وەحی وه یوحەنا 15:1 - کتاب مقدس به زبان کردی جنوبی - گویش کلهوری

¹ ئمجا یە نیشانه و موجزەێ فره گەورا و سەرسڕهاوەرێگتر وەناو ئاسمان دیم: هەفت فریشته وەگەرد هەفت بەڵا بی که ئاخرین بەڵایێلن، چوینکه وەگەرد ئەوانه توڕەێ خودا تەمام بود.

وەحی وه یوحەنا 15:1 ပူးပေါင်းရင်းမြစ်များ

وەحی وه یوحەنا 10:3

جا ئەوجورە هاوار بەرزێگ هەڵ هاورد که مینستیاده قیڕەێ شیر. وەختێ کردی هاوار، ئەو هەفت گله هەورەتریقه هاتنه دەنگ و قسیه کردن.

وەحی وه یوحەنا 11:14

’وی‘ دویم له سەر گوزەریاس. بنوڕ، ’وی‘ سێیەم وه ئی زویه باێه باێد.

وەحی وه یوحەنا 14:10

ئەو کەسیشه له شراو خەزەو خودا نوشید، شراوێ پڕ قەوەت و ناب که وەناو جام خەزەو ئەیو ڕشیاس. ئەو کەسیشه وه لاێ فریشتەیل موقەدەس و وه لاێ وەرکەگه وەگەرد ئاگر و گوگرد، عەزاو دوینید.

وەحی وه یوحەنا 14:19

جا ئەو فریشته داسەگەێ وه بان زەویا خڕ داد و ئەنگویرەگان زەوی گردەو کرد و وەناو کەوەڵ گەوراێ توڕەێ خودا ڕشان.

وەحی وه یوحەنا 16:1

ئمجا دەنگ بەرزێگ له مابەد و شنەفتم که وه ئەو هەفت فریشته وەتیا: «بچن و هەفت پیاڵەێ توڕەێ خودا وه مل زەویا بڕشنن.»

وەحی وه یوحەنا 17:1

ئمجا یەکیگ له ئەو هەفت فریشته که ئەو هەفت پیاڵه له دەسێانەو بی هات و وەته پێم: «بەو تا سزاێ ئەو داوانپێس گەورا که دانیشێده مل ئاویل فره، نیشانید بێەم.

وەحی وه یوحەنا 19:15

جا شمشێر فره تێژێگ له دەمیەو تێده دەیشت، تا وەگەردیەو بێیده ملەتیل. «وەگەرد گوچانێگ ئاسنی وه ملێانەو حوکم کەی.» ئەیو ئەنگویر توڕەیی و خەزەو خوداێ هەر وه تویەنا وەناو کەوەڵ شراو پاوڵا کێ.

وەحی وه یوحەنا 21:9

ئمجا یەکیگ له ئەو هەفت گله فریشته که هەفت پیاڵەێ پڕ له هەفت بەڵای ئاخر داشتن، هات وه مه وەت: «بەو! مه وەوی، یانێ هاوسەر وەرکەگه نیشاند دەم.»

وەحی وه یوحەنا 8:13

جا نوڕسم و شنەفتم هەڵوێگ هەر ئەوجورە که له ‎ناوڕاس ئاسمان باڵەو گرێ، وه دەنگ بەرز هاوار کرد: «وی، وی، وی وه نیشتەجێیل زەوی، چشتێگ نەمنیه دەنگ شەیپورەگان ئەو سێ فریشتەێتریشه هەڵسێد.»

وەحی وه یوحەنا 8:2

جا ئەو هەفت فریشته که له نواێ خودا وسن، دیم که هەفت گله شەیپور دریاده پێان.

وەحی وه یوحەنا 8:6

ئمجا ئەو هەفت فریشته که ئەو هەفت گله شەیپوره داشتن، گورجەو بین تا پف بکەنه پێانەو.

وەحی وه یوحەنا 9:20

له ئایەمیزاێ، ئەوانه که له ئی بەڵایله نەکوشریان، نه له کاریل دەس خوێان توبه کردن. نه له پەرەسین دێویل دەس شوردن و نه له پەرەسین بتیل تەڵایی و نقرەیی و برنجه و کوچگین و چویی که نیەتویەنن بوینن یا بشنەفن یا ڕێ بکەن.