وەحی وه یوحەنا 14:13 - کتاب مقدس به زبان کردی جنوبی - گویش کلهوری

¹³ ئمجا دەنگێگ له ئاسمانەو شنەفتم که وەتیا، «بنویس: خوەش وه حاڵ ئەوانه که له ئیەولا وەناو خوداوەند مرن.» جا روح خودا فەرمایش کرد: «وه ڕاسی خوەش وه حاڵ ئەوانه چوینکه له زامەتیل خوێان ئارام گرن، ئەڕا ئیه که کاریلێان وه شونێانەو تێد!»

وەحی وه یوحەنا 14:13 ပူးပေါင်းရင်းမြစ်များ

ئنجیل مەتا 3:17

ئمجا دەنگێگ وه ئاسمان هات که: «ئیه کوڕه عەزیزەگەمه که فره له لێ خوەشنودم.»

لوقا 16:25

وەلێ ئێبراهیم جواو دا: ”ڕوڵەم، باره هویرد که تو وەناو زنەیی، له چشتیل خاس خوەد لەزەت بردێ، ئەو وەخته چشتیل خراو نسیو ئیلعازەر بی. ئێرنگه ئەوه وه ئێرا ها ناو ئاشاسێگ و تو هایده ناو عەزاو.

لوقا 16:9

وەپێدان ئویشم ماڵ دارایی ئی دنیاێ گەنیاێه ئەڕا پەێا کردن ڕەفیقەیل خەرج بکەن تا وەختێ ماڵ داراییەگه چشتێ وەلێ نەمەن، وەناو ماڵیل ئەبەدی نیشتەجێدان بکەن.

رومیەگان 14:8

ئەگەر زنەیی کیم، ئەڕا خوداوەند زنەیی کیم و ئەگەر مریەم، ئەڕا خوداوەند مریمن. جا چ زنەیی بکێم، چ بمریم، هن خوداوەندیمن.

یەکم قورنتییل 15:18

بەڵکەم ئەو ئیمانداریل وه مەسیحه که مردنه، له دەس چینه.

یەکم قورنتییل 15:20

وەلێ مەسیح وه ڕاسی له مردگیل زنیەو بیه و نەوبەر کەسیلێگه که له ناو مردگیل زنیەو کریاس.

یەکم قورنتییل 15:58

جا، برایل عەزیزم، قورس و بەردەوام بون، هەمویشه وه قوڕن دڵ خەریک کار خوداوەند بون، چوینکه زانين زامەتەگەدان وەناو خوداوەند هویچ پەتی نیه.

دویم قورنتییل 5:8

ئەرێ، ئازایمن و ئیجوره خاس زانیم، که له ئی جەسه دویرەو بکەفیمن و لەلاێ خوداوەند نیشتەجێ بویمن.

نامەێ فیلیپییل 2:17

تەنانەت ئەگەر هەوەجی وه ئیه بود که خوین مه هەر جور شراو پیشکەش کریاێ، وه مل پیشکەشی قوروانی ئیماندان بڕشێید، وەناو وه جێ هاوردن ئی کاره خوەشاڵم و وەگەرد گشتدان خوەشی کەم.

یەکم تسالونیکییل 4:14

چوینکه ئەگەر ئیمان دێریم که عیسا مرد و وەدواره زنیەو بی، جا هەر وه ئیجوره، خودا ئەو ئیمانداریلێگ که مردنه، له ڕێ عیسا تیەرێدەو.

یەکم تسالونیکییل 4:16

چوینکه خوداوەند خوەێ وه فەرمانێگ که وه دەنگ بەرزه، وەگەرد دەنگ سەروک فریشتەیل و دەنگ شەیپور خودا، له ئاسمانەو تێدە خوار. ئەو وەخته یەکم جار ئیمانداریل وه مەسیح که مردنه، زنیەو بون.

یەکم تسالونیکییل 5:10

که وەبونەێ ئیمه مرد، تا چ وەخەوەر بویمن و چ وەناو خەو، وەگەرد ئەیو زنەیی بکێم.

یەکم نامەێ تیموتاوس 5:24

گونایل بڕێگ ئاشکراس و وەرجه ئەوانه کڕنێدیانه ئەڕا داوەری، وەلێ گونایل بڕێگ تر له شون ئەوانه تێد.

یەکم نامەێ تیموتاوس 5:25

هەر وه ئیجوره، کاریل خاس ئاشکراس و تەنانەت ئەوانه که ئاشکرا نیه، کەس نیەتویەنی بشاریدێەو.

وەحی وه یوحەنا 1:11

که وەتیا: «ئەو چشتێ که دوينی له ناو کتاوێگ بنویس و کل بکه ئەڕا هەفت کلیسا یانێ کلیسایل: ئەفسوس، ئسمیرنا، پرگاموم، تیاتیرا، ساردس، فیلادلفیه و لائودیکیه.»

وەحی وه یوحەنا 10:4

جا وەختێ ئەو هەفت گله هەورەتریقه قسیه کردن، تواسم بنویسم وەلێ شنەفتم دەنگێگ له ئاسمانەو وەت: «ئەو چشتێ که ئەو هەفت گله هەورەتریقه وەتنه، مورێ بکه و مەنویس.»

وەحی وه یوحەنا 11:15

ئمجا فریشتەێ هەفتم شیپورەگەێ هاورده دەنگ؛ له ناکاوەو دەنگیل بەرزێگ پێچیاده ناو ئاسمان که وەتیا: «حوکومەت جهان، بیەسه هن خوداوەند ئیمه و مەسیح ئەیو. جا ئەیو تا ئەبەد و تا ئەبەد حوکم کەێد.»

وەحی وه یوحەنا 11:19

ئمجا مابەد خودا وەناو ئاسمان واز بی و سونویخ پەێمان ئەیو وەناو مابەدەگەێ کەفته دەیشت و له ناکاوەو بیه بڵاچه، گرمەگرم و هەورەتریقه وه گوش رەسیا و زەوی لەرزه بی و خوڕوم تگر بی.

وەحی وه یوحەنا 16:17

فریشتەێ هەفتم پیاڵەگەێ خوەێ ڕشانه هەواێا ‎و له ئەو تەخته که له ناو مابەد بی، دەنگ بەرزێگ دەر هات که: «تەمام بی!»

وەحی وه یوحەنا 19:9

ئمجا فریشتەگه وەپێم وەت: «ئیه بنویس: خوەش وه حاڵ ئەوانه که دەنگ کریانه ئەڕا نان ئێوارەێ سویر وەرکەگه.» بێجگه ئیه وەت: «ئیانه کەڵام ڕاسەکانی خودان!»

وەحی وه یوحەنا 2:1

«وه فریشتەێ کلیساێ شار ئەفسوس بنویس: «ئەیو که هەفت هەساره ها دەس ڕاسی و له ناوڕاس هەفت چراخدان تەڵا ڕێ کەێد، ئیجوره ئویشێد:

وەحی وه یوحەنا 2:7

«هەرکەسێگ گوش دێرێد بشنەفێد که روح خودا وه کلیسایل چه ئویشێد. هەر کەسێگ بوێدەو، وه پێ ئجازەێ خواردن له دار زنەیی بەخشم که ها ناو بەهیشت خودا.

وەحی وه یوحەنا 20:6

بمارک و موقەدەسه، کەسێگ که له یەکمین زنیەو بوین مردگیل، بەشداره. مەرگ دویم وه مل ئیجور کەسیلێگ هویچ هێزێگ نێرید بەڵکەم ئەوانه بونه کاهنيل خودا و مەسیح و وەگەرد ئەیو هەزار ساڵ سەڵتەنەت کەن.

وەحی وه یوحەنا 21:5

ئمجا ئەو تەختنشینه فەرمایش کرد: «بنوڕ، گشت چشتێگ تازەوه کەم.» هەرئیجوره فەرمایش کرد: «ئیه بنویس چوینکه ئی قسیەيله شایسەێ دڵنیایی و ڕاسه.»

وەحی وه یوحەنا 22:17

روح خودا وەگەرد وەوی ئویشین: «بەو!» بیل تا هەر کەسێگ که شنەفێد بویشێد: «بەو!» بیل تا هەر کەسێگ تیەنیه باێد؛ بیل تا هەر کەسێگ ئاوەختی دێرێ، له ئاو ژیان وه پەتی بسێنێد.

وەحی وه یوحەنا 6:11

ئمجا وه هەر کام له ئەوانه، بەتیەێ چەرمێگ دریاد و وەتریاده پێان که قێرێگ‎تر ئارام بگرن تا وەختێگ که ژمارەێ هاوخزمەتیل و برایلێان که باێه جور ئەوانه بکوشریەن، کامڵەو بود.