وەحی وه یوحەنا 14:15 - کتاب مقدس به زبان کردی جنوبی - گویش کلهوری

¹⁵ ئمجا یە فریشتەتر له مابەد هاته دەیشت و وه دەنگ بەرز وه ئەیو که له بان هەورەگه دانيشتوی وەت: «داسەگەێ خوەد هەڵگر و درەو بکه، ئەڕا ئیه که سات درەو ڕەسیه و خەلەی زەوی خاس ڕەسیه.»

وەحی وه یوحەنا 14:15 ပူးပေါင်းရင်းမြစ်များ

ئنجیل مەتا 13:30

بیلن تا وەخت درەو هەر دگێان وەیەکەو برەسن. له وەخت درەو وه درەوکەرەگان ئویشم یەکم جار غەلتاسەگان وژار بکەن و بنەنێانه بافه تا بسزننێان، وەلێ گەنمەگه گردەو بکەن و بکەنەێ ناو ئەمبارەگەم.“»

ئنجیل مەتا 13:39

ئەو دشمەنه که غەلتاسەگان وەشان، ئبلیسه. وەرز درەویش، ئاخر ئی دەورانەسه؛ درەوکەرەگانیش، فریشتەیلن.

ئنجیل مەتا 23:32

ئێرنگه که ئیجورەسه کارێ که باپیریلدان شرو کردنه، بوەنێ سەر.

مەرقوس 4:29

وەختێ خەله برەسێ، جفتیار زویزی داس وه کار گری، چوینکه وەرز درەو ڕەسیه.

یەکم تسالونیکییل 2:16

و نێیلن ئیمه وەگەرد ناجویلەکەیل قسیه بکێم تا نجات پەێا بکەن. وەئیجوره هەمویشه پەێمانەی گونایلێان نیقەڵتوزەو کەن. وەلێ خەزەو خودا دەس ئاخر وه ملێانەو ڕشیاس.

وەحی وه یوحەنا 11:19

ئمجا مابەد خودا وەناو ئاسمان واز بی و سونویخ پەێمان ئەیو وەناو مابەدەگەێ کەفته دەیشت و له ناکاوەو بیه بڵاچه، گرمەگرم و هەورەتریقه وه گوش رەسیا و زەوی لەرزه بی و خوڕوم تگر بی.

وەحی وه یوحەنا 13:12

وەگەرد گشت دەسڵات گیانەوەر دڕنەی یەکم و له جێ ئەوه کار کردیاد و زەوی و نیشتەجێیلی وه پەرەسین گیانەوەر دڕنەی یەکم که زام متڵەقبرەگەێ خاسەو بوی، وادار کردیاد.

وەحی وه یوحەنا 14:14

ئمجا وەختێ نوڕستم، هەورێگ چەرمگ وه نوای چەوم بی. له بان ئەو هەوره یەکیگ دانيشتوی که مینستیاده کوڕ ئنسان و تاجێگ له تەڵا وه بان سەر و داسێگ تێژ له دەسیەو بی.

وەحی وه یوحەنا 14:16

جا ئەیو که وەبان هەورەگه دانيشتوی داسەگەێ خوەێ وەبان زەوی خڕ دا و زەوی درەو بی.

وەحی وه یوحەنا 14:17

ئمجا یە فریشتەتر له مابەدێگ که ها له ئاسمان هاته دەیشت و ئەویش داس تێژێگ له دەسیەو بی.

وەحی وه یوحەنا 14:18

یە فریشتەتر له قوروانگا هاته دەیشت. فریشتەێگ که وه مل ئاگر دەسڵات داشت، وه دەنگ بەرز وه ئەو کەسه که داس تێژ داشت، وەت: «داسه تێژەگەد هەڵگر و بوڵیل‎ له دار مەێو زەوی گردەو که، چوینکه ئەنگویریلێ ڕەسینه.»

وەحی وه یوحەنا 15:6

هەفت فریشته که هەفت بەڵا وەگەردێانەو بی له مابەد هاتنه دەیشت. فریشتەیل دڵنگیلێگ له کەتان ترکتەمیس که بریقەێ هاتیاد له وەرێان و شالێگ له تەڵا له دەور سینەێانەو بی.

وەحی وه یوحەنا 16:17

فریشتەێ هەفتم پیاڵەگەێ خوەێ ڕشانه هەواێا ‎و له ئەو تەخته که له ناو مابەد بی، دەنگ بەرزێگ دەر هات که: «تەمام بی!»

وەحی وه یوحەنا 6:10

ئیانه دەنگ بەرز هەڵ هاوردن که: «ئێ خوداوەندێگ که وه هەر چی چشته حاکمی، ئێ قودوس، ئێ که حەقی، تا کەی داوەری نیەکێ و ئنتقام خوین ئیمه له نیشتەجێیل زەوی نیەسینێد؟»