وەحی وه یوحەنا 15:2 - کتاب مقدس به زبان کردی جنوبی - گویش کلهوری

² جا چشتێگ دیم که مینستیاده دەریاێگ له شیشه که هامیته وه ئاگر بی، هەرئیجوره له لاێ دەریاێگ له شیشه کەسیلێگ وه سەر پاوەو دیم که وه مل گیانەوەر دڕنه و پێکەرەگەێ و ژمارەێ ناوێ زاڵەو بوین. ئیانه چەنگیلێگ له دەسێانەو بی که خودا داویدەێ پێان.

وەحی وه یوحەنا 15:2 ပူးပေါင်းရင်းမြစ်များ

ئنجیل مەتا 3:11

«مه ئەڕا توبه کردن، وەگەرد ئاو تەعمیددان دەم؛ وەلێ ئەوه که وەشون مه تێدن له مه تویەناتره و مه تەنانەت شایسه نێیم کەوشەگانی ئەڕاێ هەڵبگرم. ئەیو وەگەرد روح‌القودوس و ئاگر تەعمیددان دەێ.

یەکم پتروس 1:7

تا بی خڵت خەوش بوین ئیماندان له ناو ئەزمون مور بود و له وەخت ئاشکرابوین عیسا مەسیح بایس ستایش و جەڵاڵ و حرمەت بود، هەر ئەو ئیمانه که فره گران قیمەت‎تر له تەڵاێگه که هەرچەن له بین چود وەلێ وه وەسلەێ ئاگر ئەزمون بود.

یەکم پتروس 4:12

ئێ عەزیزەیل، له ئی ئاگرێگه که ئەڕا ئەزمون ئیوه له ناودان ها پاوه، ئەڵاجویدان ناید، جوری که چماێ چشت غەریوێگ وه سەردان هاتێه.

وەحی وه یوحەنا 12:11

ئەوانه وەگەرد خوین وەرکەگه و وەگەرد کەڵام شاێەتی خوێان له ئەوه بردنەسەو. چوینکه گیان خوێان عەزیز نەزانستنه، تەنانەت تا وه قێ مردن.

وەحی وه یوحەنا 13:1

ئمجا دیم گیانەوەر دڕنەێگ له دەریا تێده دەیشت. ده گله شاخ داشت و هەفت گله سەر، وەگەرد ده گله تاج وه بان شاخیلێ؛ له بان هەر سەری ناوێگ هامیته وه کفر نویسریاوید.

وەحی وه یوحەنا 13:14

وەگەرد نیشانه و موجزەیلێ که ئجازه داشت وه جێ ئەو گیانەوەر دڕنەی یەکمه ئاشکرا بکێد، نیشتەجێیل زەوی فریو دا و وەته پێان که پێکەرێگ له ئەو گیانەوەر دڕنه درس بکەن که وه شمشێر زام خواردوی، وەلێ هێمراێ زنی بی.

وەحی وه یوحەنا 13:17

تا هویچکەسێگ نەتویەند، بسێنێد یا بفروشێد، مەر ئیه که ئەو نیشانه بیاشتود که ئەو نیشانه، یا ناو ئەو گیانەوەر دڕنه بی، یا ژمارەێ ناوێ.

وەحی وه یوحەنا 21:18

دیوار شار له یەشم درس کریاوێ و شار له تەڵای ناب بی و جور شیشه بریقەێ هاتیاد.

وەحی وه یوحەنا 4:6

جا له نوای تەختەگه، چشتێگ بی که مینستیاده دەریاێگ له شیشه ، جور بلور. دەور تا دەور تەختەگه، وه هەر لاێ تەختەگه، چوار گیانەوەر زنی بی که له نوا و له دویاوه پڕ له چەو بی.

وەحی وه یوحەنا 5:8

جا وەشون ئەوه که تومارەگه گرد، ئەو چوار گیانەوەر زنی و ئەو بیس و چوار پیره له نوای وەرکەگه کەفتنه بان خاک. ئەوانه هەر کامێان چەنگێگ له دەسێانەو بی و پیاڵەێگ تەڵایی نیقەڵتوز له بوخورێگ که هەر ئەو دوعایل ئیمانداریل مەسیحەسه.