئەوانه شاێەتی خوێان وه ئاخر رەسانن، ئەو گیانەوەر دڕنه که له چاێ هاویه تێدە دەیشت، وەگەردێانەو کەێدەێ جەنگ و وه مل ئەوانه زاڵەو بود و کوشێدیان.

وەحی وه یوحەنا 16:14

چوینکه ئیانه روحیل شەیتانین که نیشانه و موجزەیل ئاشکرا کەن و چنه ئەڕا لاێ پادشایل سەرئانسەر جهان تا ئەوانه ئەڕا شەڕ وه ڕوژ گەوراێ خوداێ هەر وه تویەنا وه دەور یەکەو گردەو بکەن.

وەحی وه یوحەنا 2:10

له رەنجێگ که ڕوی کیه پێد، ڕخد نەچود. بنوڕ، ئبلیس تواێ بڕێگ لەلێدان بخێده زندان تا ئەزموندان بکێد و ده ڕوژ بەرد کیشێد. وەلێ تا وه مەرگ وەفادار بمێن که مه تاج زنەیی بەخشمه پێد.

وەحی وه یوحەنا 2:13

زانم له کوره نیشتەجێید، ئەوره که تەخت شەیتانه. وه ئی هەمگه وه ناو مه وەفادار مەنیده و ئیمانێ که وەپێم داشتی، حاشا نەکردێ، تەنانەت وه ڕوژگاریل ئانتیپاس، ئەو شاێەت ئەمین منه که وه ناو ئیوه کوشریاد، هەر ئەو شونه که شەیتان وەناوێ نیشتەجێه.

وەحی وه یوحەنا 3:21

«هەر کەسێگ بوێدەو، وەپێ ئجازەێ دانيشتن وەگەردمەو وه مل تەختەگەێ خوەم بەخشم، هەر ئەوجورە که مه بردمەو وەگەرد باوگم وه مل تەختەگەێ دانیشتم.