وەحی وه یوحەنا 14:3 - کتاب مقدس به زبان کردی جنوبی - گویش کلهوری

³ جا بەیتیگ تازه خوەنیان له نوای ئەو تەخت و له نوای ئەو چوار گیانەوەر زنی و له نوای ئەو پیریله. هویچکەسێگ نیەتویەنست ئەو بەیته یاێ بگرێد، مەر ئەو سەد و چل و چوار هەزار نەفەره که وەناو مەردم بان زەوی ڕزگاریان سەنریاوی.

وەحی وه یوحەنا 14:3 ပူးပေါင်းရင်းမြစ်များ

یەکم قورنتییل 1:18

چوینکه پێخام سەلیب ئەڕا ئەوانه که وەرەو نابودی چن گیلگەوجیه، وەلێ ئەڕا ئیمه که هایمنه ڕێ نجات هێز خوداس.

یەکم قورنتییل 2:14

ئایەم نەفسانی چشتیل روح خودا وەرنیەگرێ، چوینکه ئەڕا ئەوه گیلگەوجیه و نیەتویەنی بفامیدەێ، چوینکه زانستن خاس‎خراوی ئیجور چشتیلی هەوەجی وه دەرک روحانی دێرێ.

وەحی وه یوحەنا 14:1

ئمجا وەختێ نوڕستم، ئەو وه‎ڕکه دیم که له بان کویەێ سەهیون وساوی، وەگەرد سەد و چل و چوار هەزار نەفەر که ناو ئەیو و ناو باوگ ئەیو وه بان تەخت تێوڵیان نویسریاوی.

وەحی وه یوحەنا 15:3

ئەوانه بەیت خزمەتکار خودا، موسا، خوەنیان و بەیت وەرکەگه که: «فره گەورا و سەرسڕهاوەرە کاریل توی، ئێ خوداوەند خوداێ هەر وه تویەنا. داد و حەقه ڕێیل توی، ئێ پادشاێ ملەتیل.

وەحی وه یوحەنا 2:17

«ئەوه که گوش دێرێد بشنەفێد که روح خودا وه کلیسایل چه ئویشێد. هەر کەسێگ که بوێدەو، وه ئەوه له ئەو نان ’مەنا‘ دەمه پێ که شاریاسەو. هەر ئەوجورە کوچگ چەرمگیش بەخشمه پێ که وه بان ئەو کوچگه ناو تازەێگ نویسریاس، ناوێ که کەس نیەزانێ چەس، بێجگه ئەوه که گرێدەێ.

وەحی وه یوحەنا 5:9

جا ئیجور بەیت تازەێگ خوەنن که وەتیاد: «توی شایسەێ گردن تومارید و شایسەێ واز کردن موریلێ، ئەڕا ئیه که سەر بڕیاێد و وەگەرد خوین خوەد ڕزگاری مەردم له هەر هوز و زوان و قەوم و ملەتێگ، ئەڕا خودا سەندی؛

وەحی وه یوحەنا 7:4

ئمجا شنەفتم که ژمارەێ مورکریاییل سەد و چل و چوار هەزار نەفەر له گشت هوزیل بەنیئسرائیل بی.