وەحی وه یوحەنا 14:7 - کتاب مقدس به زبان کردی جنوبی - گویش کلهوری

⁷ ئەو وه دەنگ بەرز وەت: «له خودا زاوردان بچود و ئەیو جەڵاڵ بيەن، چوینکه سات داوەریەگەێ رەسیه. ئەیو بپەرەسن که ئاسمان و زەوی و دەریا و کیەنییل ئاو درس کرد.»

وەحی وه یوحەنا 14:7 ပူးပေါင်းရင်းမြစ်များ

ئنجیل مەتا 25:13

جا وه خەوەر بون، چوینکه وه ئەو ڕوژ و ساته خەوەر نێرین.

لوقا 17:18

بێجگه ئی بێگانه، کەسێ تر ناتەو تا ستایش خودا بکێد؟»

کاریل ڕەسولەیل 14:15

«ئێ پیاێل، ئەڕا ئیجوره کەین؟ ئیمەیش جور ئیوه، ئایەمیم. ئیمه مزگانی دیمه پێدان که له ئی چشتیل پویچه دەس بکیشن و ڕوی بارینه خوداێ زنی که ئاسمان و زەوی و دەریا و هەر چی که ها ناوێ، وه دی هاوردێه.

یەکم پتروس 4:7

ئاخر گشت چشتێگ نزیکه؛ جا وه سەر خوەدان زاڵ بون و وه بونەێ دوعایلدان هوشیار بون.

وەحی وه یوحەنا 11:13

هەر ئەو ساته، زەویه لەرزەێگ گەورا هەڵکەفت و ده یەکی شارەگه ڕمیاد و هەفت هەزار نەفەر وه ناو زەوی لەرزەگه کوشریان و ئەوانه که مەنوینەو فره رخێان چی و خوداێ ئاسمان جەڵاڵ دان.

وەحی وه یوحەنا 11:18

ملەتیل توڕه بین، وەلێ وەخت توڕه بوین تو ڕەسیه، وەخت ئەوه ڕەسیه که مردگیل داوەری بون و دەسخوەشانه بێرێیده خزمەتکاریل توی یانێ وه پەێخەمەریل و ئیمانداریل وه مەسیح و ئەوانه که له ناو تو رخێان چود و حرمەت ناو توی پارێزنن، له ورد و له زرو، وەخت ئەوه ڕەسیه کەسیلێگ که زەوی له بین بەن، له بین بچن.»

وەحی وه یوحەنا 15:4

ئێ خوداوەند کیه که له توی زاورێ نەچود و ناو توی جەڵاڵ نیەید؟ چوینکه توی، هەر تەنیا توی، قودوسێ. گشت ملەتیل تیەن و توی پەرەسش کەن چوینکه کاریل دادپەروەرانەێ توی ئاشکراوه بیه.»

وەحی وه یوحەنا 16:9

مەردم له تین گەرما سزیان و ناو خودا که هێز ئی بەڵایله ها دەسێ، لانەت کردن، ئەوانه توبه نەکردن و ئەیو جەڵاڵ نیان.

وەحی وه یوحەنا 18:10

له زاور عەزاوێگ که ئەو کیشێد له دویرەو وسن و ئویشن که: «وی، وی! ئێ شار گەورا، ئێ بابڵ، ئێ شار هێزدار! چوینکه وه یەێ سات داوەرید رەسیه!»

وەحی وه یوحەنا 18:17

چوینکه یەێ ساته گشت ئی ماڵ و داراییه له بین چیه.» گشت ناخودایل کەشتی و دەریا نەوەردیل و مەلەوانیل و گشت کەسیلێگ که له ڕێ دەریا بازرگانی کەن، له دویرەو وسان.

وەحی وه یوحەنا 18:19

خوڵ کەنه بان سەریان و گیره و شین کەن و هاوار کەن که: «وی، وی! ئێ شار گەورا، شارێگ که گشت کەشتی داریل دەریا، له دەوڵەمەنی ئەوه ماڵ و دارایی گردەو کردن، چوینکه یەێ ساته وێران بیه!

وەحی وه یوحەنا 19:5

ئمجا دەنگێگ له تەختەگه دەر هات که وەتیا: «خوداێ ئیمه ستایش بکەن، ئێ ئیوه، گشت خزمەتکاریل ئەیو، ئێ ئیوه، که له لێ زاوردان چود، له ورد و له زرو!»

وەحی وه یوحەنا 4:11

«ئێ خوداوەند و خوداێ ئیمه، تو شایسەێ که جەڵاڵ و عزەت و هێز، پێشکەش بوده پێد، چوینکه تو گشت چشتێگ وه دی هاوردی و گشت چشتێگ وه خاست توی درسکریا و وه دی هات.»

وەحی وه یوحەنا 4:9

هەر جار که ئەو گیانەوەریل زنیه، جەڵاڵ و عزەت و سپاس هەناردیان ئەڕا تەختنشین که له ئەبەد تا ئەبەد زنیه،

وەحی وه یوحەنا 8:10

فریشتەێ سێیەم پف کرده شیپورەگەێ و هەسارەێگ گەورا هەر جور مەشخەلیگ گڕان له ئاسمانەو کەفته بان سێ کوتی چەمیل و کیەنییل ئاو.