وەحی وه یوحەنا 16:14 - کتاب مقدس به زبان کردی جنوبی - گویش کلهوری

¹⁴ چوینکه ئیانه روحیل شەیتانین که نیشانه و موجزەیل ئاشکرا کەن و چنه ئەڕا لاێ پادشایل سەرئانسەر جهان تا ئەوانه ئەڕا شەڕ وه ڕوژ گەوراێ خوداێ هەر وه تویەنا وه دەور یەکەو گردەو بکەن.

وەحی وه یوحەنا 16:14 ပူးပေါင်းရင်းမြစ်များ

ئنجیل مەتا 24:14

ئی خەوەر خوەش پادشایه وه سەرئانسەر جهان جار درێید تا بوده شاێەتی ئەڕا گشت ملەتیل. ئمجا جهان وه ئاخر رەسێ.

ئنجیل مەتا 24:24

چوینکه مەسیحیل دروەکانی و پەێخەمەریل دروەکانی تیەن و نیشانەیل و موجزەیل گەورا تیەرن تا ئەگەر بکرێ، تەنانەت هەڵوژاردەگان له ڕێ دەر بکەن.

مەرقوس 13:22

چوینکه مەسیحیل دروەکانی و پەێخەمەریل دروەکانی ئاشکرا بون و نیشانەیل و موجزەیل تیەرن تا ئەگەر بکرێ، هەڵوژاردەگان گومڕا بکەن.

لوقا 2:1

وه ئەو ڕوژیله، ئاگوستوس قیسەر روم، حوکمێگ دا تا گشت مەردمیلی که وه ژێر فەرمان روم بین سەرژماری بون.

یوحەنا 8:44

ئیوه وه باوگدان ئبلیس تالوق دێرین و تواین خاستەیل باوگدان وەجێ بارین. ئەوه له سەرەتاوه خوینکەر بی و وەگەرد ڕاسیەو میانەێگ نێرید، چوینکه هویچ ڕاسی وەناوێ نیه. هەر وەخت درو ئویشێ، له زات خوەێ ئویشێ؛ ئەڕا ئیه که دروزنه و باوگ گشت درویله.

رومیەگان 1:8

وەرجه هەر چشتێ، له ڕێ عیسا مەسیح، وەبونەێ گشتدان سپاس خوداێ خوەم کەم چوینکه ئیماندان وه گشت کورەێ دنیا دەنگ داسەو.

دویم تسالونیکییل 2:9

هاتن ئەو بی دینه له ڕێ کار شەیتان، ها گەرد گشت هێز و نیشانەیل و موجزەیل دروەکانی،

یەکم نامەێ تیموتاوس 4:1

وەلێ روح خودا، ئاشکرا فەرمایش کەی که له زەمانیل ئاخر، بڕێگ له ئیمان هەڵوگەردیەن و کەفنه شون روحیل سەر له ئایەم شیون و تالیمیل دێویل.

یاقوب 3:15

ئیجور زانیاریگ له ئاسمان ناتیەسه خوار، بەڵکەم هن زەویه و نەفسانی و شەیتانیه.

یەکم یوحەنا 5:19

ئیمه زانیمن که له خودایمن و گشت جهان پاڵەو داسه ژێر هێز ئەو شەڕئاشوه.

وەحی وه یوحەنا 12:9

ئەژدەهاێ گەورا فڕه دریاده خوار، هەر ئەو مار جارانه که ئبلیس و شەیتان ناویه و گشت جهان فریو دێ. ئەوه و فریشتەیلێ فڕه دریانه بان زەوی.

وەحی وه یوحەنا 13:3

یەکیگ له سەریل ئەو گیانەوەر دڕنه، چمانێگ زام متڵەقبڕێگ هەڵگردوی، وەلێ زام متڵەقبرەگەێ خاسەو بوید. گشت جهان سەریان سڕ مەن و کەفتنه شون ئەو گیانەوەر دڕنه.

وەحی وه یوحەنا 16:16

ئمجا ئەو سێ روح ناپاکه، پادشایل زەوی له شونێگ که وه زوان عبرانییل ’حارمەگدون‘ خوەنرێی، گردەو کردن.

وەحی وه یوحەنا 16:7

مه شنەفتم له قوروانگا جواو هات که: «بەڵێ، ئێ خوداوەند خوداێ هەر وه تویەنا، حەقه و داده، داوەرییل توی.»

وەحی وه یوحەنا 17:14

ئەوانه وەگەرد وەرکەگه شەڕ کەن و وەرکەگه وه ملێانەو زاڵەو بود، چوینکه ئەیو خوداوەند خوداوەندیل و شاێ شاێیله؛ و ئەوانه که هانه گەردێەو، دەنگ کریایل و هەڵوژاردیل و پێرەویل وەفادارین.»

وەحی وه یوحەنا 20:8

ئەڕا گول داین ملەتیلێگ که هانه چوار پەل زەوی چوده دەیشت. ئەوه جوج و ماجوج که ژمارەیان جور شنیل دەریان ئەڕا جەنگ گردەو کەێد.

وەحی وه یوحەنا 3:10

وه بونەێ ئیه که قسیه مه له باوەت سەور و بەردەوام بین پارێزانیده، منیش توی له سات ئەزمونێگ که وه سەر تەمام جهان تێد تا نیشتەجێیل زەوی ئەزمون بکێد، پارێزنم.

وەحی وه یوحەنا 6:17

چوینکه ڕوژ گەوراێ خەزە‎و ئەوانه ڕەسیه، چ کەسێگ تویەناێ وساینی هەس؟»